عثمان رد الشات والشات فله

[نجم الإبداع]

من عقب صلينا العصر جيت ملهوف=ودي بشوف الطاير اللي نجله
لكن شفت الشات مافيه سرجوف =مقفول واثر الشات ياصحاب فله

[الطائر المهاجر]

الشات ولى واصبح اليوم موقوف = والمنتدى بعده تركناه كله
يكفي عطيته لين ماعمي بي الشوف=مالي فوايد لابدقه وجله

[نجم الإبداع]

انته تقول الصدق والا معك حوف=والا زعلت امن العقول المظله
لن كان عفت المنتدى وانتهى الطوف=اعلن تخليكم بوسط المجله

[الطائر المهاجر]

جاك الخبر من دون عهدٍ ولا حلوف=يامن شرى له من حلاله عله
ماني على حب الخساير بمكلوف=واللي يبي المفتاح واجب ندله

[نجم الإبداع]

هذا الخبر من قبل عامين معروف=تقولها وانته تسوق الترله
ماضنتي تقدر على بعد ابو نوف =وتعيش وحداني وقلبك تتله

[الطامي]

صح السانتكم
محاورة هادفه
ومناقشة انشادية رائعه
لاهنتو

[منيع]

انا مع فلاح والحال مكشوف=ليتك تعود كل شي لمحله
وان كان فيها واحد صار ملقوف=حرام ناكل جرم ناس مغله

[بنت العز]

سلام ياكرام
صحت السنتكم جميع
لابالله منت مكلوف
نظرك وصحتك الزم عليك
ماتشوف شر ياعود

[الطائر المهاجر]

سهم الفطاحل طاح لادبس او صوف = مابه فوايد والخساره تظله
اعضاه مثل طيور تبحث عن سقوف = ومحدٍ ركد فالكل يحتاج شله
ولاني على الشلات والف ومالوف = ومنهو عداهم نايمٍ في محله
ابعرضه للبيع توفير مصروف = وتوفير جهدٍ ضاع في غير حله
اللي يبي يشري يعربن لنا الوف= بالكاش مابه دين فالدين لله

[منيع]

سلام من هجر الى نجد ويطوف=للصاحب اللي مالقينا بدل له
وراك بدلت التحدي وبك خوف=وانت الذي لاكاد امر تحله
عثمان كم في الناس مبلي وملهوف=وترى رضاهم ماخلق من يدله
وصرح الفطاحل صار للكل مالوف=الا اذا يالعود حبلك تفله