30-12-2005, 11:58 PM
|
رقم المشاركة : 1 | ||||
|
|
||||
|
|
31-12-2005, 01:33 AM
|
رقم المشاركة : 2 | |||
|
يقول الخلاوي الذي مايكوده=جديد البنا من غاليات القصايد قصايدٍ لابد الملا تستفيدها = لامسى غريم الروح للروح صايد لعل الذي يروونها يذكروني = بترحيمة تودع عظامي جدايد اوصيك ياولدي وصاة تــضـمـهـا = الى عاد مالي من مدى الـعـمر زايد وصية عـود ثالثت رجـله العـصـا = وقصرت خطـاه الي من اول بعايد وصية عود ذل حلو شبابه =وعانيه بالدنيا وعانيك واحد يبديك بالغالي على شف نفسه = شفيق من ايام الرضا عنك ناشد لاتـــاخـــذ الـــهـــزلا عــلــشــان مــالــهـا= ولاتــقــتـبـس مـــــن نـــارهــا بــالـوكـايـد لاتـــاخـــذ الا بـــنـــت قــــــوم حــمــيـده = عـــســـى ولـــد منها يــجــيـب الــحـمـايـد يــجــزى عــمــل راعــــي الـحـسـانـي بـمـثـلها= ويــجــزى عــمــل راعـــي الـنـكـد بـالـنـكايد ولاتــتــقــي فـــــي خــصــلـة مــابــهـا ذرا =ولاتـــنــزل الا عـــنــد راعـــــي الــوكــايـد ولاتــســفــه الــمـنـيـوب لاجـــــاك عـــانــي = ايــاك يـــاولــدي ومـــطــل الــوعــايـد ابيك تسوي بي سواتي بوالدي = وانته على غيره بمثلي وزايد فلي من قديم العمر نفس عزيزه=اعض على عصيانها بالنواجد الى وزنتها ما كان خوف الى ابقى = علي ومن ايام الردى انتعاود يـــاطــول مـــاوســدت راســـــي كــــداده = مــــن خــوفـتـي يــعـتـاد لــيــن الــوسـايـد فــمــن عــــود الــعـيـن الـمنام تــعـودت = ومــــن عــــود الــعـيـن الــمـسـاري تــعـاود ومن عود القوم المناعير مطمع = تلوه بالانضى والجياد العدايد ومن عود الصبيان اكلٍ ببيته= عادوه في عسر الليال الشدايد ومــــن عــــود الـصـبـيـان ضــــرب بـالـقـنـا= نــخــوه بالقوات يــابــا الــعـوايـد ومن كثر الطلعات للصيد ربما = يوافيه غرات يجي منه صايد ومــــن تــابــع الــمـشـراق والــكـن والـــذرا =يـــمـــوت مــاحــاشــت يـــديــه الفـــوايــد الايـــــام مــابـقـى بــهــا كــثــر مــامـضـى = والأعــمــار مــــا الــلــي بــقــى مـنـهـابعايد نـــعـــد الــلــيـالـي والــلـيـالـي تــعــدنـا = والعـــمــر تــفــنـى والــلـيـالـي بـــزايــد (وقل: ياليالينا القدام التي مضت = بالأقبال هل لي في لقاكم عوايد ؟!) الــــى دقــــت الـوسـطـى بـالأبـهـام تــذكـرت = زمــــــان مــضـى مـاهـو لــمـثـلـي بــعــايـد فـــلابــد مــاســحـم الـــضــواري تــحـوفـنـي = بــلــيـل ولالـــــي عــــن لــقـاهـن بــزايــد فمن عاش بالدنيا يرى يبن سالم = كريه الليالي والامور الشدايد ومن ساعدته الايام ادمجنه حبله = ونقضن في حبل الذي ما تساعد ومـــــن ســرتــه الأيــــام يــنـقـاد حــبـلـه= ويــنــقـض فـــــي حـــبــل الـلـذيـ مـاتـساعد كفى الله ذاك الوجه نهارٍ من اللظى = بحق المصلي له بجل المساجد هذا هوخليلي اللذي يعطي الغنا= وخلف العطاء منه الرجاء بالوعايد ترى ان كان قد ماتوا فياطول ما ملوا = مزاود ضيوف من قراح القواصد وان كانها مالت فيا طول ما ملوا = بطون اليتامى في السنين الشدايد ماهو صبي كروته حق جزلته = تعد بها سمح الوجوه الولايد يثور عمود الصبح ما شيف امرها = ذا صادر منها وهذاك وارد قـــولــوا لــبـيـت الــفـقـر لايــامــن الــغـنـا = وبــيــت الــغـنـى لايــامــن الــفـقـر عــايــد ولايـــامـــن الــمــضـهـود جمعٍ يـــعــزه = ولايـــامــن الــجــمـع الــعــزيـز الــضـهـايـد وواد جــــرى لابــــد يــجــري مــــن الـحـيـا =ان مــاجــرى عــامــه جــــرى عــــام عــايـد (وصــلــوا عــلــى خــيــر الــبـرايـا مــحـمـد =مـــانــاح ورق فـــــوق حـــــدب الــجــرايـد) القصيدة بصوت الشاعر طلال السعيد البيتين بين قوسين لم يردا في القصيدة الصوتية |
|||
|
|
|
31-12-2005, 10:49 AM
|
رقم المشاركة : 3 | |||
|
معلومات قيّمه |
|||
|
|
|
02-01-2006, 10:50 AM
|
رقم المشاركة : 4 | |||
|
معلومات طيبه |
|||
|
|
|
24-01-2006, 11:47 AM
|
رقم المشاركة : 5 | |||
|
متى الثريا مع سنا الصبح وايقت=على كل خضرا ودعت بالسـنايد
من عقبها نجم كما فرخ متلـي=على الشوف يتليها بمشيه يعـاود وبوارح الجوزا ربا فيه بسرهـا=واختلفت الالوان بين خضر الجرايد والى ظهر المرزم شبع كل كالف=من الغيد وانحن الليالي الـشـدايد ونجوم الكليبين التي تنشف الجم=يغور فيها مـا العدود الوكـايـد والى غابت النسرين بالفجر علقوا=مـخارف في لينات الـجـرايـد والى مضى عقبه ثمان مع اربع=الـخـامـسـه طالع سهيل يحايد تشوفه كقلب الذيب يلعج بنوره=مويق على غرات حدب الـجرايـد والى مضى واحد وخمسين ليله=فلا تامن الما من حقوق الرعـايــد قضى القيظ عن جرد السبايا ولا بقى=مــن القيظ الا مرخيات القلايــد ومن لاسقي في كنة القيظ زرعه=فهو مفلس منها ليالي الـحـصـايد |
|||
|
|
|
24-01-2006, 11:57 AM
|
رقم المشاركة : 6 | |||
|
يقول الخلاوي والخلاوي راشد =بالقيل اغالي مثل غالي iiالجلايب
من مبلغ الصبيان عني iiنصيحه =من حاضر منهم ومن كان غايب من لا يحوش المرجله فى iiشبابه = ماعاد يدركها الى صار iشايب ومن خاب فى أول صباه من الثنا = فهو لازم فى تالي العمر iخايب كما مورد ظاميه والقيظ قد iصفا =على بارق الثريا هبيل النشايب ومن لا ورد عد تطامى iiجمامه =عليه الادلا والدروب iالديادب لكن مراديم الضيا فوق iiجاله =على معطن الما مكعبات المحالب وإلى ظهرت بدرية الصبح iiواضبطوا =على اكوارهن لي من وفوق المشاعب سارواإلى ملك الربيعي iمحمد =وهو خير من تافد عليه iiللركايب من أول جنح اليل ما علقت iبه =شريق الضحى عند المخاض الكواعب خفاجيه واسرارها iiعامريه =وجا طيب الانساب من كل جانب عن الشين أبعد من سهيل عن الثرى =وللجود أقرب من جبين iلحاجب ونفس إلى حدثتها أريحيه =شيطانها عند المروات iغايب أبو كلمة وإن قالها ما تغيرت =كنك على ما قال بالخمس iقاضب أجي له ويعطيني عطايا iiكثيره =وليس لمن لايعطي الله iراغب سخا بالعضيبا جروة حضرميه =أطارف بنا نيها من الدم iiخاضب ترى ثوب راعيها شلوح iوحبلها =كثير العقد من كثر ماهي تجاذب إلى روح القناص بثنتين روحت =بخمس تخاميس عداد iiلحاسب لكن قرون الصيد من حول iبيته =هشيم الغضا داناه للنار حاطب وياليت منيع فارس الخيل iiباللقا =على جازع البطحا يمين iiالمشاعب يشوف ذي مع ذي وهاذيك عند ذي =كما الودع داني بينهن نظم iiكاعب ومن البجح بي والعصا قد iخضبتها =وقد رحت ظني من شقاهن iتاعب وبقيت كني حاوي لي iمدينه =عليها الدول فوق الدروب المها iiيب جلوس على بيبانها حافظينها =من الترك حشد يفتلون الشوارب وصلوا على خير البرايا محمد =عد المطر واعداد ذاري الهبايب |
