صاخر المعنى

[ناصر عبيد الهواوي]

على رد القصيدة صاخر المعنى لقيته راد=بمعنىً شدني فيما يقوله والمحرر زيد
على معناه سريت الركايب لو يطول الماد=لك الله حافظٍ رقم الورود ومثبته بالقيد
خلاصة ما كتبته جادت الفرصة بلا ميعاد=بلقيا من خطف كاس البطولة في جمال الغيد
عراقي المحاجر هرسكي الخد لون اكراد=دمشقي الحلايا مصري المنطوق تلع الجيد
قبل عامٍ مضى فيلمٍ من الماضي بغى ينعاد=بقصه حال دون احداثها عشرين عيد وعيد
دخلت وقد لبس قلبي على ذاك الوليف احداد=وكنت اظن شوفه مستحيل ولي لقاه ابعيد
وبالصدفة لقيته جالسٍ في مجلس الأجواد=ووقف مبهور قدامي وقال اليوم يوم اسعيد
وانا ما كان لي من بُد غير الما يريد انقاد=وعجزت ارد له كلمة سلام ولا قويت ازيد
وخضعت وصار ما قلته قبل .ماله لزوم ايعاد=وانا ما ودي انه صار.لكن صدق كنت اريد
وتباعدت الكنب لااطيح دونه وآصله بالكاد=مثل من شاف له شيٍ مخيف وخافقه رعديد
لكن لي شيمةٍ ترد قلبي للسنع لو حاد=وكبدي لو تذوب من الكمد عما يشين احيد
وانا جميع ما اكتب صدق لكن في زمانٍ باد=سواة شعيل فالمبرك يردد جرته وايعيد
هذا معذار من شيب الشيوخ وشبة الأولاد=شغاميم الرجال الطيبين العارفين الصيد

[مبروك بن ماضي]

الاخ الفاضل الشاعر / ناصر عبيد الهواوي
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

[مجدي صالح المبارك]

الشاعر القدير ( ناصر عبيد الهواوي )صح لسانك وجاد بيانك على هذه القصيدة العذبة , تقبل تحياتي مع فائق الإحترام والتقدير .

[داعي الشوق]

صح لسانك يا بو عبيد

قصيدة رائعة و قاف رائع

ابداع جميل في الفكرة

و تصوير رائع في المضمون

لله درررررررك

مع التقدير لك

و صح لسانك مدد

[الطامي]

خلاصة ما كتبته جادت الفرصة بلا ميعاد
بلقيا من خطف كاس البطولة في جمال الغيد
عراقي المحاجر هرسكي الخد لون اكراد
دمشقي الحلايا مصري المنطوق تلع الجيد
قبل عامٍ مضى فيلمٍ من الماضي بغى ينعاد
بقصه حال دون احداثها عشرين عيد وعيد
::::::::
الهواوي
صح السانك ملايين ياعمووووووو
ومحشوم ومكرم من الزلات
والصدف لها دور في الذكرى الطيبه
شكرا لك

[منيع]

ابيات رائعه ومميزة
بارك الله فيكم
تحياتي

[حي الضمير]

الله ياناصر
وصفت وابدعت يامميز
وعواااايدك يامتمكن
وملياااار صح لساااانك

[حمود السكراني]

الهواوي صح لساااااانك جزلة

من جزل سلمت وسلم بوحك

[عدنان كريزم]

دائما مبدع في طروقك يالغالي




صح لسانك


ولا هنت

[عبدالعزيز البليهد]

عزالله كفو صح لسانك ياناصر

ابداع الله لايهينك

تحياتي وودي