فلاح افلح

[الطائر المهاجر]

برد ومطر والعود ما عنده جمر = خلى البداوه لاهلها من يوم ما خاوى الحضر
وين انت ياوقت مضى هذا العصر= كل بداره يستمع لاخبار تعمي ناظره

[نجم الإبداع]

هذا الخطر ياعود واحذر لاتناظر بالصور= قرب معاميلك وشب النار وانا منتظر
دفاية الكهرب تدفي خير من جمر السمر=هذا زمان الحضر والراحه وصوت الطايره

[سناعيس]

عاشو الفطاحل
متابعين بإنصات

[الطائر المهاجر]

مامن صور إلا مذابح من توكل واصطبر= عل العرب فيهم نفع او ينصر الله من صبر
عدو جدك ما يعود لك صديق لو ظفر = لكننا ما نفتهم كل من نشوفه نحقره

[نجم الإبداع]

صدقت وانا خابرَك صابك من الواقع قهر= لكن هذا يارفيقي من تصاريف القدر
دوك العرب صاروا شيع متناحره بين البشر=فتنه عظيمه من ثرى بغداد لين القاهره

[نجم الإبداع]

ارحب ياسناعيس

حضورك يشرفنا

لاعدمناك

[الطائر المهاجر]

ويش المصير قل لي اذا عندك خبر = بين اليهودي والعجم صرنا عبر
كل طمع فينا ولاحد في مصيره افتكر= نناكل ننام والذيب فاتح فاغره

[نجم الإبداع]

ماظن يخفاك المصير الي تكلم به عمر= ترك الجهاد المسكنه والذل والدنياء ممر
صرنا غثاء والباس فيما بيننا كنه سقر=الحب للدنياء وكرهٍ للحياة الآخره