|||
|
|
|
24-01-2006, 12:14 PM
|
رقم المشاركة : 7 | |||
|
يقول الخـلاوي والخـلاوي راشـد=علـى الـزًرق لاهٍ بالـدّلًـي ولاش
نظرت انا في سـوق بغـداد نظـره=ثـلاث بـنـاتٍ كلًـهـن مـعـاش قالـن : تخيًـر يالخـلاوي بينـنـا=نعيضـك بالغـالـي ولـكـن لاش تخيًرت ملهوف الحشا سِيد من مشا=تليـع لا ضخـمـه ولا بنـشـاش تخيًرتها من بينهن بعـد مـا رمـت=من العين درجٍ بين سمـر رمـاش هفـا لهـا خصـرٍ وردفٍ يتلًـهـا=كما طعـس رمـل لبّدتـه رشـاش كما غصن بان هب له ناس الصّبـا=والعنـق ريـمٍ ذيّـرتـه شـبـاش لها حبّة أحلا من الما علـى الظمـا=وألـذّ مـن الدنيـا وكـلّ مـعـاش وأحلا من اللي ينقد الطيـر رأسهـا=ينوشهـا بيـن الجريـد نــواش واحلا من البـان المباكيـر بالشتـا=إلى جات من بعض الرياض تحـاش هوانا هـوى تسـلاَةَ بـالٍ بوقتنـا=كما قـال الاول : طاسـه ومنقـاش وهي لي وغيري ياهل العرف والحجا=كما راس ظبـي مـا وَرَاه عـراش سلينا وسلّينـا مـن الغـيّ خيطنـا=كما سُلّ خيـط مـن مخـاط قمـاش عذري هوى والود إلى صار طاهـر=مُباح ، وراعـي العـرف ماخـلاش مضيت فـي دربـي أدور مضنّتـي=منيع الذي لاعلى المراتـب حـاش عشيري ومن لالي من الناس غيره=عشيري إلى شان الزمـان وجـاش يا ماذبح للضيف كومٍ مـن النضـا=إلى شحّ في مالـه خبيـث الجـاش يذبح لهم مـن كـل كبـشٍ مقـرّح=وعيش العراقي باصحّـون فـراش ياما فرج لمـن جـذت بـه سابقـه=في ساعـةٍ بيـع النفـوس بـلاش إلى ذل فدم القوم عن حومة الوغـا=واصابه من ضرب الرّماح خـراش يثني ورا راعي الردّية إلـى جـذت=في صارم يدعـي الدمـاغ طشـاش تغيّـرت الدنيـا واهلهـا تغـيّـروا=وتعلّى على فروخ الحـرار خفـاش وطاه الزمان أسف على حالـةٍ بهـا=منيـعٍ وزانــت لـلـردي والاش منيـع لا تيّـس ولا تقطـع الرجـا=من الناس قبلك لك غطـا وفـراش أقول انا : وادً جرى مـن فروعـه=يجري لزوم كـان عمـرك عـاش وصلاتي على المختار سيدي محمـد=عدد ما ورد جـوّ العـدود عطـاش |
|||
|
|
|
24-01-2006, 01:02 PM
|
رقم المشاركة : 8 | |||
|
ابيات لم اعثر بعد على تكملتها فلعلي اجد ما يكملها:
يلومنني اهلي وهاذي طبايعي =ولوم الفتى عقب المشيب قبيح يلومنني في طارش قد لفت به =من البعد بلج المنكبين امشيح ياليت عين من منيع بن سالم =حضرتنا يوم ان الجنين يصيح بليل من العوى تلالا نجومه =يلقي الشحم فوق الصحون طفيح والى هبت أنسام السعود مع الفتى =فمليح وما حاشت يديه مليح إذا صار منشاها جنوب ويممت شمال=فهي مثل الخريش امريح
محا الله من ينزل على غير عيلم=ويبني على غير العزاز لياح ومن يضرب البيدا رديِّ صميله= ومن ينطح العايل بغير سلاح ومن يضرب الداوية الا بنادر=سليم الأيادي والعيون صحاح
واذكر وصاة من منيع بن سالم=وغيري الى من جاع ينسى الودايع شبيهة ميثاء يالصليبي خلها=ولو كان بايام الصفاري وجايع وخليتها لعيون ميثاء عتيقه=عتيقة صليبيٍ طويل الذرايع
