زاد الغلا واهل القوافي نوم(خماسيه)

[نجم الإبداع]

وين المواقف وين ياشعار=تجارنا ماخافو القيوم
فيهم جشع لزيادة الاسعار=راح المواطن راح يازيزوم
قولو الحقيقه واوزنو الاشعار=وكل فاجر له نهايه يوم
الدوله تعطي والعطا مدرار=واهل الامانه ضيعو المقسوم
من يسرقون نشوفهم شطار=وكل تاجر بيننا ملزوم

[عبدالله الشويمان]

الله يعينك يا ولد منشار=من حر ما توجس تشكا دوم
ما دام عندك مسكنٍٍ وحمار=وش فيك يا الصاحب تشيل هموم
دامك موظف والزمن دوار=لا تسرف براتبك والسوق محموم
واطلب اله الكون بالاسحار=يوسع برزقك وابعد من اللوم
وما دمت مستامن بوسط الدار=نعمه فضيله شكرها ملزوم

[عبدالله الشويمان]

صح السانك يا ابومحمد..

[عبدالعزيز البليهد]

عاشووووووو لايوقف حيلكم بالجزارين التجار الطماعين عسى مايربحون

[الطامي]

حياكم الله
وصحت ابدانكم والسنتكم
كملووووها
نبي الزبده
وانا بالصف وفي ميول لأحدكم هههههههههههههههه

[نجم الإبداع]

صح لسانك يابو بدر

وشكرا لمروركم الطامي والبليهد وترى الموضوع مفتحوح لامشاركة الجميع

لاعدمتكم

[نجم الإبداع]

وهذه مشاركه من اخونا محمد القثمي ((هترررل)) صح لسانك يامحمد

يقووووووووووووول

صدقت ..واسمع باقي الاخبار =عندي على بعض العلوم اعلوم
بدلو .. بدلوي واظهر الاسرار =بعض السوالف تبهج المضيوم
زاد الطمع في الناس .. ياستار =كلنٍ يدور في سماه نجوم
ساهر .. وماهر لاخر المشوار ؟=الناس تفطر عيدها وتصوم
لا تتبع الدخان قبل النار =ولا تنصر الظالم على المظلوم

[هترل]

صح لسانك يابو محمد
وصح لسان الرعد
وتسلم يالوافي وصح بدنك لاهنت

تحياتي وتقديري

[عبدالله الشويمان]

صحت السنكم ايها الشعراء الافاضل..

وصحت ابدانكم..ودام عطاءكم