خلف الحجاب ولايراك انسانيه

[نجم الإبداع]

يالله عفوك ياعظيم وياحليم=يارب وارفق في الحياه الفانيه
يامن بفظلك كلمك موسى الكليم =خلف الحجاب ولا يراك انسانيه
وقال موسى دعني انظر ياكريم=لنور وجهك قال خذ برهانيه
صعق نبي الله من الطود القديم=يومه تجلى له غدى دكانيه
يامن يشوف الذره في الليل العتيم=ويدرك ابصار البشر بالثانيه
انته علمت السر واخفى ياعليم =ياعالم الغيب ودبيب الوانيه
ارسلت للفرعون واصحاب الرقيم =ولليهود ارسلت بالوحدانيه
الدين دينك رغم شيطانٍ رجيم =دين الهدى الاسلام والعمدانيه
محفوظ في القرآن والشرع القويم=ماتاه عنه الا العقول السانيه
تبارك الرحمن ذو الطول العظيم=القاهر الي صور الاكوانيه
ارسل محمد بالهدى وهو الرحيم =وانجاه من كيد العدى العميانيه
وانزل عليه الوحي بالذكر الحكيم=وقال جاهد واقتل الكفرانيه
هاجر على يثرب وابو بكر الفهيم=صاحبه في طرقه بها نورانيه
قصو الاثر بعده قريش وتحت غيم=غاصت حوافر خيلهم بركانيه
حل المدينه نور واسلم كل شيم =الا اليهود وعصبة الشيطانيه
من بعدها في بدر بالنصر المريم=طاحت عروش الكفر والشركانيه
واصحابه الغر الذي زكو النسيم=اقامو العدل وسقو العطشانيه
عهد الخلافه لو عرفه اهل النعيم=شاهت وجوه اهل العلوم الخانيه
وبني اميه قامو الدين السليم = ودولة بني العباس دوله بانيه
واذكر صلاح الدين ياصحاب الركيم=يومه كسر بالقدس للصلبانيه
ونعم بدولة تركيا رغم الهشيم =والفرس ماجا منهم الا الشانيه
اشوف للعربان فوق الارض ضيم=ونفوسهم تشرد ورى الضلعانيه
مارزو البيرق ولا ردو خصيم= ماهمهم ياكود كاس وغانيه
اغراهم الشيطان لادراك الجحيم =لاجل الرزايا غرد العلمانيه
نطرب لبتهوفن وفي لندن نهيم=مانستمع زغلول والزندانيه
نلهث ورى الدنياء وما فينا فطيم=كلن برضاعه معه ولعانيه
فوق المعارج قاعدين مع الحريم=نستجدي اليابان والالمانيه
ماتذرف الدمعه لنا فوق الحطيم=ماتت قلوب بطونها شبعانيه
ياناس ماذا حال بالليل البهيم =كلن على ليلى غدى ولهانيه
والله لقد اسمعت لو فاد النظيم=لكن مابه حي رد الحانيه
مانزرع ولانصنع الحبه وسيم=ماظن يرقى للعلى الكسلانيه
هذا من الهاجوس جزله والهشيم=وجهة نظر ماخالفت ميزانيه
والخاتمه صلو على النور الرحيم =محمد الي بين القرأنيه

[حرف وشعر]

لله درك يافلاح علي هذه القصيده

المعبره والجميله بحق

حفظك الله

[الطائر المهاجر]

سلمت
وصح لسانك وفكرك
جزلة وطيبة من راس طيب
لاهنت
تحياتي

[عبير الورد]

اللهم صل وسلم على محمد

بارك الله فيك وصح لساااانك ملايين
سلمت وسلم منطوقك الجزل
ربي يعطيك العافية

[حمود السكراني]

صح لسانك يافلاح قصيدة جزلة وجت

في وقتها في هذه الأيام الفاضلة

[داعي الشوق]

ماتذرف الدمعه لنا فوق الحطيـم = ماتت قلـوب بطونهـا شبعانيـه
ياناس ماذا حـال بالليـل البهيـم = كلن على ليلـى غـدى ولهانيـه

...........................

الله عليك يا بو محمد

قمة في الابداع و الجمال

صح لسااااااااانك مليار

مع تقديري لك

لي عودة للرد بما يليق

ولاهنت

***********

[عبدالله راشد الثويني]

اللهم صلي وسلم على نبينا محمد وعلى آله وصحبه أجمعين

شاعرنا الجزل / فلاح بن منشار
صح لسانك ولا هنت ياعزوتي على هالقصيده الطيبه
كعادتك لا تأتي سوا . بالجزاله والابداع
لا عدمناك
وتقبـّـل تحيتي

[الـزلـزال]

فلاح بن منشار

نص في قمة التمكن والجزاله والتميز

من شاعر عودنا على تقديم كل متقن ورائع

مبدع فلاحنا في كل نصوصك رعاك الله

دمت ودام تميزك وأبداعك

صح لسانك ملايين ملايين

ولك فائق تحياتي وتقديري

[عبدالعزيز العمار]

عليه الصلاة والسلام

صح لسااانك يافلااااح

جزالة وإبداع لاهنت

تقبل مروري وخالص تحياتي

[عبدالعزيز البليهد]

اللهم صلي وسلم على حبيبنا محمد وعلى آله وصحبه اجمعين

ابتهال وسرد متناسق جميل يوضح ماكان عليه السلف وماصرنا عليه

الله المستعان

صح لسانك ولاهنت