لفانـي مع الطرشـان علم وراعنـي = وانـا بالمصيقـر من يميـن حقيـل بعـالي طيـران بنـجـد مقـيمـة= يجـي الحشر مادنـى لـهن برحيـل يقولون لي : ذبح الفتـى ابن مشرف= ولاعـاد لك بالقريتيـن خـليـل وله قصيدة اللامية التي تبلغ 160 بيت وهذا ما وجدته ، ولعلي اجد البقية واعيد ترتيبها:
الكون مكفول ٍ والارزاق قسمة = والرزق مبسوط ٍ ومغني وعايل
وإن جاك شك ٍ أو نوى القلب ريبة = فأقراء كتاب الله (تلقى الدلايل) فلا من معنا نال من فوق حظه = ولا من محروم ٍ للأرزاق جايل فسبحان من لاقط يـنسا لذره= كفا ساعي الساعي ومن بالبطايل فلا دابة ٍ إلا وعلى الله رزقها= وترتاب يالمخلوق والله قايل ومن كانت الدنيا من الله حظه = مغبون لو يعطى مثلها مثايل والمال عده كالرديف المـحول = والملك من هذا إلى ذاك زايل زهت به وتزهى كل دار باهلها=والغرس يزهي بالعذوق الصمايل نبيع اليا باعوا ونشري ليا شروا=ولا غبن إلا بالنضا والحلايل فاشتر تبيع ورث الاثمان خله=واياك والمشري لقبح الحبايل من لا يغالي بالشرى قصرت به=من الخيل رثات الثمون القلايل تحب الهوى ياشيخ نفسي جبله=والناس اطوار كما الله قايل تحب الهوى ياشيخ نفسي ولا لها=مرام و حالي حول مولاي مايل ومن مثلها حب الهوى مايضره=الى عاد ما من رب الارباب حايل الى طار حب القلقلان ودورجت=فروخ القطا يلتم شمل الحمايل ومن لايعز الجار ما عز نفسه=ومن لا يعز الناس باع القبايل والحب سل ربك يكفيك شره=حمله ثقيل ومتعب كل شايل ومن غرته دنياه يكسب مذله=والرب غفار الذنوب الجلايل |
|||
|
|
|
24-01-2006, 01:19 PM
|
رقم المشاركة : 9 | |||
|
هذه القصيدة الطويلة تحتاج إلى اعادة ترتيب تسلسلها ، فلعلي اجد نسختها كاملة ومرتبة:
يقول الخلاوي حاضر الراي صايبه = مصاب الحشى مدهي بأدهى مصايبه
ومشطون حال بات يصلى على لظى = مغلوف معلوق والاكباد ذايبه حريب جدك لو صفى مايودك = وعينيه لو تبكي لك الدم كاذبه وترى أبرك ساعات الفتى مابها الفتى = ومافات فات وساعة الغيب غايبه الاطباع تطبع جود من جاد جده = ولو كان من بيت رفيع وناصبه والأطباع تارد الفتى مارد الردي = ومالدين والدنيا والأطباع خاربه فلا للورى عما بدى الله متقى = ولاحيله يحتالها الكون صايبه والاقلام جفت بالذي سار واستوى = على الكون وطوال السجلات كاتبه والاخير في مالٍ عن الله شاغل = ولاخير في دنيا عن الله حاجبه فإلى المرء صار العار والذل حظه = فالموت سترٍ له يغطىَ معايبه والاجهاد عدى اللايمات من الفتى = والارزاق ماتأتي الفتى بالغصايبه لي في نزار وزرة اكتفي بها= ولي في نزار الجود اعلى مناسبه صبرنا وعدنا في صليب وحالهم = وما عابهم واهفا هفاهم جلايبه الصلب اجواد نما الجود جدهم = نزار الذي صلب العرب من صلايبه اجاويد قوم قلب الله قلوبهم =بحيلات سوء عابت القوم خايبه قوم طفوا والناس في الجاهلية = وازرى بهم شرك تطاما غبايبه فياراكب من فوق علكوم كورها=خرسا اللسان ومشخص العيس قاطبه لا تاخذ الشمطا على شان مالها=ولو انها لاموال قارون جاذبه فمن يأخذ المشئوم عني قلة= يقول الخلاوي خاب من باع جانبه فاختص عفرا شارق الشمس خدها =وتغني عن القنديل