حالي مثل حاله على باري الحـال

[علي سعود العازمي]

أسعد الله وقاتكم أيها الأحبه


اليكم هذه القصيده التي أتمنى ان تجد القبول لدى ذائقتكم

يسج فكري كـل مايطـرق البـال=من ماضي الايـام ذكـرى قديمـه
ذكرى الجميل اللي على البال لازال=طيفه نديم الفكـر داعـب نديمـه
ذكراه لاذعذع نسيم الهواء اشمـال=ناجيت ذعذاع الشمـال أبنسيمـه
أسج فـي دنيـا خيالـه ولاهـوال=بجنون شاعـر كـل وادي يهيمـه
واعيش جوه شارد الفكـر رحـال=حتى ارتكب في حق نفسي جريمه
أتعب وكابر لوتعب سجتـي طـال=مرهق ولكن ماعتـرف بالهزيمـه
ومن جوه اطلع حالتـي مالهافـال=حالة يتيم (ن) عنده اختـه يتيمـه
عاشو تحت رحمة قسا زوجة الخال=وصارت على ظعف اليتاما زعيمه
قليلة الايمان في خبـث الاعمـال=اللي تلقب بـم عيـن (ن) كريمـه
حسبي عليها هبلت فيهـم اهبـال=تنظرلهم نظرات خصـم لخصيمـه
ماخافت الله فـي يتامـا وجهـال=الله يحرمهـا الجنـان ونعيـمـه
يتيم قاصر مابيـده حـل يحتـال=صابر على جور الزمن والظليمـه
لانادت اخته وشتكت له لهـا قـال=الصبـر ولا الخافـي الله عليمـه
يصد عنها ودمع الاعيـان همـال=تقل بحرباء ذياب تطعـن صميمـه
عزاه صاحت داخلـه كـل الامـال=فقد حنان أهل القلـوب الرحيمـه
حالي مثل حاله على باري الحـال=اللـي عواقـب ذكرياتـه وخيمـه
دايم لياصار القمر بالسماء هـلال=ميـلاد عيـد الذكريـات الأليمـه
ودايم ليا من الهواء بالغصن مـال=شديت للذكرى على شـداد ريمـه
رغم الغياب اللي له اسنين وليـال=في قلب وافي مانقص حب شيمـه
والمستحيل اللي على رجعته حـال=منه نجت نفسي ولاهـي سليمـه
وياباقي الذكرى على رؤس الأطلال=صبري وحفظ اسراري اكبر غنيمه

علي العازمي

[الطائر المهاجر]

هلا ومرحبا بك ياعلي
الظاهر انك على سعود
ان كانه انت فحط روابط نشر هذه القصيدة
في الإنترنت ورابط ديوانك ، وان كانه اسم على اسم
فلابد من ذكر الإسن الثلاثي

مصافحة جزلة من راس جزل
صح لسانك
ولا هان راسك
مع أطيب تحياتي
حبذا مراجعة
http://www.fatahilah.com/showthread.php?t=140
http://www.fatahilah.com/showthread.php?t=1969

[عبدالعزيز البليهد]

صح لسانك ولاهنت

مصافحه رائعه وخيال واسع

ننتظر ابداعاتك ياعلي

[عمر ال شيبي]

ارحب ويالله حيه
وصح لسانك مليون يا علي

[الطائر المهاجر]

ارحب ياعلي
ورايح اعدل اسمك إلى
علي سعود العازمي
تحياتي

[حي الضمير]

ابدعت بارك الله فيك
وصح لسانك مدد

[عبدالله مذكر العقيلي]

حياك الله

وصح لسانك

والله لايهينك

دمت مبدع

[ماجد الزيد]

صح لسانك ولاهنت

مصافحه رائعه وخيال واسع

يشوقنا للمزيد من ابداعاتك

احترامي وتقديري

[عبدالرحمن مذكر العقيلي]

مرحبا مليو نياعلي وحياك الله
قصيده جزله واحساس شعري اجمل
صح السانك

[شجون القصيد]

الله الله

مرحبا بك ملايين

مصافحه رااائعه عانقت القمم

بوح عذب ونص في قمة الجزاله

لافض فوووك

ارويتنا شعرا

تحياااتي