مندوب الجن

[عبدالله المفضلي]

هب الشمال وغرّد الطير بطروب = وحامت على روس الجبال النوايا
اثارني لحناً على القوس مسحوب = نادى المنادي للجروح الدمايا
غنّى يقول اهل الهوى 0 قلت عذروب = للحب ناس وللخلايق مزايا
ياعاذلي واللي على البال محسوب = يكفر بعلم الشعوذه بالمرايا
ان شفت لك زيتاً على النار مسكوب = هذي ترانيم الخفوق الخفايا
ما لبّسوني جوخ لاعب وملعوب = اكسب وداد الفاتنات الصبايا
جيت اشبع عيوني محطات ودروب = لو عادت خيولي تعاب وحفايا
جيت انثر ابداعي مسرّات وطيوب = اروي شغف بيض القلوب الظمايا
جيت اغرس الزيتون بالارض منصوب = جيت ازرع الورده بقرب الركايا
جيت اعدل المعنى وهو كان مقلوب = بأيدين من يشحذ بخيلاً عطايا
جيت اثبت ان العدل للناس مرغوب = وان القصايد ذوق ماهي حمايا
حضر معي من معشر الجن مندوب = اسلم وقدّم لي قصيد وهدايا
جرير وقّع لي بيمناه مغلوب = وسقراط يرسل لي سلام وتحايا
والشنفرى غادر من الدار بهروب = ولقمان وصّاني ثمين الوصايا
اخاطب العقّال بأفكار واسلوب = ماني مكلّف بالعقول الخوايا
بعض البشر لو شفتها ما لها قلوب = الله يعلم وش تضم الحنايا
يالاعب الشطرنج خاسر ومكسوب = مامات لك جندي فقدت السرايا
مات الوزير وسيّد القصر مصلوب = قضا القضا هذا رسول المنايا
سوط العذاب اللي على الروس مصبوب = هذا نذير الحرب موت ورزايا
سر الحياة بقبض الارواح مصحوب = ما يكفي السفّاح ذبح الضحايا
ما يسلم النمرود لو قال ابا اتوب = كفراً غشى قلبه بقى له بقايا
تابوت موسى وين ماراح مطلوب = سارت على طاريه فلك ومطايا
آدم من اصلابه على الكوكب اشعوب = ما جابهم قوقل بكل الزوايا
الرابط اللي بينهم جين مكتوب = علم الاجنّه وانشطار الخلايا
كما نشوف من البشر نقص وعيوب = مثله نشوف من المكارم سجايا
شكوى الضعيف اللي على الوجه مضروب = هزّت حمورابي وسوّت سوايا
دمعة يتيماً بين الاشرار مرعوب = تقصر بها اعماراً وتكبر خطايا

[نجم الإبداع]

الله الله

صح لسانك ياعبدالله

وياهلا بالجزل وراعيه

لاهنت

تقبل مروري

وتقديري

[منيع]

اكثر من رائعة
تسلم اخي الكريم
تحياتي لكم

[ابو أنس]

الفاضل عبدالله المفضلي...........
قادم بقوه وبنص ناري
ممتع الحبك متقن السبك مطرب القافيه
مدجج بشواهد التاريخ ورموز الادب
مرحبا بك وبنصوصك
ولك تحيتي وودي

[سعيد عوده الحويطي]

الله الله يالمفضلي على هذه القصيده الشامخة شموخ كاتبها قصيده راقيه فيها اشعاعات ثقافيه وصور جماليه لا يتقنها الا شاعر متمكن. تقبل مروري ولك تحياتي

[داعي الشوق]

صح لسااانك مليوون يا عبدالله

شاعر جزل و قصيده جزله

ولاهنت يالشاعر

[عبدالإله]

رائِع أيّها الشاعر

صح قلبك وفكرك ولسانك
متمنين لك دوام الحضور والتواصل

مودتي لك

[الراقي]

صح السانك على هـــ الجميلــــة
رائع شعرا و حضورا
دمت بِكُلِ مَوَدَةٍ

[الشايع]

صح لسانك واعتلا شانك
وسلم بنانك وفكرك
تحياتي وتقديري

[حي الضمير]

مدد صح لسااانك شاعرنا القدير عبدالله
ابدعت حيل يامميز
ولافض فوك