من الشات 8/8/2009 ترانيم ×المري

[الطامي]

اقول ياترانيم المطر او ماقول = هو المطر صباب والا صبابه ( الطامي )
كان المطر صباب ياحي هالزول = وان انكشف غيمه تقافى ربابه( الطامي )
معقول ماتعرف لهالحين معقول=سحابتن يا ويها من سحابه ( ترانيم )
لي عقل يا الطامي ويفهم عى طول = محتاج شرح البيت نوفي نصابه( ترانيم )
والنعم فيما شفت قولٍ بثر قول = وقد قالته رفيعة الشان يابه( الطامي )
هاذي ترانيم المطر شيٍ ايهول = قافٍ ومعنى وقل منهي تشابه( الطامي )
للعقده اللي عاصيه عندنا حلول =وصدر الشمالي ياالسنافي رحابه( ترانيم )
عن كلمتك يا اخوك مسؤل مسؤل = يحتاج بعض الهرج منا ذرابه( ترانيم )
اشوى وحيثي ياترانيم مكفول = من عقلك اللي صد عني عقابه( الطامي )
اقول واعود ثم اقول واطول = ومدام انا المسئول يامرحبابه( الطامي )
منهو كفيلك قول منهو على طول = ماهمني من باع بك واشترا به( ترانيم )
الله هو اللي علمٍ بكل مايجول = بصدور كل الناس ماهي غرابه( الطامي )
ترى النخل واقف ولو كان منخول = يعطي ثمار المقبله من رجابه( الطامي )
بعض النخل صنوان مافيه محصول = والمثمره زاادت عليها الحرابه( ترانيم )
والتمر لثمر بالموازين مكيول =واحذر من الغشاش ينقص نصابه ( ترانيم )
كل الكلام ايزين ويصير معسول =لاصار بين اثنين ذا يندوابه( الطامي )
قلتي كلام الحق خوش غرمول = صح الله السانش وكفي العطابه( الطامي )
وصح الله السانك وهالقول مشمول = للي حضر والمستمع والقرابه( ترانيم )

[داعي الشوق]

يا سلام يا سلام

محاوره جميلة و جزلة في معناها

صح لسانك يا ترانيم و صح لسانك يالطامي

شعراء كبار و رائعين

تحيتي لكم

،،،،،،،،،

[سناعيس]

الله الله
ياسلام عليكم
جزلين ومافيكم حيله

تحياتي

[صعبة المنال]

صحت السنتكم

صعوووووووووب

[الطامي]

داعي
صح بدنك
وشكرا لمروك
لاهنت اخي

[الطامي]

سناعيس
صح بدنك
وشكرا لمروك
لاهنت اخي

[الطامي]

صعبه
صح بدنك
وشكرا لمرورك
لاهنت اختي

[حي الضمير]

ابدعتم وامتعنم ياشعار
وصح السنتكم

[الطامي]

حي الضمير
صح بدنك
وشكرا لمرورك
لاهنت

[نفحات حساسة]

صح السانكم جميع
شعراء اكبار..يعطيكم العافيه..