الــــفــــيّة شمـــــــــــا

[ماجد الزيد]

السلام عليكم ورحمة الله وبركاته
هذي الالفية نظمتها على طرق جديد مروبع موحد القافية في القفله وكل حرف منها ملزوم بقافيته على المسحوب
ثلاثاً مستفعلن مستفعلن فاعلاتن- اما القفله فعلى الرجز
مستفعلن مستفعلن مستفعلن
سمّو....

الالـف أن القـاف وبـل السمائـي=يامـن تناديتـم الـى الـف يائـي
الفيتـن والـداء منـهـا داوئــي=من عاشق الشمّا وهو مجنونهـا
عزّي لقاطع بـر قـد جـف مائـه=ينظر الى ارضـه ويرجـو سمائـه
يجري على ساقه إلى وصل هائـه=مجنون شمّـا وافهمـوا مضمونهـا
الباء بليت ابحـب حـوراء كاعـب=حتى اوردتنـي فالهـوى للمتاعـب
انزل على وادي واحـدّر بشاعـب=وابليس يلبـس عمّتـي توحونهـا
ماني ونـا ماجـد هـواي اتعـذّب=واخبارها من وحـي جـن ٍ مكـذّب
يروي لهـا عنّـي بكـذب ٍ مهـذّب=يسقيه ربّـي مـن سقـر ملعونهـا
والتا توارت مهجة العيـن حتّـى=مردود علم اقوامها صـار شتّـى
فت الفراق القلـب فتّـى وحتّـى=يامن يجيب علومها وش لونهـا
ازعج بعالي الصوت شمّا أصـوّت=لين الخلايق عن نبى العلـم دوّت
ياويش سوّى ماجد او ويش سوّت=ماكننـا الا قصتن يروونـهـا
الثـاء ثمينـة روح اميـرة مثلـث=عن حبهـا ازريـت القـى معلّـث
لـو تبتسـم للمستطيـل (أ)يْتثلـث=تكفـون ياهـل السّاهـرة تلقونهـا
يامن تقول الشعر ورث ٍ فـلا ورث=سقيت شمّا وانبتت رابـي الحـرث
ومن أخرج البان ٍ من الدم والفـرث=شلّ الثّرى والحق بهـا مضنونهـا
الجيم جاوب ياحمد واكمـل الهـرج=الفية ٍ جاها ابـا الهـرج والمـرج
قلب الاسد سرّج شعب عبقر ٍ سرج=تسمع صهيل الجن فـي ملحونهـا
من وسط جب ٍ في ظلم بحر ٍ اجـاج=ايطوف به حُجاج ويـزور حَجَّـاج
راج البسيطه روج رجـاج رجـاج=دك الابالـس ماحمتهـا حصونهـا
والحا حللت وحل شيطـان سـارح=حليل شمّـا حـل فـوق المسـارح
يامن تسارحتوا الى ايـن التسـارح=تكفـون شـدّوا وثاقهـا بمفتونهـا
حورية ٍ اغزي لها ورْجـع السـرح=اقدم على الكردوس وافرقه شـرح
واضرب بصمصامه لها جمع ٍ وطرح=تكفـون شيلـوهـا اذا تقوونـهـا
الخاء خواني الهم لين العظم خخ=جو السديم احياه معها بلا مخ
والله لو تنفث على كاهن ٍ نخ=ليخاوي المزمار من مخزونها
خودا خديجه دخمة الصوت لافخ=لسْمعتها ابليسي حبيسي ينافخ
متحريّة غيلم من الشوق كافخ=رقراقتن جعلي فدن لعيونها
والدّال دل القلب مزيـون شـارد=شادن على الصحصاح لليث وارد
اقفت وهي تدمى صويبة بـوارد=ليت العمى بعيون من يرمونهـا
سلّت لها سلّه تشيـب المواليـد=من هولها ذابت متون الجلاميـد
للارض رجّ وللرواسـي تناديـد=الكون كاون من نمـى مكونهـا
والذا ذوى الجبار كل من تلذذ=بفراقها يذوى خفوقه يقذذ
دمّه على الضلعين طشه يرذذ=الّي وذوني بالهوا وياذونها
نبل العواذل بين الاضلاع نافذ=شعشع من الخفّاق شع النوافذ
واجر قلبي فوق شوك القنافذ=واوجد حاله يصطلي با تونها
والرا رماح فراق شمّا شواجر=باقصى ضميري عاويات الحناجر
ماكنه الا صوت حن المناجر=نار الفراق ونشّبت بسنونها
نارٍ تلظّى كالجحيم المفجّر =من حرّها قلبي يذاب ويسجّر
والعين دمع العين منها يتحجّر=مثل الحصا والعين صكّت نونها
والزا زوابعها عليّا تلزز=وابليس بالف ابليس جاني معزز
شبحة لعين بخيل ربعه تفزز=وآنا بخيل الله فوق متونها
خيل ٍ عرمرم بين فزاز لزاز=اسرج ظهر عزاز واكز كزاز
دوسي كراديسي على كل همّاز=يلطع نخاعه فالوطى او دونها
والسين سيري ياخيولي كراديس=في كل وادي من بطن ديسن لديس
تكاثرت ياخيل ماجد هناديس=الله يدمدم كربتي بركونها
سحم الليالي في نهاري تعسا=مابين مكروه ومابين جسا
اخس اخس ياوقت ٍ على الذيب دسّا=يوم الحصاني شرّعت قانونها
والشين شامت نفس حرٍ وهو شش=يوم الغراب براس طنيول عشش
حوّل على مافات سحمي ينشش=شبّولي الحلتيت في غليونها
دكّوا على الحلتيت ملحٍ مهتِّش=يدرك مفاتيله نزاري مفتّش
