محاورة ليلة الجمعه المهاجر وفلاح

[الطائر المهاجر]

المهاجر=
انا نظارتي ياخالد العمري ترد الشوف= ولكن انت مع شوفك تطيح ولاانت متواسي
اذا مني بغيت اسري امد ايدي بليا خوف= ولكن انت بتطلطل وفي خاطرك هوجاسي
فلاح=
على الطير المهاجر شلت سيف الشعر يامشعوف=فلا سيف المهاجر فايده بين التمتراسي
المهاجر=
تحب اللحم لو ني وتشوف انه غدا مكشوف=تبرق فيه وتعاين وتشري دون مقياسي
فلاح=
هلا يالعمري ابشر بالسعد يالصاحب المعروف = سليل اهل الكرم والجود مانته يوم تحتاسي
المهاجر=
ونا بنشرك يالمنشار وحطك داخل المظروف= وعلى امريكا تجمع مباقى منك بتكساسي
فلاح=
مادام اني بجنبك فابشر اني بارسل المالتوف= وافجر كل الات العدو خل التوجاسي
انا كنت احسبك ياعود صادق في هوى الغريوف= واثارك ترسل الموال كنك حارسن فاسي
المهاجر=
عطاك الكرت والغيته ولا فيها ابدمعروف= لأنك نشمي طيب ولا ساورك وسواسي
فلاح=
كذا احسن ولاتغدر فانا خابرك تفري الصوف = تلبس كل غاوي ثوب كنك شيخ مكناسي
المهاجر=
فزعت بواحد لين يتمغط كنه الغظروف = ولا يصمد على حربي يبي يرجع بالافلاسي
فلاح=
ماهو شاعر ومتمكن وباقي ماقسي الغضروف= فلا تقسى وتجمع له وتكتم كل الانفاسي
المهاجر=
ولو ماشفت كيبوردي المس بارزات حروف= واوجه سيفي المسلط ولوني بآخر نعاسي
فلاح=
تركد لايطيح القير واحذر ميلة المهفوف= ترى بعض الخبايا في عسل من تحته امواسي
المهاجر=
يجوك الجن بعد الجن تدور مالقيت كتوف= يقلبونك بدل منشار وتصبح بيه نسناسي
فلاح=
سما سومي وسموني وسموا سلمنا معسوف=وسومك سم ياعثمان وان سموك ملاسي
المهاجر=
حبا حبك وحبّك لك حبيبٍ في الهوى ملقوف = ودلدل ما تدلدل منك ماعينت الارماسي
فلاح=
خذ الرمي الحقيقي مايصيب الا الكبد والشوف= نياشن المنايا في سهومه وانت حلاسي
المهاجر=
تبي تجمع تبي تطرح تبي تقسم علينا الوف= فقير ولا درينا بك ولاساويت لنحاسي
الا ياكثر خرط اللي وخذ ماحيلته زانوف= يورد تمر للبصره وسمى نفسه دباسي
فلاح=
فقير وهامتي فوق السحاب وماني بمكسوف = ولا مديت كفي غير للي صور الناسِ
الا ياسرع ما تنزل مثل غيرك بليا عزوف = اذا من صاحوا الورعان تجيب الرز ابو كاسي
فلاح=
على هامان يافرعون تخفي كنزك المكفوف= وتحلف مامعك غير الفقر ياشيخ الاركاسي
المهاجر=
انا لو لي بكنزٍ يافلاح الخير كان تشوف=بأني صرت هامورٍ بدل مانيب كالمحتاس
فلاح=
تحلْف انك شقي ياصاحبي من دقنك المنتوف= علامك ماتتوب وتطلق اللحيه وتنباسي
المهاجر=
تعودت القناعه في حياتي ماعرفت كلوف = فلا فكرت في رشوه ولا نهبه بختلاسي
فلاح=
انا حسيت حالك يوم تعطي العلم للغطروف = لفاني مالعديد وغار من فقري وهرناسي
المهاجر=
اذا من الرجل يكدح وجمع قرشه بليا حتوف = ترى يغنيه عن خلق كثيره حكمهم قاسي
فلاح=
على وجه الكريم الظن ماغابوا هل المعروف= ولا ضاقت بنا الدنياء مدام الطيب كراسي
المهاجر=
ولكن ربنا ماقال عيشوا فقركم مألوف=فلاهي تمطر قروش ولا خبزٍ ولا الماسي
لزامٍ نشتغل بالجد ونبني مقبل معروف= ولا نركن الى نوم وتخديرٍ بلا كاسي
فلاح=
انا ماضيّق اخلاقي سوى من يبغي المعسوف= اشوف الناس من حولي ولا طبيت متواسي
المهاجر=
بلا تخطيط ما تنجح وتمشي دربك المأسوف=ولا تدري بحالك لين مايبداك وسواسي
قانا من تحت الصفر مسراي لاعارف ولامعروف= طوال الوقت في جد بعزم ثابت الباسي
فلاح=
انا من عهد الاسهم ياعويد الفقر في سرجوف= تعلمني وتنسى نفسك وتظرب بالاخماسي
المهاجر=
بنيت الطوب فوق الطوب كأني بالشقا مكلوف = اداوي علتي بالصبر مافكرت باحساسي
فلاح=
تبعتك يومك تنصبني الاعمال ياملفوف= وحطيت القروش وسرت كني ثار جساسي
المهاجر=
انا مافكرت في سهم وخساره تتبعه بالخوف= اباكل راتبي حتى اموت بدون مقياسي
فلاح=
ركبت البحر واثر الموج عاتي وانت تخوي الجوف=وصرنا عمي خلف المال كن المال الاعراسي
كسبنا تجربه والظن هذا بالرباء مشفوف =فقلي ياحكيم القوم خل اهل التوناسي
المهاجر=
ركبت البحر والمجداف خليته على الحاذوف= وطاحت بوصلتك ولا عرفت ببحرك القاسي
فلاح=
سالتك وانت عالم فاوجز المنظور ياموروف= ولاتشهد سوى بالحق فانا عندي اوجاسي
المهاجر=
تبي تتجر بسرعه ما حسبت الجرف والجاروف = وصرت طعم لجحوش خذوك ولا بقى لباسي
يعوضك الولي لكن اذا قرشك غدا مردوف = لقيته يوم ماتندم ولا في الأمر تحتاسي
فمد الرجل قدر لحافك ولا ترفع من المصروف= ووفر قرشك الأبيض ليوم اسود به اوجاسي

