عديل الروح

[عبدالرحمن بن زهير]

مساء/صباح الورد
نص متواضع اتمنى ان ينال اعجابكم...تحياتي

ماعاد يغنيني عن مشاهده شي=رغم اتصاله والحكي والرسايل
ابيه دايم والمحاني له اضمي=لوكان وسط عروقي الدم سايل
الجادل اللي نور وجهه شعق ضي=لاشع براقه بسود الخمايل
عليه اجر الصوت بالحيل والعّي=ويلج صوتي بالضلوع النحايل
ميسم حلاه معذب الكبد بالكي=انا اشهد انه عامل"ن" بي عمايل
احس بالضيقه ليا بعد شوي=واذا قرب يكسب بقلبي جمايل
كنه مقاسمني على لقمة ايدي=واروحنا من كثر حبه عدايل
فيه اجتمع ذوق الجميلات والغّي=عاقل ويملك طيش ماله مثايل
ودي بكثر مواصله دامني حي=ومطمع بغيره لو تجيني بدايل
بعده هجير وقربه لخافقي فيّ=يضفي عليه من لهيب القوايل
لاجاد في وصله كما حاتم الطي=وان شح تبقى فيه حلو الخصايل
وحده تملكني وغيره ولا شي=يسرف بطعناته وانا اقول هايل
سيطر على تفكري وكل مافي=يعسف شعوري مثل عسف الاصايل
يبعد ويقرب والمكانه كماهي=غالي ولاطاله من الشك طايل

[داعي الشوق]

يا سلام عليك يالشاعر عبدالرحمن

و الحمدلله على السلامه

أين أنت يا رجل ؟؟

قصيدة قمة في الجمال و الابداع

و مطلع القصيدة ،، قصيدة بحاله

لله دررررررك يا مبدع

و صح لساااااااانك ملايييين

مع التقدير

************

[عبدالرحمن بن زهير]

لاهنت ياداعي الشوق انا موجود بينكم وانا خوك قل حضوري بالقصائد لاكني متابع.

صح الله بدنك وتشرفت بمرورك يالغالي

[الراقي]

مًبٌَِدًٍعًٍ

وٍمًتُِِّْمًيَزٍُ

شًِْعًٍرٌٍ وٍشًِْعًٍوٍرٌٍ

وٍفْكَرٌٍ

صٍْحٍّ لسٌِِّآنْكَـِِّـِِّ ,

[أم ريما]

لاجـاد فـي وصلـه كـمـا حـاتـم الـطـيوان شـح تبقـى فيـه حـلـو الخصـايـل

وحـــــده تـمـلـكـنـي وغــيـــره ولا شـــــييـسـرف بطعنـاتـه وانــا اقـــول هـايــل

سـيـطـر عـلــى تـفـكـري وكــــل مــافــييعسف شعوري مثل عسف الاصايل

يـبـعــد ويــقـــرب والـمـكـانــه كـمــاهــيغـالــي ولاطـالــه مـــن الـشــك طـايــل

صح لسانك

قصيده جميله

يعطيك العافيه

ولاهنت

[وليدالبسطي]

تسلم اخوي

عبدالرحمن على هذا النص

الجميل

تحياتي

[عبدالعزيز العمار]

عبدالرحمن بن زهير

صح لسانك وجاد بيانك على هذا النص الرائع والجزل

كما هي عادتك جزل في طرحك واسلوبك الجميل

اسجل اعجابي القديم والجديد هنا وتقبل تحياتي وتقديري

[الطائر المهاجر]

صح لسانك
ولا هنت
جزله وطيبه
تحياتي

[منيع]

ياسلام عليك
ابداع وتميز
تحياتي لكم

[ماجد الراشد الهيري]

كفو ياعبد الحمن ولد زهير انا أشهد انها جزله من راس جزل
صح لسانك ولاهن راسك ياخوي