محاورة عصر الأحد 29 ربيع 1

[الطائر المهاجر]

الطير=
الكايد اللي كلما قلت كايد = جاه الزمان وفوق راسه توطاه
الكايد(صنداح)=
الكايد الى من جات الشدايد= دور عليه وبيض الوجه تلقاه
الطير=
وان ما لقيته فلا تحرى لعايد= كم واحدٍ روح ولا ردت خطاه
مثل الكرسيدا راح والله رايد= خذاه من لاخاف ربه بلقياه
عشرة عمر لكن بليا عوايد= مغير اصلح والسوواويق تلحاه
الكايد=
معوضٍ بالخيروانا محايد= واللي ذكرته ياالخوي ماذكرناه
الا اني انشدكل ماشفت نايد= لكن بعض اوصافها ماعرفناه
الطير=
بنت على العشرين واربع بزايد= مزيونة تقضي الغرض لاطلبناه
دفرنسها والقير حطه سنايد= وماطورها وضب ثلاث على ادناه
الكايد=
ارسل على الاحساس نعمه قصائد= وهو يعرف مضمون خطك ويقراه
يمكن عليها ينقلون الجرايد = اهل الطواقي واليدين المحناه
الطير=
عمالةٍ تسرق ولا فيه صايد= ولا احدٍ تفكر في البلد ويش شكواه
الكايد=
بين النهب والسلب ويضا الرفايد= ماعاد باقي شي ماجاء وشفناه
الطير=
مبروك يامبروك راع الكوايد= لا شفت من خذها فبالك ترجاه
الكايد=
راحو بنا اصحاب القلوب البلا يد= رحناطعام جحوش ويلا اه ويلااه
الطير=
تلقاه وافد ضاريٍ الجحايد= عايش على سرق البلد يومه اواه
مبروك بن ماضي=
بالامس صاحبكم يصيد الطرايد = واليوم ذا لاصاد نعجه ولاشاه
الطير=
الرقم ع م س ومعه رقمه سنايد= 646 اذا سرت بحذاه
الكايد=
والله ماتدري لو اخذها صعايد= ولا من الهندوس لارحم مجناه
ست المئه والاربعه ست زايد= = الرقم هذا يالمهاجر حفظناه
مبروك=
وان كان تعرف لك في الامن رايد = خله لنا يفزع وينهي المعاناه
الطير=
واليوم حتى الخبز سعره بزايد= ثنتين صارت واحدتهن بنقصاه
ولا عاد نقدر نشري اليوم تايد =ياحيسفا كيف الرخاء انا فقدناها
الكايد=
الامن فيه ابطال والامن سايد= واللي خذانا كيف للدار جبناه
الطير=
وحتى الطماط اخذوه لديار زايد= وسعره جنان ولا قوينا على شراه
الكايد=
اخاذنامن صانعين الوسايد= جانا صغير وكبرت اليوم علباه
مبروك=
من اجل ذا ودي ابيع القصايد = وادفع اجار البيت لي مادفعناه
الطير=
لانك نزيه وما تبي لنكايد = ولو كنت انا مبروك المال حشناه
صدر على شبوه بنوز جدايد = وجيوب تقطع ارضها والسماوه
ضيعت مشيك تحتسي من الوهايد= ولوك حرامي كان يثري بما جاه
الكايد=
في ديرته حاله من الجوع بايد= وفى ديارنا يمشي على اشها وارضاه
مبروك=
مافي بلد شبوه خلاف المكايد= هذا انضهم حقه وهذا نهبناه
الطير=
حنا السبب للعين جبنا الرمايد=اندور الراحه وحنا جنيناه
ومعنا ضعاف النفس اهل المكايد= اللي لهم في الأمر والنهي لاماه
الكايد=
الله على من حطهم في وقايد= يطبخ لحمهم طبخة العنز والشاه
الطير=
اكروش تكبر لو بحرام الفوايد= وعلى حساب الدار تبني المعاناه
الكايد=
العلم يوم يقدمون الموايد= ياوسخهم ياطيب القلب وسخاه
الطير=
خدام سيده صار سيد وقايد= ياطى على غيره ويحشى بمخباه
الكايد=
وسنعو س اشوفه عنده الوزن زايد= يمكن معه سواق يجيب مقضاه
مبروك=
مويترك ياابيض الوجه عايد = بس انت دور له بنفسك وتلقاه
الكايد=
يكمن ومقف في كراج ابو رايد = ولا نسي سواقكم وين خلااه
الطير=
حسبي عليهم من نصوا للزهايد= وخذوا وليف الروح واليوم انعاه
مبروك=
الله يعظم الاجر ويكون زايد = ميزان حسنات العبد عند مولاه
الكايد=
قطعت قلبي يوم تبكيه وايد = كثر البكا ماجاب شي ولا وداه
سناعيس=
موترك يالطاير كويمة حدايد = ماينبغى بريال وش لك بطرياه
مبروك=
دور من التشليح دكان قايد = ويمكن تلاقي في الصناعيه ( اجزاه )
سناعيس=
اعلنت يالمشرف بكل الجرايد = عن موتر ياطير ما اشين حلاياه
الطير=
سنعوس ماتدري ولا انتاب فايد= لوهو حلالك كان بالليل تقفاه
من لاقرصه الداب للداب عايد= يحسبه حبل وما درى ويش يخفاه
ومن لايحس بسرقة اخيه بايد= يجيه من وقته وخله بما جاه
سناعيس=
لو هو حلال القوم ليه وكايد = شبيت به نار تواقد وتصلاه
كراسيده تنافس موديل الجدايد = مادري مثل مايباخ والا تمثناه

[الطامي]

الطائر × الكايد
صح السنتكم
جبتوها الى اخرها
عمالقه متقابله
لاهنتو ولا شنتو

[النهج المختلف]

تحياتي للشعار الكبار

صح السنتكم لاهنتو

تقبلو مني فائق الحترام والاعجاب

[ابراهيم عبدالحميد]

التحيه و التقدير للطائر المهاجر
لتقديمه محاوره تتألق بنجومها
دمتم و سلمتم و غنمتم

[اصيل]

شكراً لما امتعتنا به
تحياتي

[بليهان]

كتبت فأمتعت
شكراً لك
تحياتي

[اللهيب]

كتبت فأمتعت
شكراً لك
تحياتي

[المورد]

مشكور
على ما افدتنا به
تحياتي

[المورد]

مشكور
على ما افدتنا به
تحياتي

[المتابع]

خالص الشكر والتقدير
على كل جهودك الرائعه
تقبل اطيب التحيه