الحـــــــــــب الكــــــبير

[سعيد عوده الحويطي]

وجه لي سؤال في احدى المرات وقالوا معقول ماحبيت يالعود
وكانت هذه الاجابه في هذه القصيده عسى ان تنال اعجابكم

قالوا تحب وقلت انا حبي كبير=اكبر من البحر المحيط وساحله
لان الحبيبه وصفها ماهويسير=يعجز لسان اللي وقف مداح له
فيه الدلع فيه الغنج حسنه مثير=من دون خلق الله قلبي راح له
لاهو متين ولاطويل ولاقصير=مربوع جسمه والخواصر ناحله
طويل عنق وصدر نهدينه زبير=كلما زبر نهده وجد مفساح له
والشعر الاسود من ورى كتفه غزير=من طول شعره لامشى ينماح له
ياحلو شعره فوق خدينه نثير=الى انتثر فوق الجبين وجاحله
يبين وجه(ن)كنه البدر المنير=لابان نوره للظلام وزاح له
والرمش لاسلهم حلاة الرمش غير=فوق العيون اللي من الله كاحله
كن الشهد يقطر من اشفاته قطير=شهد(ن)مصفى من خلايا ناحله
لاحل طاريها على قلبي يطير=يطير مثل اللي خفق بجناح له
عليه من نسم الهوى قلبي يغير=ويحق له مادام قلبي طاح له
هذا وانا اللي باختصر وصفه كثير=خوف العيون الحاسده تنساح له
هو حبي الاول ماهو حبي الاخير=واللي مضى ماعاد انا طماح له
تدرون هذا الحب كم عمره يصير=اللي غزى قلبي وغصب اجتاح له
هذاك حبي يوم انا شب(ن)غرير=قبل اربعين من السنين الراحله
واليوم لوجيت ابارجع واستخير=باب الهوى ماعندنا مفتاح له
استغفر الله مالنا بحبه خشير=اللي غفر ذنبي وسري باح له
ياسائلي جاك الخبر واسأل خبير=واقرا الخبر في منتدى الفطاحله

[رفيع المقام]

شكرا لإمتاعنا بإبداعك
لاهنت
تحياتي

[حوريه]

صح قلبك على هالجميله
رائعه بكل مافيها من إحساس
دمت ودام عطاءك

[حي الضمير]

ياسلام يابوعوده شاعر قدير

وابدعت وعوايدك يابو قلب اطيب من عشوب الربيع

وملياااار صح لساااااانك يامميز

[عبدالله راشد الثويني]

شاعرنا الغالي / سعيد عوده الحويطي
كتبت فأبدعت يابعدي ولا هنت على هذه الرائعه
طامعين بجديدك دائماً
تقبـّـل تحيتي

[الطامي]

الحويطي
لاحل طاريها علـى قلبـي يطيـر
يطير مثل اللي خفـق بجنـاح لـه
عليه من نسم الهوى قلبـي يغيـر
ويحق له مـادام قلبـي طـاح لـه
هذا وانا اللي باختصر وصفه كثير
خوف العيون الحاسده تنسـاح لـه
هههههههههههههههههههههههه كملها مثل بن فطيس وينخاف من النحل لاياكله
صح السانك ملايين ولا يكفون
شكرال ك على الرائعة المميزه
لاهنت اخي

[منيع]

ابدعت وامتعت
شكرا لك
تحياتي

[الطائر المهاجر]

ونا اقول وش مرغبه في الفطاحله
اثاريه عارف انه لعود مثله
صح لسانك يالعود
والحب ما يعرف شباب وشيبان
لكن حب الشيبان عن ثقل وعقل

لاهنت
تحياتي

[كظيم]

سعيد عوده
لله درك شاعر متمكن وجزل
صح لسانك وقلبك
ابدعت وامتعت
تقبل مروري المتواضع لاهنت
ودي واحترامي

[بيدي رسنها]

صح لسانك مليون ومايكفون .. وسلم عمرك وحرفك .. ولا هنت شاعرنا .. تحياتي لك