>>قصيده السلسال للشاعر نايف المطيري<<

بسم الله الرحمن الرحيم


قصيده اعجبتني انقلها لكم فهي تنضح

لوحات شعرية بديعه-

قصيدة السلسال للشاعر والإعلامي

المعروف نايف المطيري

ياللي تقولين لي صوره بسلسالك = لك صورةٍ في حنايا الصدر محفوره
اعسها كل ماعاندني وصالك = وامسي وتصبح عروق القلب ممطوره
الله ياحظ النسيم اللي رفع شالك = عن غرّةٍ في سواد الليل مخموره
حبيبتي والله ان مولعك هالك = في وصلك اللي غدا همه ومحذوره
نسجت لك كل مايطري على بالك = من زعفران الحديث ودافي شعوره
لاتسأليني عن احلامي وعن حالك = وانتي غزايز عطا حبي وميسوره
حاولت اوصل احساسي بس ماطالك = احساسي اكبر من احلى الشعر وبحوره
وان كان انا حلمك المأمول وامالك = انتي نفس مهتويك وسيدة شوره
تبختري في معاليقي على فالك = وان شح بعض العطا كلٍ ومقدوره
وياللي تقولين لي صوره بسلسالك = انتي بدمك ولحمك فيّ منثوره

الشاعر نايف المطيري

[الطامي]

الحوراء بنت نجد
صح الله السان المطيري
ولاهنتي على النقل المنتقى الطيب
شكرا لك

[ماجد الزيد]

لاهنتي يالحوراء على النقل الاكثر من رائع
وصح الله لسان نايف
الطيب مايجيب الا الطيب

الحوراء بنت نجد


طاب نقلك وصح لسان الشاعر

الكاشف

لاهنت لرقي متابعتك

اشكرك

[صعبة المنال]

السلام عليكم ورحمة الله وبركاته

يعطيك العافية


صعووب

اختياار موفق للغايه

وابياات بغاايه الجمال

تدل على ذووق شعري رااقي

شكرا على النقل الراقي

[البديعي]

مشكور
على المعلومه الجيده
تحياتي

[البديعي]

مشكور
على المعلومه الجيده
تحياتي

[خميس]

الف شكر
على ماجاد به قلمك
تحياتي الطيبه