لاششت شاش ولاتراخيت حتّش=منفوحة ٍ تدري بنباء مدفونها
والصاد صدّوا عن مووايل قصّاد=من بينه وبين الشواعير مرصاد
للشعر الاعشى وللمحاصيل حصّاد=خلّوا الطويلة جعلكم تفدونها
اص اص عن نص ٍ منصّص وهو خص=مرصوص ٍ مرصّع بياقوتها رص
لعيون شمّا قصّة ٍ قصّها قص=خوة هك اللي ضافيات قرونها
والضاد ضموني على صدرها الفض=ضمة قبر للنازله يوم ينفض
الله ياوقتن على ماجد ٍ فض=كن الضواري فالكنين جضونها
جضّت وعضّت عضة الليث لا عظ=ترعى كنين ٍ من سنين وهو معظ
لابي لكم نصح ٍ ولا ابيلكم وعظ=والله لاذكرها فلا تنسونها
والطا طواني فراقاها طي في طي=كني على جمر الجحيم امتوطي
يعلم بي الخلاّد وتسمع بها طي=ولا همني لوم العفون عفونها
طاولت ما طاول ابا زيد ٍ وحط=ماهمني المنحط لو شط منحط
غبة بحر للي لعيني تمشحط=بنت الشيوخ المرسلات شطونها
والعين عيّت نفس ماجد وهو عي=ماهمه التثريب ياماجد ٍ عي
وش همّي النّاقص ووش همّي (ا)لعي=تتفل يضابح لاعلى طعنونها
اهل الهوى مابين قتلى وصرعا=ولوهم على صوت الهياعيل هرعا
للهم بقلوب الهواويّْ مرعا=تناطقت نفس الفتى بمكنونها
والغين غابت يوم حظ الفتى راغ=كنّه جنين ٍ ماتت امّه وله غاغ
ايْصيح من جوعه إلين النفس فاغ=حظ ٍ مجندل والشهر كانونها
واكبر همي بين دومه ورابغ=وش فادني لو قيل ملهم و نابغ
الوقت دوبغني مدابيغ دابغ=وانا الفتى من راس فهر و عونها
الفا فجعني الوقت لين الدمع جف=بفراق من لا جت عظمي تراجف
سرجوفها سرجوف لعب الحراجف=السّاكنه ماجد وهو فرعونها
شعر ٍ عليها وووه لامنّه التف=وجفن عليها سلّة ما تنـتّف
لو شافها شيخ ٍ ابن شيخ يختف=تركيّة العينين انا مرهونها
والقاف قوس خدودها كالمشارق=فجر ٍ ويعزلهن من سيوف طارق
والعين لاوالله عينن تبارق=الدرّه الي حلْ بَهَاَ جيّونها
بياض عينن كنّه بصدر غرنوق=والا سواد ٍ كنه املح من النوق
في عينها الفين خيال مشنوق=تلبّسوا سود الليالي دونها
والكاف كلّ الجن ماكل ناسك=لادلهم العسعس غداله مناسك
ياماجد ٍ مالنّاس بالناس ناسك=خل الخلايق لا تهاد جنونها
اجنونها تضرس على الفك بالفك=دفّي دفيف السامريه بدفدفك
تراقصي يابنت وانا مدفدفك=على بساطي والعبي حنُّونها
واللام ليل ٍ ليل شمّا ترى هل=ياهل ترى ياهل ترى ياترى هل
هلهل معي ياعامر ٍ كلّنا هل=اشوف شمّا طنطنت طنُّونها
تضرب لها خلخال ساق ٍ تخلخل=هاتوا لها دف ٍ على طار منخل
يامرحبا قرّب بها هات ثم خل=شوقي لها شوق البدو لمزونها
والميم ميلي بعد ميل ٍ ترى مل=قلب ٍ تجمّر مل من لاهبة مل
تغيب شمّا وإن تباطت تأمّل=الله بيني وبينها ماخونها
انسية ٍ جنّية مالت ومال=فدوة نظرها النّفس والخمس والمال
لايعملون الكفر من بينن اعمال=الله بنحور الكفر يأتونها
والنون نون الله وثم ما يسطرون=لاجف نبع ٍ بامر ربّي يمطرون
ياقومنا بالله عنّا تُخطرون=هل ماجد الا راس ما يبدونها
نحن ذوي القيفان نحن المبدعون=ون كر شر ٍ هل سوانا الرادعون
ندعي برب البيت ماندعي بعون=لامن تحامى الجاهلين بعونها 1
والها هلت من عماها عماها=لاجف شرب الناس بذّال ماها
عين ٍ ورى حرة ٍ تبوك ٍ دماها=زرقا وشرّبت الشّياصب هونها
اسقيتهم قولٌ وقد قاله الله=حتى غدو صرعا فواغير الافواه
جاهم ولد خالد على جاه جهجاه=لين الشّياصب أرخت عن كونها
والواو ولّو والعبوها وغنّوا=جنّوا على مافات ياهيه جنّوا
والله ماتدرون شنّو وشنّو=شنّة عظيم ٍ مابلغتو فنونها
تدرهمت من قومٍ اسبق من الضو=يا ما توضينا ويا ما توضّو
على يديهم يوم قفيت عضّو=سكّان دار ٍ من دواعي سكونها
واليا يقول الي عجز عنه مدري=تكفون وش تدرون بدري وبدري
من طاف بالوبري وهو راع مدري=ما والله انّه راحل ٍ بظعونها
اجزع فلم ارفع بحزني لساني=واصبر على ماكان منها وكاني
رجل ٍ على الانذال هول سناني=والله يعلم ما خفى مكنونها

