اكرهك واكره قناة السور

[سعود المحجان]

سر ياقلم وانت لي مامور=من يوم بالصدر جنيه
الصدر من ضيقته محشور=ماهو بصدر الشماليه
اعيش بحساس ويا شعور=نفسي من الله رومنسيه
واجبًر الخاطر المكسور=والعب مع النفس رديه
موهوب وحساسي المنثور=قدره ووهبه إلاهيه
والضيقه اللي ثمان شهور=للحين نيرانها حيه
ان قرًبت وصلت الحنجور= ونبعًدت عني هنيه
والشعر لامن بداله دور=ترتاح من نفسي شويه
والليل ليته فرح وسرور=واعيش باحلام ورديه
ماكنه الا الفرح محظور=وارقامه ارقام سريه
ماحب من يحلفون الزور=احب من صافي النيه
طبعي وانا ماعلي اقصور=ماطبت الشين رجليه
ماني خوي العمي العور=مالي ولالي ولا ليه
الطيب مثل العلم منشور=مركوز منه ومنيه
تعال يالصاحب المذكور=فرقاك ماهيب عاديه
اهمومي البارحه طابور=والهم طلقات ناريه
امواعدك ياوعد بلفور=ردة على النفس عكسيه
ماني على حبكم مجبور=والحب ملعون طاريه
اكرهك واكره قناة السور=قناه وشلة حراميه

[عبدالله راشد الثويني]

الشاعر / سعود المحجان
قصيده تطرررب صح لساااانك وعلا شانك
أبدعت وامتعت يالعزوه ..
تنبيه بسيط إملائي يابعدي .. الشدّه مكان حرف الذال
يبدو بإنك استبدلت الشده بالتنوين دون قصد
في البيت السابع على ما اعتقد
على العموم نــص راقي ويستحق القراءه لاكثر من مره
كل الشكر وتقبـّل تحيتي

[شجون القصيد]

قصيده رائعه عانقت السحاب

تربعت حروفها على قمة شموخ القلم

وتاهت حروفي امام ابداعك

ارتويت حد الثماله

لافض فوووك

دمت بخير

[منيع]

اكثر من رائعه
شكرا لك ولحرفك الراقي
تحياتي

[حلا نجد]

سعوود

اسمحلي بدايتا ان اهنيك
علي هذه القصيده الاكثر من رائعه
والتي امتلكت الكثير من المعاني المختلفه
احساسا وجمالا
واسمحلي بان اقول لك
بانك شاعر تمتلك الكثير
من جمال الكلمه
ومن روعة الاحساس
رائع هو مانثرته هنا من ابيات
متميزا دوما انت في بوحك
صح لسانك اخي
وعلا شانك
وسلمت وسلم لنا احساسك
تقبل تحياتي
حلاووي

[الجفول]

ابداع ياسعود

ابيات في قمة الجمال

شاعر رائع لايأتي الا بالروعه

دمت ودام ابداعك



الجفول

[الطامي]

المحجان
صح السانك
رائعة جدا وهادفه
لاهنت اخي

[زهرة اللوتس]

صح لسانك
ولاهنت
جزلة من جزل
تحية طيبة

[عيدالماجد]

صح لسانك مدد بلا عدد

[داعي الشوق]

صح لسانك يالشاعر سعود المحجان

شاعر كبير و جزل و معروف

صح لسانك مليووووووون

قصيدة جميلة جدا

كـ حضورك الجميل دائما

تحيتي لك

*************