ترسم الذاكرات ابعادها في الخيال

[نجم الإبداع]

كل مخلوق له صوره يراها الشهود=وكل صوره لها من واقع الحال بال
صورة النسر ماتشبه لشكل الفهود =والفوارق كبيره بين ذيب وغزال
غير الانسان له بالوجه فرق الخدود=والجوارح وعقل وقلب لو به عدال
للعرب شكل مايشبهه لون اليهود=ناظر الروم والفرسي ورسم الجمال
والذي من ديار الصين وارض الهنود=والذي من جنوب افريقيا والشمال
كل واحد بصوره واضحه بالوجود =ترسم الذاكرات ابعادها في الخيال
الا شكل السعودي مختلف بالوقود =شكل منفوخ شيخ ولابسٍ له عقال
صورة اهل السعوديه مع الناس كود=كل واحد سعودي يمتلك راس مال
يعرفون السعودي في بلاد السنود=بالبذخ مايحسب قرش والا ريال
ينثرون الدراهم مثل نثر الورود=كل ماراح ديره صاب اهلّها هبال
هذي الصوره الي عنك في كل مود=يالذي ماتلاقي العيش قبل الهلال
والله اني لقيت احساس بين الوفود=اني املك ثلاث ابار بترول فال
كلما شافني واحد بدى لي يرود = يحسب اني معي له خرج باقي الغلال
مادرى اني على راتب ببذل الجهود=مايسدد فواتيري وعندي عيال
قلت له عند رب البيت خير الوعود=اطلبه مامعي لك غير صفر الدلال
قال خاف الله وخرّج زكات النقود=واعطنا ثم يوم اكثر علي الجدال
صحت قلت اقرب المصحف قبل ماتعود=وابلغ الي عطوك الصوره يابن الحلال
احلف ان اكثر اهل المملكه لو تجود=تظهر ألْك السعه من ضيق مثل الجبال
وانهم صابهم بالناس عين الحسود=والسبب من جشع من صور الحال شال
اغلب الناس تحت الدين ترزح سهود=والبقيه بما منّ الولي به كلال
السعودي صبور ولا بقلبه جحود =عزة النفس طبعه سلم والا قتال
مايخون الامانه حافظن للسدود = غير لافاض كيله قام شد الرحال
يطلب الخالق الي صاغ هذا الوجود=مادعى غير رب البيت راعي الكمال
ليت من يردع التجار قبل السنود=قبل مايبلغ السيل الزبى واختلال
قبل ماينثرون الفتنه اهل المرود =والعوارف تحس الوضع شرق وشمال
البلد فيه خير وفيه بالناس فود=غير لاهل الفساد صروف والفقر دال
شرذمه تملك اموال البلد في كنود=ماهي الخالده ومصيرها للزوال
بينهم كل متجبر وقلبه حسود = والانانيه دين حريمهم والرجال
مابنو بالبلد غير اختراقات سود=افشو الرشوه وارسو بالديار الزلال
ردها الله لدرب الحق ردن يسود =او خذاها وبدلها بخير ونوال
ليت ابو متعب المقدام آل السعود=الملك خادم البيتين ينهر هزال
والله انا على حبه بوقت السجود=ندعي الله يسدد رميته والمقال
ووالله انه حريٍ بالمكارم ودود = مادرى والبطانه تعطي الصوره عال
الله الي امر بالعدل والعدل زود=دين الاسلام والتوفيق من ذو الجلال
والذي صورو لابن البلد رسم قود=ترسم الذاكرات ابعادها في الخيال

[أم ريما]

الله الـــــي امــــــر بــالــعــدل والـــعـــدل زود

ديـن الاسـلام والتوفـيـق مــن ذو الـجـلال

والــذي صـــورو لابـــن الـبـلـد رســـم قـــود

تـرســم الـذاكــرات ابـعـادهـا فــــي الـخـيــال

صح لسانك

قصيده جميله

يعطيك العافيه

[الطائر المهاجر]

احسنت
جزل وجرئ
صح لسانك
ولاهنت
تحياتي

[صعبة المنال]

صورة النسر ماتشبه لشكـل الفهـود
والفوارق كبيره بيـن ذيـب وغـزال

صح لسانك

جزله

صعووب

[عبير الورد]

صح لسااااااانك ملايين
سلمت وسلم منطوقك الجزل
ربي يعطيك العافية

[سناعيس]

ياسلام عليك يابو محمد
دائما رائع وجزل
صح لسانك ولاهنت

تحياتي

[عبدالله راشد الثويني]

السعودي صبـور ولا بقلبـه جحـود

عزة النفس طبعـه سلـم والا قتـال

صدقت والله يابعدي

عسى الله يحسن الاحوال ويرحمنا برحمته

تسلم يمناك على ماخطت ولا هنت

طامعين بجديدك دائماً

تقبـّـل تحيتي

[عبير الورد]

يعرفون السعودي فـي بـلاد السنـود
بالبذخ مايحسـب قـرش والا ريـال





عودة للإبداع
صح لساااااانك ملايين
يعطيك الف عافية

[داعي الشوق]

ما شاء الله تبارك الله ،،

ما فيك حيله يا بو محمد

صح لسااانك مليارات يا نجم الابداع

قصيدة وافيه من وافي

لوحة متكاملة الالوان و المعاني

لله دررررك

ابداع بمعنى الكلمة

تقديري لك و احترامي

و صح لسانك مدد

****************

[الـزلـزال]

نجم الإبداع

نص محكم ومتقن وجزل

من شاعر جزل ومتمكن في كل حالاته

مبدع نجمنا دائمآ ومتميز في كل ماتقدمة

دمت ودام حرفك الراقي الهادف المميز

صح لسانك ملايين ملايين

ولك فائق تحياتي وتقديري