حنا تميم الفخـر والفخـر حنّـا

[الطائر المهاجر]

حنا تميم الفخـر والفخـر حنّـا=وحنا رواسي الأرض حنّا عمدها
وحنّا تميم المجد والمجـد منّـا=وحنّا الكرم في جوعها او رغدها
امطوعين الأرض إنـسٍ وجنّـا=يشهد لنا التاريخ ثبـت بسندهـا
ما اقول مثل البعض في يوم كنّا=كنّا ولا زلنا البـروق ورعدهـا
فهذا التميمي شامـخٍ مـا تدنّـا=قيدوم حلحيل الرجـال وسندهـا
ثابت على مبـداه مهمـا تعنّـا=رمز الرجوله والشهامه مددهـا
وحنا اليا مـن الليالـي رزنّـا=نضحك لها مهما توارى سعدها
ايماننـا بالله قـصـرٍ مبـنّـا=بقلوبنا مصدر عزاهـا ورفدهـا
وحنا سيوف الحق لا من ترنّـا=يكفي صداها يوقظ اللي جحدهـا
يطير عنه النوم مـا بـه تهنّـا=دامه يعرف النار حنـا وقدهـا
نصف البشر حنّا وباقيه منا=وفينا العزى فالأم ترضع ولدهـا
معنى الشجاعه دوم فيها يتغنّـا=بسيوف خاله يوم الاعدا حصدها
الله عطانا الأرض ملك ووطنّـا=نامر وننهى بامر منهو وجدهـا
احرار ما نخضع ولاهوب حنّـا=من يشري الدنيا لحالي شهدهـا

[عنود الصيد]

والنعم...بك وبلابتك...
لاهنت

[عبدالله البكر]

ونعم والله وصح لسانك ولد العم

[غازي البراك]

والله ومليون
صح السانك وعتلا شانك

[روز القصيم]

صح لسانك ع هالقصيده

[حمود السكراني]

المهاجر صح لسااااااااانك والنعم

فيكم سلمت وسلم بوحك

[الطامي]

الطائر
صح السانك والنعم بها قبيلة
لاهنت

[نفحات حساسة]

صح الله لسانك ولا هنت يالشاعر
تحياتى

[صعبة المنال]

جزلة وقوية

سلمت

وصح لساااانك