[صعبة المنال]

تبي تتجر بسرعه ما حسبت الجرف والجـاروف=وصرت طعم لجحوش خـذوك ولا بقـى لباسـي
يعوضك الولي لكـن اذا قرشـك غـدا مـردوف=لقيته يـوم ماتنـدم ولا فـي الأمـر تحتاسـي
فمد الرجل قدر لحافك ولا ترفع من المصـروف=ووفر قرشك الأبيض ليوم اسـود بـه اوجاسـي


رد جاب العيد يا ابو عبدالله
بيض الله وجهك وجه ابن منشار


صعبة

عافاكم مولاكم

محاوره طيبه من طيبين ماقصرتوا في بعضكم

تحياتي

[خالد العمري]

فقير وهامتي فوق السحاب ومانـي بمكسـوف=ولا مديـت كفـي غيـر للـي صـور النـاسِ

هنا أقف بكل إحترام لهذا النص .... فعلاً أخي فلاح لقد قلت كلمة يشهد لك من عرف المرجله

الطائر المهاجر + فلاح بن منشار

صح الله السنتكم بدأت مداعبة ثم أتجهت إلى النصح والإرشاد
وفقكم الله جميعا

وشكراَ المهاجر على التوثيق

[عبدالله المسعودي]

؛






آلله لآ يهينكم [ آلمهآجر ، آلــفــلآح ] ..؛
وبيض آلله وجيهكم ..؛
محآورة طيبة ..؛
دمتم بود ..؛

فــــــــــــــــــــــلاح

سما سومي وسموني وسموا سلمنـا معسـوف

وسومك سـم ياعثمـان وان سمـوك ملاسـي

الـــــمـــــهـــــاجــــــر

حبا حبك وحبّك لك حبيبٍ فـي الهـوى ملقـوف

ودلدل مـا تدلـدل منـك ماعينـت الارماسـي

لله دركم من شعار

ماقول غير صح لسانكم

فلاح انت سما سما

وابو عبدالله تدل ياسمي الضبي وش عاد


والله من اجمل ما قرأت في المحاورات فعلا لله دركم

[نجم الإبداع]

شكرا للنقل دكتورنا

وشكري ومودتي لكل من مر وسيمر من هنا

لاعدمتكم

[نجم الإبداع]

ترفع للتفكر

[عالي مستواها]

11111111111لله عليكم


صح لسانكم ترليووووووووووووووووون


محاوره اكثر من رائع فيها من العبر والحكم الكثير تشكرون عليها


فقير وهامتي فوق السحاب ومانـي بمكسـوف=ولا مديـت كفـي غيـر للـي صـور النـاسِ

تعودت القناعه فـي حياتـي ماعرفـت كلـوف=فلا فكـرت فـي رشـوه ولا نهبـه بختلاسـي

ولكن ربنـا ماقـال عيشـوا فقركـم مألـوف=فلاهي تمطـر قـروش ولا خبـزٍ ولا الماسـي

فمد الرجل قدر لحافك ولا ترفع من المصـروفووفر قرشك الأبيض ليوم اسـود بـه اوجاسـي


المحاوره بأكلمها رائع لا هنتوا جميع


يعطيكم ألف عافيه

[نفحات حساسة]

يعطيكم العافيه جميع ولاهنتو
محاوره حماسيه رائعه
تسلمون..