[حي الضمير]

اطلاله جميله من شاعر فذ
ويسلم راسك يابوحمد قصيده مكانها القمه
من شاعر الجميع يطرب لقصائده

[مبروك بن ماضي]

لك الله أيها الشاعر الباذخ ..
الاستاذ / ماجد حمد الزيد
تملك ما لا يملك غيرك من الجزاله والأصاله
وزال الشعر بخـــير
دم بخير حال وتقبل تحياتي وقوافل اعجابي ،

[عبدالله الشويمان]

لله درك يا اخ ماجد على هذه المنظومه

وصح السانك وعلا شانك

ولا هنت يا الغالي

ألفيه ولاأجزل


صح لسانك مليار ياماجد

مبدع يالغالي


لاااااهنت



إحترامي وتقديري

[سناعيس]

شامخه شامخه
ماجد الزيد
صح لسانك
والله لايهينك

تحياتي

[الخنساء]

صح لسانك اخي الشاعر ماجد
لاهان را سك قصيدة رائعه
سلمت وسلم شعرك
دمت بخير

[احمد الفارس]

. صح لسانك . يابوحمد على الألفية . قمة في الإبداع ومسائية جميلة .

هامة من ظهر هامة . طوّل الله عمرك ... لك خالص تحياتي وتقديري .

[عذب القوافي]

نص فاخر

شاعر الفطاحل

ماجد الزيد

الله يعطيك العافيه

وصح لسانك

تقديري ........

الشاعر ماجد الزيد

الفية فاخره ترتقي لقمم البوح بتمكن

شاعرها

شاعر الملاحم غير مستغرب عليك الأبداع

فأنت من متوجيه وبتميز-

صح لسانك يالشاعر