ماالشمس غايبه در نفيس منتقى كل منتقي = كالدانة الصفراء لدى الرأي ناجية خدً وقدً واعتدال وقامه = وردفٍ طوى للثوب سبحان iiناجبه ليلٍ مقفاها وصبحٍ iiقبالها = ومن كل دل زاهي الزين جايبه لعوب كعوب جل من صاغ وصفها = تثنى وحال الشد ياصاح جايبهi؟! أغنم متى ما لاحت من العمر فرصة=وان هب نسناس فإذرفي سواسبه وترى شور من لا يستشيرونه الملا = شمعة نهار في ضياء الشمس ذايبه ومن عاب شخص قبل يبصر بنفسه= يرى فيه ما لا ينحصر من معايبه ما للفتى الا لبوسه وقوته= وما قدمه الله في يوم واجبه وبالذات والشيمات والسمت والحيا=ينهال الفتى ما عاش اعلى مراتبه فالبير مايدري بها الا دليلة = وخيارها من ينبيك بالبير شاربه ترى سيد الاحكام ماكان مرتضى=ومن يرتضي شيئ ويهواه فاز به وترى ابرك ساعات الفتى ما به الفتى=وما فات مات وساعة الطيب غايبه والي ضاع عمر المرء في ليت أو عسى= فكثير التمني مابنى بيت صاحبه حياة بلا عز محا الله حظها = حياة الفتى لافاتها العز خايبه الذل داء للضواري يسلها = كما سل داء السل معلوق صاحبه مقام الفتى في منصب العز ساعة = ولا الف عام يصحب الذل صاحبه ومن لايرد الضد بالسيف والقنا=ويحمي الحما تطلع عليه الثعالبه ومن لايباشر شر الاشراروالعدا-=يوطا وكف عداه لحماه خاربه وللجار حق قاله الله في السماء =وللجار أدى صفوة الله واجبه وفي الراي يا مشكاي خمس تعجل=ونقص تأخرها جرى بالتجاربه الجد والتزويج والحرب للعداء = والفرض والقرض الذي في مواجبه فلولا الحسد مازال ابونا مخلداً = ولام حوا في نعيم بجانبه وترى احسد الحساد ترميه غيره=ويكفي بها داء عن الموت نائبه فمن أكرم الحساد أشوى قلوبهم = في قلة حمراء من النار ثاقبه يباتون حسادى على صالي الغضا = ويضحون في ذل من الله خايبه ترى الصبر مفتاح الافراج كلها = ولو هو برقيك مر حلو عواقبه والصبر محمود على كل ماجرى = الا الى ادى الى ذل صاحبه فما بين غمضة مقلة وانتباهه = فلا يندرى من أين تذوي هبايبه ومن لايعدي عن حياضه تشرع =ومن لايكرم لحيته حلق شاربه والدار ما يحصر عليها وليدها = دار الفتى مما طاب فيها مكاسبه والعبد بالنيات يجزى بما نوى= في نفس قول الله والشرع قال به من قال شعر فيه ما يسخط الملا = فالشين ياصاحبي له النفس شاربه وقد قلت اشعار الملا هي ثلاثة = من راي فكر حل قلبي وجالبه شعر يموت وصاحبه حي لو فنى = وشعر يعيش ماعاش صاحبه مامات من هذي بقاياه في الورى = ولا نسي من أنشا من الشعر صايبه ترى الناس من فج عميق تجيله = وتجري مدامعهم والارواح هائبه الا ايها اللوام كفوا ملامكم =وخلوا سبيل الخلاوي و صاحبه فماذا لكم لا اسعد الله فالكم = من الحظ في تصريم حبلى وجاذبه صبرنا على البلوى وما جا من السما= وشلنا حمول فوق ما يطاقبه ومن قال إن الحذر يمنع القدر=فأقاويل جهال من ابليس كاذبه |
|||
|
|
|
26-01-2006, 05:17 PM
|
رقم المشاركة : 10 | |||
|
هذه القصيدة وجدتها في موقع الضويحي منسوبة للخلاوي ، ولكن لم أجد ما يؤكد ذلك |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ردية بيني وبين الخلاوي | الطائر المهاجر | ساحة المحاورات | 5 | 31-01-2006 09:10 PM |
الخلاوي .. امتداد المدرسة الهلالية
