ماني بشيخ إسلام

[ماجد الزيد]

يقول ابو زيد ٍ وهـو بـراس مشـراف=فـي تلعـة ٍ بيـن الرّعـن والـذّريـع
ما ارقب بها إلا واحـد ٍ شـاف ماعـاف=مْـن الدّيـار اللـي بهـا الحـقّ ضِيـع
ولقنب بهـا يقنـب مـع الذّيـب روّاف=مـا ردّ صوتـه بالفضـا مـن ضلـيّـع
كنّي بهـا فـي منزلـة أهـل الاعـراف=لانـي بهـا فاجـر ولانــي طـويّـع
لاني بشيـخ اسـلام أو لحيـة اوقـاف=لكنني مـا اسكـت علـى الظّيـم خيِـع
ويشوش راسي شوش من موت الانصاف=من شيـخ راعـي ليـن اتفـه رويِّـع
تسلم لي اليمنـى ويسلـم لـي الهـاف=والـرّزق مكفـول ٍ لعـاصـي وطـيِّـع
يا هاجسي خذني علـى متـون عسّـاف=مارد سريـع ابليـس عنـده , سريّـع!
للـي لهـا بالقلـب شيخـان واحـلاف=مجلـس غـلا بصـدّره تطـقّ الكويـع
قلبي لهـا مـن صـاد ولعيـن ولكـاف=اوسع من الجنّـات !! , ماهـو وسيّـع
عيني تجوع لشـوف كاملْـة الاوصـاف=وصـدري لضمّتهـا لهـوف ٍ جـويّـع
هذيك لو فصـل العـرب قيـظ ٍ وجـاف=تنفـخ عليـه يْصيـر شاتـي ربـيِّـع
عقل ٍ معه ناموس والزّيـن !! بالـزّاف=ونعومـة ٍ مـاهـي بحـاجـة تمـيِّـع
يا زين حـرف السّيـن لاجابتـه حـاف=كنّـه صفيـر البلبلـي فــي ضـويِّـع
ياعـلّ يفـداهـا منـيـف ٍ ونــوّاف=ومـن هـام راس العـزّ إليـن الكريِّـع
والله مـا نزّيـت فـي راس مـشـراف=إلا إنّ بـعـد الــدّار عنـهـا يلـيِّـع

[صعبة المنال]

الله الله يا ماجد

جزلة ووافية

لكاملة الاوصاف

صح لساااانك

صعوووووووووووب

[زهرة اللوتس]

حجززززززززز
ولي عودة تليق بها

[حي الضمير]

صح لسانك
واعتلا شانك شاعرنا النجم ماجد الزيد
قصيده رائعه بروعة حضورك
لا خلا ولا عدم

[ترانيم المطر]

صح لسانك مدد لا عدد

دمت ودام تميزك

تحيتي

[حرف وشعر]

ماجد الزيد 00


ماااافيك حيله

ابداع دائم ايها الكبير

تبارك الله

تقبل مني صادق الاعجاب

[شجون القصيد]

الله الله

صح لسانك وجاد بيانك

راااائعه من شاعر رااائع

الكبار لا يهطلون إلا إبداعا وتميزا

ليس لنا الا ان نقول

الصمت في حرم الجمال جمال

لي عوده

اعجابي وتقديري

[حمود السكراني]

صح لساااانك وعلا شأنك


جزلة من جزل سلم بوحك

[حوريه]

قصيده شامخه بشموخ شاعرية شاعرهاااا

دمت يا ماجد وداااام حرفك

ودمت بكل خير

....

[سناعيس]

الله الله
صح لسانك ياماجد
ولله درك
دائما وابدا جزل ومبدع
لاهنت

تحياتي