زهرة حبه الأول

[محمد بن عمار]

السلام عليكم /
مشاركة لذوائقكم الفارهه
عسى أن تكون على مستوى
إشراقة طلعاتكم البهيه ،قافية مثولثة

زهرة حبه الأول

عذابي والجفاء طوّل = يزود ، بدافع ٍحسّي
= على كثر الهموم اللي تجسّد واقعي لجراح
وصرت بقيدي مكبّل = أواجه تهمة الحبسي
= على شان إهتمامي بالحبيب اللي هجرني وراح
غرا مه للحشا إحتل = غدى له منصب وكرسي
= ومن زود الغلا حبه ، لساحة خافقي إجتاح
وزهرة حبه الأوّل = غرسها في الصدرغرسي
= على روض الحشاء تنثر،عبيروعنبر ٍفيّاح
عقب فرقاه ماأتحمّل = أصّفق خمس ٍ بخمسي
= وأدق الصدر بإيديني وأقول إن الهوى فضّاح
وأصبح حبنا الأمـثل = تناضح ،، بيننا عكسي
= مناسيب الغلا من صاحبي فيها التمادي لاح
أنافي بحره ، مبهذل = وعيّا ،، مركبي يرسي
= تقاذفني به الأمـواج ، وشدة عاتي الأرياح
عن غيابه بديت أسأل = وأعاتب نفسي بنفسي
= ولا كنت أعتقد في الحب يذبحني بغير سلاح
غلاه ، وكل مايفعل = وطبع ٍ صار به ، يقسي
= قتلني ، والقتل للي تشهّد ، مسلم ٍ ماباح
وصرت بوضعي أتأمّل = وطول الليل ما أمسي
= هني اللي مريح البال ، قلبه داله ٍ مرتاح

مودتي لشموخكم العذب

محمد بن عمار

[منيع]

دائما مبدع ومتألق
كل الشكر لكم
اعجابي وودي

[الطائر المهاجر]

كلمات غنائيه جميله
صح لسانك
ولاهنت
تحياتي

[روح الشعر]

محمد بن عمار

اطربتنا بها

لا هنت يابعدي على ابداعك

ودي واحترامي

[جهاد الشعلان]

الله الله

يابن عمار ابداااع متجدد

صح لسانك على هالغنائيه العذبه

تقبل مروري

[داعي الشوق]

صح لسانك مليوون يا بو عبدالعزيز

مثلث ابداعي تجسد قلب شاعر جريح القصيد

لاهنت يا مطرب الذائقه

وصح لسانك مدد

[نفحات حساسة]

صح السانك..ولاهنت

ابيات رائعه تستحق العوده

تحيتي

[التويم]

صح لسانك
ولا هنت
طيبه من راس طيب
تحياتي الطيبه

[حوريه]

قصيده ثلاثيه رائعه سلم لنا ذوقك وذائقتك
دمت ودام نبضك

0
0

[عبدالله الدخيل]

ابداااااااااااااع

صح لسانك ولا هنت يابن عمار

واقبل
ودي واحترامي