محااوره راائعه بين الطااائر والسنااعيس .

سناعيس =
أنشدك عن طير مهاجر بلا ريش=يكفخ بجنحان بها جلد وعظام
الطائر =
هذا يسمى الهرش يحتاج تقريش= في وقت فيه البرد ما يرحم ايتام
سناعيس =
الطير مايشبه طيور الخفافيش = له سطوة ياناس وافي وضرغام
الطائر =
يازين من عدل كلامه بعد ايش=مهما يحاول هرشنا جته الاسقام
سناعيس =
نسر كبير ولانعرف كم بيعيش=لكن اظنه مايطير وبه ازكام
طائر =
خلك مع اللي لابسه للدناديش= الإسم همه والفعل فعل همام
سناعيس =
عود النسور اليوم ياناس مافيش = في ماكره مخمر ونايم من العام
الطائر =
اما انت لاجذع ولا ظنتي حيش=شجرة عنب مغروسه ببيت صوام
سناعيس =
الشايب انته يالذيابي وعلى ويش = تخدع جميع الناس في حرب الاعلام
الطائر =
هذا الذيابي ذيب في مقدم الجيش= اما انت ضبٍ مجحرٍ خوف الالغام
سناعيس=
مهما تطير او تهاجر لك عشيش = نلقاك فيه ونفغصك فغص وشمام
الطاائر =
ياجحة طارت بعد نغزة الفيش=انشهد انك لا مؤذن ولا امام
سناعيس =
الجحة اللي لو تدربا على الخيش=اكلتها ياطير وألحقتها هام
الطاائر =
راس قرعه مهما تحاول بتهويش=لاانتاب لاجحه ولا انتاب شمّام
سناعيس =
لكن ماهر ساكت شكله يجيش =ويبي يجيب القاف لاصار منضام
اما انت ياطير تهدد على ويش؟ = مافيك حيل وليت ماهر معك دام
الطائر =
ماهر يجهز كيف يبوشك تبويش= ينفشك كنك كورة بين الاقدام
سناعيس =
خلاك ماهر يالمهاجر وبتعيش=في حسرة بالشات تحرج على زمام
الطائر =
اشكي على الله دام قبّل على بيش=وانا بعرعر اشتكي ضيم الايام
الصوت جاك وناوي لك بتهميش= ياهرش ياتعبان عايش بالاحلام
سناعيس =
الصوت لامن جاء ماصار تطنيش = يعرف الاعيبك وهو درع وحزام
الطائر =
هذي طباعك هرش تحتاج تهريش= اهرش لجلدك تنطلق دوم قدام

[الطائر المهاجر]

شكرا للفاضلة موج القصيد
على نقل هذه المحاورة الكوميدية في معظمها
لاهنتي
تقبلي أطيب التحية

[عبدالله راشد الثويني]

هههههههههههههههههههههههههههههه هه

محاوره من العيار الثقيل
بين عملاقين نفخر بتواجدهما معنا



الله يعطيكم العافيه
وعساكم ع القوووه

والشكر موصول لاختي موج القصيد على هذا النقل

[منيع]

هههههههههههه
كذا ولابلاش يستاهل العود
تحياتي

[عبدالله الشويمان]

صح السنكم يا شعارنا الافاضل

[عايض ابوشيبه]

موج القصيد شكرآ للنقل


الغالين

سناعيس

والطائر المهاجر

حقيقه استمتعت بالمحاوره الرائعه ومادار فيها

وحقيقه شعار نفخر بهم

بيض الله وجيهكم

[عبدالله خالد البكر]

لاهنتي الموج على النقل الرائع
لمحاورة بين اثنين من عمالقة الشعر
اطيب تحيه ..,

[الأموره]

ربي يسعدكم ..

و صحت السنتكم ..~

الف شكر لك يا موج ..~

دمتي برعاية الخالق ..~

[محمد عبدالله البدراني]

العزيزة الفاضلة موج القصيد سلمها الله


الف مليون شكر لتزويدنا بهذه المحاوره بين اثنين من اعمدة المنتدى


سناعيس والطائر المهاجر

الله عليكم

مليون صح السانكم

وحقيقه الميانه واضحه والميانه ماتجي الا من المحبه والثقه المتادله بينكم


لله دركم


ومليوووووووووون صحت الالسن


لاعدمناكم وفخر لنا معرفت امثالكم


الله يديم المحبه بالله


تحيتي
مع اسمى ايات الشكر فائق التقدير واطيب المنى رعاكم الاله

[سناعيس]

عبدالله الثويني
منيع
عبدالله الشويمان
عايض ابو شيبه
عبدالله البكر
الأموره
محمد البدراني
كل الشكر لكم على تواصلكم واطلاعكم
وامتناني للشاعره القديره الأخت موج القصيد
على نقلها لهذه الكوميدية المتواضعه
وياليت كان عندنا خبر انها سوف تنقل هنا كان على الأقل اجتهدنا شوي وزيناها
ههههههههههههههههه

تحياتي