من قديمي المتواضع

[عبدالعزيز ابراهيم المنصور]

لا واهني اللي من الهم خالي=ماهو بمثلي يحترق في همومه
بيت ً قديم قد سمعته يقالي=والمبتلي أخطيت ياللي تلومه
شي شغلني واتعب اليوم حالي=والعين عافت من هوى العشق نومه
قبل الهوى والحب داله وسالي=واليوم حالي من شقاي معدومه
حبيت لي شخص ٍ كثير الدلالي=من زود رغده راوي ٍ بالنعومه
اسهر طوال الليل لامن طرالي=وابدا تذكر في خيالي رسومه
ياما شكيت الآه مما جرالي=ومشاعري غصب ٍ عليه تلومه
ما اذكره في يوم حن وصفالي=اذكر سقاني بس مره سمومه
الحب شي كبير وصعب ٍ يطالي=مثل البحر ماكل واحد يعومه
ومدام انا اهواه وهو مايبالي=احسن لي بس انساه وانسى همومه

أتمنى أن تحوز على رضاكم

[عبدالعزيز العمار]

شاعرنا عبدالعزيز المنصور/

صح لسانك وجاد بيانك ..

دائما رائع في كل ماتقدمه ...

لاهان حرفك ومنطوقك..

[عمر ال شيبي]

انسى همومه

الله عليك
حطيت موسيقى حزينه وقريتها

يا سلام
صح لسانك لا هنت

عذبه من عذب

[عبدالعزيز ابراهيم المنصور]

عبد العزيز بن عمار أشكرك على حضورك الجميل سلمت ودمت بخير

[زهرة اللوتس]

سلمت وصح لسانك
لاهنت
ويعطيك العافية
تحية طيبة

[سناعيس]

الله الله
صح لسانك يامحاكي الورق
قصيدة ولا أروع
لاهنت ولله درك

تحياتي

[الخنساء]

المشاركة الأصلية كتبت بواسطة محاكي الوَرَق

لا واهني اللي من الهم خالي=ماهو بمثلي يحترق في همومه
بيت ً قديم قد سمعته يقالي=والمبتلي أخطيت ياللي تلومه
شي شغلني واتعب اليوم حالي=والعين عافت من هوى العشق نومه
قبل الهوى والحب داله وسالي=واليوم حالي من شقاي معدومه
حبيت لي شخص ٍ كثير الدلالي=من زود رغده راوي ٍ بالنعومه
اسهر طوال الليل لامن طرالي=وابدا تذكر في خيالي رسومه
ياما شكيت الآه مما جرالي=ومشاعري غصب ٍ عليه تلومه
ما اذكره في يوم حن وصفالي=اذكر سقاني بس مره سمومه
الحب شي كبير وصعب ٍ يطالي=مثل البحر ماكل واحد يعومه
ومدام انا اهواه وهو مايبالي=احسن لي بس انساه وانسى همومه

أتمنى أن تحوز على رضاكم

صح لسانك مليون ولايكفون

قصيدة جزلة من شاعر جزل

سلمت ودام حرفك

[الريم]

ابداع وجزاله
سلمت أناملك أخي
واحترامي

[همس الورد]

صح لسااانك مليوووووووووون

و صح بدنك

بووووح مميز

تحيتي

[عبدالله راشد الثويني]

شاعرنا الغالي / أبو ابراهيم
صح لسانك وعلا شانك نص راقي كـرقيّ حضورك
تسلم يمناك على ماخطت طامعين دائماً بالمزيد من روائعك
تقبـّـل تحيتي