ألا يا شينها مهنه

[عبدالله الشويمان]

السلام عليكم ورحمة الله وبركاته..
اخواني طلع مني هالابيات على عجل..ارجو ان تحوز على جزء من الاعجاب..

ألا يا شينها مهنه

على رسلك بهون وخذ كلام اللي مضى عمره=من كثار التجارب في حياته جاك بالآتي
ترى مانيب جاهل عارف الجمره من التمره=اميز ما يضر الناس وعنه ابعد مسافاتي
ما احب الشر احب الخير واكره خصلة الزمره=كذا مبداي وفي مبداي ماشي في مساراتي
ولا لي بالتوافه وانكر امن انفوس منغمره=بقال فلان وقال فلان سب ابكل الاوقاتي
ألا يا شينها مهنه وراها ما يجي عمره=تدمِّر في قلوب الناس طيبات ومحباتي
ولا يا شين من يضلم ويرضى الضلم من زمره=على فرق تسد يبنون مجدٍ فيه غراتي
ولا يا شي في صدري ولكن بطمر بطمره=الى اللي في بلدهم عايشين الوقت حسراتي
عربنا في فلسطين الجريحه جرحهم أمره=على الله اولهم منا الدعاء عل الفرج ياتي
عسى الله من سماه ينزَّل جنودٍ لها همره=طيورٍ ترمي احجارٍ من السجيل عزراتي
على اسرائيل في صبحٍ عليهم يشتعل جمره=لهيب النار باجساد اليهود ويمسو امواتي

وسلامتكم
عبدالله الشويمان=الرعد

[مبروك بن ماضي]

عربنا في فلسطين الجريحـه جرحهـم أمـره
0000000000000على الله اولهم منا الدعاء عل الفـرج ياتـي
عسى الله من سماه ينزَّل جنـودٍ لهـا همـره
0000000000000طيورٍ ترمي احجارٍ مـن السجيـل عزراتـي
على اسرائيل في صبحٍ عليهم يشتعـل جمـره
000000000000لهيب النار باجساد اليهـود ويمسـو امواتـي


اللهم آميييييييين


شاعرنا المبدع / عبدالله الشويمان
صح لسانك واجدت في بيانك
الله يفرجها ويكتب لهذه الامه النصر والتمكين
سجل اعجابي وتقبل تحياتي ،

[نجم الإبداع]

صح لسانك يابو بدر

قصيده تفوح منها الحكمه كأنها المسك

لاهنت


تقبل مروري

واحترامي

[الطائر المهاجر]

اي والله يابو بدر ياشينها من مهنة لذلك دائما ما اقول:
احب العب على المكشوف دايـم=واحب الرجل واضح كالنهـاري
ولو اظهـر عـداوه زاد هيبـه=بعيني وارفعه فـوق المـداري
ولا نـذلٍ جبـانٍ دوم مـاكـر=يغيضه ما كسبته مـن وقـاري
ليثأر في الخفاء لاجته فرصـه=برمح الغيـر طعناتـه غـداري

فيازين الشجاعه والمواجه لتصحيح المفاهيم الغير مفهومه
وإذا فيه خطأ فمن الشجاعة الإعتراف والإعتذار
صح لسانك واعتلا شأنك
ولا هان راسك
تحياتي وتقديري

[الطامي]

الشويمان
صح السانك ياعود لافظ فوك
الله يثيبك عليها
شكرا لك

[عدنان كريزم]

الله الله يا عبدالله الغالي

قصيده فعلا تدل على التمكن الشعري


الله ينصرنا على العدوووييين

[سعيد الصاعدي]

الاخ الفاضل / عبدالله الشويمان
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[عبدالرحمن حميد الغانمي]

عربنا في فلسطين الجريحـه جرحهـم أمـره
على الله اولهم منا الدعاء عل الفـرج ياتـي
عسى الله من سماه ينزَّل جنـودٍ لهـا همـره
طيورٍ ترمي احجارٍ مـن السجيـل عزراتـي
على اسرائيل في صبحٍ عليهم يشتعـل جمـره
لهيب النار باجساد اليهـود ويمسـو امواتـي



آآآآمين آآآآآمين

اللهم انصر اخواننا على اليهود

قصيدة من راس يرقى عاليات المراقيب تستمد شموخها من شموخ ناسج أبياتها

صح لسانك و لا هنت

[مجدي صالح المبارك]

الشاعر المحترم ( عبدالله الشويمان ) صح لسانك واعتلا شانك اخي الكريم ابيات جزلة , نسأل الله العلي القدير ان يفرج عن اخواننا في فلسطين الجريحة فرجاً قريباً ويذل اعداء الإسلام , لك مني فائق الإحترام ودمت بكل خير .

الشاعر المحترم ( عبد الله الشويمان)
صح لسانك وعلا بيانك
على هذه القلادة المصاغة من درر
يعجز الوصف عن تقييمها
او إعطائها حقها بالمفردات والكلمات
تقبل مروري المتواضع
بين طيات هذه الرائعة
ودمت بكل خير.