صليب الراس يفتخر في قبيلة زهران

[نجم الإبداع]

السلام عليكم

احببت ان اقل لكم هذه القصيده

آمل ان ترقى لذائقتكم

تقول من فين انت.. وقلـت زهرانـي =من لابةٍ لابـدت للحـرب هـي هيـه
قبيلـةٍ مـن جنوب..وعزهـا بـانـي =اسـطـورةٍ للكرم..نيرانـهـا حـيـه
تستقبل الضيـف بالترحيـب والدانـي =مليـون مرحـب ولا يكفـون رديــه
وتجير من يستجيـر وتزبًـن العانـي =وتفك ظيم ٍ عن المظيـوم والديـه
والجار تحفظ حقوقه عن جنـى جانـي =لاغـاب ماكنـه الا حـاضـر هنـيـًه
شيمه وقيمه وقدر وعز وايماني =رفعه وغيره .. ورثناها سماويه
لباسنـا المـرت والبلجيـك وسنانـي =والجنبخان انتظم فـي سبـت جنبيـه
بارودنـا .. عطرنـا لا ثـار دخانـي =عن طيلسان وحمى مصيـون وحميًـه
عنه انشدي الترك في صفيان عجلاني =يـوم اختلـط بالدمـاء نيـاح تركيـه
من شافهم صاح باعلى الصوت طرباني =ياحي قوم ٍلهم في الحرب ماريه
صبيان زهران نام وغط الاجفاني =مدام لك مع صلاب الروس عانيه
وبلادنا.. مـن جبـال ٍ سمـر وجنانـي =فيهـا اختلـط شوكهـا.. ببعيثرانيـه
وبيوتنا.. مـن مـدر ليـًن وصًوانـي =فيهـا الاثـل( زفرن)بالقطـر مطليـه
فينا غلاضة حرس واحسـاس فنانـي =وفينـا يلـد للغضـب سبعيـن جنيـه
وفينا براعـة فكـر والعلـم برهانـي =شيـوخ ودكاتـره فـي كـل ناحـيـه
الله خلقنـا كـذا سمـرٌ بالالوانـي =وفينا بياض القلـوب وطهـر بالنيـه
وتاريخنا من جذيمه(1) عالي الشانـي =وبن احمد(2) اللي عروضه شعر مقريه
وابو هريره صحابي خير جداني =حفظ لنا الدين والقران في ذيًه(3)
وفي عهد سيد البشر كنا لـه ايمانـي=في كل غـزوه لنـا وقعـات مطريـه
شجعان يوم الوغـى زلـزال بركانـي =عن سنة المصطفى والشـرع دوريـه
وبنشير تشهد وتشهد ارض الافغاني =في يوم حق ٍ دهكنا خشوم روسيه
شمنا عن الغـدر والتدليـس بلسانـي =عزوه لمن يعتـزي والحـق لـه فيـه
وشمنا عن الذل يوم الذل جرباني =وراعيه يمسي على قلبه هتيميه
رجالنا عـن ميـة فـارس وديدانـي =وبنتنـا فـي حبـاب العيـن مخفيـه
كبيرنـا لـه مـع التقديـر الاحسانـي =وصغيرنـا لـه محبـه عطـف حنيـه
وعندنا للمحبـه .. فيـه تبيانـي =نصون عرض الحبيـب بحـد شبريـه
ولا نجـازيـه بالتعـبـات نكـرانـي =ولا نخليـه لـو دارت بــه الهـيًـه
عظيم فينـا الوفـا والصبـر سلوانـي =وقلوبنـا مـع بعضنـا حيـل ولفيـه
وماهمني مـن ذكرتـه لـو تناسانـي =ربعي شنار ٍ لهم بالقلـب وسميًـه
يحبهم كل راعي حق وانساني =بطيبهم عاشوا الدنيا سموحيه
قالت يكًفي خـلاص العلـم وافانـي =اشبعت فينـي فضولـي ميـه الميـه
قلت يابنت هذا قصيدي لك وقيفاني =قاف ٍ على آني وقاف ٍعلى ايًه
من الزمرد ولول البحر تيجاني =والقاف يرمي كما رميات جثريه
اخذيه في مقلتك مابين الاجفاني =والدمع خليه في عينيك جبريه
والا انثريه ان لقيتي فيه سلواني =لا صاكعت بك ليالي حزن وهميه
وقولي جبرني على الانصات زهراني =في منتدى للــقا نفحات ورديه
وسافر بفكري وصار القلب هيماني =وتزاحمت بي على الانفاس شرقيه
واوغل بذاتي ولا ادري وين وداني =ببحور شعره وقصاته الدراميه
ماشفت قبله ولا بعده احد ثاني =يتجرد الحرف بين ايديه طوعيه
يسكب لي الحرف في مهجات حيراني =ويغرقه في شوق .. صوراتٍ خرافية
واذا استوى الحرف قلب فيه وجداني =والجرح ينزف .. على ذكره وطاريه
ويوم استرق خافقي صور لي احزاني =واقبلت في وسط عيني دمعه ندًيه
جاوبني .. العلم.. جاك وجاك عنواني =وان كان ودك نزيدك مابها هيًه
يكفيني اني ولـدت بـارض زهرانـي =تسوى جميع الدول فـي نظـرة عنيـه

عبدالرحمن الزهراني
صليب الراس

بواسطة فلاح بن منشار

[نجم الإبداع]

ترفع للاطلاع

[رفيعة الشان]

والنعم والله بزهراان

صح الله لسان صليب الراس

بددع و اجاد

لا هان الناقل

[سناعيس]

صح لسان الشاعر ويحق له أن يفخر
ومليون نعم في هذه القبيلة التي نفتخر بها كباقي القبائل العربية الأصيله
كما نفتخر بكل من يعيش على هذه الأرض الطيبه
فالشكر كل الشكر لك يا أخي أبو محمد على نقل هذه القصيدة التعريقة
ولو أن هذه القبيلة ليست بحاجة لأن تعرف
لاهنت وبيض الله وجهك

تحياتي

[محمد عبدالله البدراني]

العزيز الغالي فلاح الزهراني سلمه الله


لاهنت يالغالي وصح السان الشاعر عبدالرحمن الزهراني وعزالله انه تكلم


وتستاهلون تستاهلون بياض الوجه بافعالكم الطيبه ومكارم اخلاقكم

ويحق لنا ان نفخر بكم كما نفخر بكل القبائل التي هي مصدر الكرم والشجاعه والخوه واكرام الضيف وحفظ حقوق الجار وكل المادي القيمه


تحياتي
مع اسمى ايات الشكر فائق التقدير واطيب المنى رعاك الاله

[حي الضمير]

ونعم بزهران طيبين الفعول
وصح لسااان الشاعر ولاهنت شاعرنا فلاح على النقل الرائع

[صعبة المنال]

لك انت تفتخر يا ابن منشار

نقل رائع

صعووب

[الطامي]

فلاح
صح السان الشاعر
والنعم بها قبيله
شكرا فلاح على النقل والتعريف
لاهنت

[داعي الشوق]

نقل جميل

و القصيدة جميلة كذلك

يعطيك العافية

مع التحية لك

،،،،،،،،،،،،،،،،،،،

[نجم الإبداع]

المشاركة الأصلية كتبت بواسطة رفيعة الشان

والنعم والله بزهراان

صح الله لسان صليب الراس

بددع و اجاد

لا هان الناقل

اهلا يارفيعه

ونعم بك وبربعك

وجزيل الشكر على المرور الكريم


لاعدمتك