~الـــرحـــــيـــــــل ~ { عناق أوّل}

[ابراهيم المهنا]

.

.

السلام عليكم ورحمة الله وبركاته

وكل عام وانتم بخير
.

.

الرحيل اللي خذا روحي / تسميّنه وداع .! =لا تسميـنه وداع وقدم عينك مصرعي
لوّحت يمناك بالتوديع واتعبتي الذراع= كنّ تلوحيك صعوط الموت والصمت النعي
لوحّي لي وارسمي وشمك على صدر الشجاع= طعنتين (ن) جعلها فدوة يمينك ودّعي
آه يا طعم الطعون اللي بكفّينك وساع= وان لمحتي دمْع عيني لا يردك مدمعي
صبري اللي ما جمعته كود لـ / أوقات النزاع= وأن طلبتي روح صبّك قلت لك يا مشجعي
شاعرك يوم التحفك الطيش واختارك ضياع= كيف ابذخرعن عيونك ياحياتي مركعي
لوّحي لي وان خذا جرح النهاية بتساع= دمّي المسفوح لا ياخذك عنّي / واسمعي :
والله إنّي يا الملاك الطهْر يالين النخاع=عاشقك من وعي روح الروح لين اللا وعي
يمكن انّي راضع(ن)عشقك وانا سن الرضاع= ويمكن أنّك يوم تكويني وانامضغة معي
ويمكن انّي يوم اعَـشْقك فوق حدّ المستطاع= أدري انّك مرّة(ن) فالعمر واسعى لك سعي
وادري انّي جيتك اسعى من صراع اليا صراع= وخانت الدنيا طموحاتي وعضيت اصبعي
وادري انّي قمت اسوي لك من البسمه قناع= واجمع الضحكات لعيونك واخفّي موجعي
وادري أنّي لو رويتك شوف وارويتك سماع =ضامي(ن) لك والعيون اتجوع وتحنّ اضلعي
والله أني يوم اصخّر لك مفاريد اليراع =ما تصنّعتك غرام / ولاكذبت / ولا ادّعي
جيت لك طهر الغرام وصافي النية شراع =واحتضنتي دفّة الخفّاق واطلقت اشرعي
والله أنّي ما بغيتك شيّ من عرض المتاع= كيف اخون الزهرة اللي ربّعت من منبعي
وآآه يا آخر لقاء/ ما دام ما فيه اجتماع= استبيحي ما تشائي و انثريني واجمعي
اجمعيني واحفري لي من تحت ماطاك باع= وارفعي كفّيك للرحمن وابكي وادّعي
يغفر الله زلّة المجنون يوم اسرف وطاع=هقوة(ن) خانت شتات العمر من بين أذرعي
ذا رحيلي أوْ رحيلك لو تقولين الوداع =لا تسمينه وداع وقدم عينك مصرعي ..!!

.

.

.

[عبدالله راشد الثويني]

ابراهيم المهنا
شاعر متمكن نـص اعجبني رغم الألم الذي يسكنه
إلا انك استطعت ان تبدعه بإسلوب شاعر مُبـدع
تسلم يمناك على ماخطت .. معانقه رائعه وحضور مُبهر
يشرفنا إنضمامك إلينا بين ربعك واهلك
طامعين بجديدك دائماً
تقبـّل تحيتي

[ترانيم المطر]

لله درك وكفا

الصمت في حرم الجمال جمال

لقد إرتويت شعرا

معانقه رائعه وحضور مُبهر

تقبل من التحيه أغلاها ودمت بود

[الطامي]

المهنا
صح السانك ملايين
جزلة ووافيه
لاهخنت اخي

[حمود السكراني]

ابراهيم المهنا صح لساااااانك

شاعر مبدع سلم بوحك يالغلا

والله إنّي يا المـلاك الطهْـر ياليـن النخـاع

عاشقك من وعي روح الروح لين اللا وعـي

تقبل مروري المتواضع

[منيع]

ياسلام عليك وحواليك
كل الجمال والابداع
لقد تذوقت شعرا تهفوله الروح وتعشقه
احسن عيديه رغم الالم الذي بين سطور الابيات ولاكنه الم جميل يعانق الروح بشفافيه
دمت مبدعا
وكل عام وانت طيب
سعداء بوجودك وحرفك الرائع
تحياتي وتقديري

[فارس القوافي]

ابراهيم

حياك الله

ومن العايدين

الفايزين

نص يعانق السحاب

رغم الالم والتلويح بالوداع

الاّ انك استطعت ان تروي الذائقة وتدخل القلوب بهذا النص الراقي


صح لسانك


لاهنت


دمت بخير

[نجم الإبداع]

ارحب ياباراهيم

وصح لسانك على المصافحه الجزله

وهطول اول ولا اجمل

لاهنت

وكل عام وانت بخير

[الطائر المهاجر]

ارحب يا براهيم
كتبت فأبدعت واجزلت
صح لسانك ولا هنت
تحياتي الطيبة

[سعيد الصاعدي]

الاخ الفاضل / ابراهيم المهنا
صح لسانك لاهنت
نص شعري قمه
به الكثير من الشاعريه والتمكن
من شاعر جزل
تسلم ويسلم فكرك يالغالي
تحياتي
أخــــــوك
س / ص