لايشره الا لالفت له كتبنا

[نجم الإبداع]

الشاعر الي مايحب التفاعل =واليا كتبنا له شِرْه من كتبنا
يشوف نفسه غير والغير جاهل=قال البشر ماهيب تبلغ رتبنا
صابه غرور وصفقت له مشاعل=مسكين ماهو ممتلك منتخبنا
حوله بحور امواجها له مجاهل =ماطبها الي مايشاهد حسبنا
الي يجاملني وانا له اجامل= رد الجميل اوفى ولو مانسكبنا
الي يعذرب في الجياد الاصايل=ماهوب قايد بالوفى في عربنا
شعره بحوض العشق بين القبائل=وان جاه كلمة قال منها تعبنا
يقول نظمه من بديع الرسائل=يرسل عتاب ولايهمه عتبنا
مايرقد الا فوق سحر الهمائل=واحنا من الصحراء وفيها سغبنا
مايحسب الطرقي ولا ابن الحمائل=والحق ماعنده سوى من حطبنا
فيه انفصام ومايشد الرحايل=الا لعين سهومها من كربنا
من قال ونعم رد ونعم جمايل=ومن لايرد الرمي ماله عجبنا
الشعر فكر وسيف صلب النصائل=ماهو لعين خصوص يامنتسبنا
والشعر روح وزهر باهي الخمايل= والشعر للاصلاح حقق طلبنا
والشعر سلطانه على القول طائل=الحكمه والتاريخ وعلوم تبنا
والشاعر الي مايحب التفاعل=لايشره الا لالفت له كتبنا

[الطائر المهاجر]

صح لسانك
وجاد بنانك
ولا هان راسك
تحياتي

[منصور العبدالله]

صح لسانك يافلاح

وصدقت بما نثرت من ابداع

يانجم الابداع

[حوريه]

نجم الأبداع
الحمدالله على السلامه
صح لسانك واحساسك
رائعه وفي محلها
دمت ودام حرفك

[داعي الشوق]

يالله حي ابو محمد

و يالله حي الابداع و نجمة

و سلامة الاسفار

وصح لسانك مليوووووووون

شاعر كبير يا فلاح ومعروف

لي عودة للرد بما يليق

ولاهنت

[الطامي]

فلاح بن منشار
صح السانك ملايين
رائعة وهادفه
لاهنت

[عبير الورد]

اهلابعودتك والحمدلله ع السلامة

صح لسااااااااااااانك ملايين سلمت وسلم منطوقك الجزل
ربي يعطيك العافية

[نفحات حساسة]

الله الله

صح السسانك عدد..ولاهنت

والحمدالله على سلامتك..وهلا بك

وسلمت وسلم منطوقك..

تحيتي لك..

[حي الضمير]

ياهلا بعودة شاعرنا الكبير فلاح ورؤية قصايده من جديد

وصح لساااانك يانجم
ابدعت يامتمكن

[منيع]

اكثر من رائعه
وترى الابيات قديمة يااخوان 2009
تحياتي