دار الغرام ودك بالقلب داكوك ,

[احمد القاسم]

بسم الله الرحمن الرحيم .

السلام عليكم ورحمة الله وبركاته .

اسعد الله اوقاتكم بكل خير اخواني واخواتي الافاضل .

هذه قصيده متواضعه , اتمنى تنال اعجابكم وترتقي لذائقتكم .

دار الغرام ودك بالقلب داكوك = والدمع فوح الجوح يلحي لحمها
القلب جمر ٍ بين الاضلاع متروك = لوع الهوى ياناس كبدي فحمها
مرهوق حالي والخشم ظل مفروك = والنار محد ٍ من عناها كهمها
انا ضحيه في عنا الضيم معلوك = مدري متى كف الهنا يستلمها
رعبوبة ٍ راعب بهالكحل محبوك = بعيونها تْنيشن وترمي سهمها
فيها الحلا والزين والملح مشروك = واصل حلاها حد ماطا قدمها
مرت عليٌ و ورٌدتني ألى الشوك = شوك الهوى الي كل نفس ٍ سقمها
واقفت ومعها القلب عالق ومشبوك = والروح من بُعده تفجٌر لغمها
واونتي لا صرت للضيم مملوك = ونت رحول اربع مشابك لزمها
والا كسير ٍ فوق الامتان معكوك = عوقه خطير والمواجع زحمها

وسلامتكم .

اخوكم , احمد القاسم .

[الطائر المهاجر]

سلمت
وصح لسانك وقلبك
جزلة وطيبة من راس طيب
لاهنت
تحياتي

[احمد القاسم]

صح بدنك يابو عبدالله . ما قصرت على مرورك الجميل لا خلا ولاعدم يادكتورنا .

تحياتي لك يالغالي

[حرف وشعر]

الشاعر الجميل احمد القاسم

محبوكه بجمال الشعر


من شاعر جميل ومتمكن

سلامي لقبلك

[ماجد الراشد الهيري]

الله الله اخوي احمد كلمة مبدع قليله بحقك لاهنت والله على الجزاله والاصاله
حبكه شعريه من نوع اااخر

[منيع]

ياسلام عليك
ابداع وتميز
شكرا لكم
تحياتي

[عمر ال شيبي]

رعبوبة ٍ راعب بهالكحل محبوك

بعيونها تْنيشن وترمـي سهمهـا

الين انها تستاهل القصيده

صح لسانك لا هنت ابد

كل الاحترام والتقديرلك

[الخنساء]

صح لسانك مليوووووووون ولايكفوووووووون

قصيدة جزلة من شاعر جزل

سلمت ودام حرفك

[حوريه]

نص جزل من شاعر جزل
صح لسانك ودام نبضك
تقديري لك

[بنت العز]

صح لسااااااانك ملايين
سلمت وسلم منطوقك الجزل
يعطيك العافية