ياللي تنادي بحكومات ديمقراطيه

[الطائر المهاجر]

ياللي تنادي بحكومات ديمقراطيه= ماكل شعب تناسب له مباديها
وشعب العرب اغلبه في شبه محميه= من الجهل والثقافه ما وعى فيها
واغلبه محكوم باحكامٍ قبليه = تاخذ بشرع الولي فيما يعنيها
يحتاج حاكم قوي القلب شخصيه= يحكمه بالعدل عين الله يراعيها
ومن خالف الدرب فالأحكام شرعيه= ولا اهتم في شرق او غرب بتداعيها
حكم المساواة ماهو حكم واويه = يستثني اللي يبي يومٍ يجازيها
قانون ربي ولا قانون وضعيه = امر بعدل وتساوي في مناحيها
بدين وسط لا تطرف في نواحيه= وعادات واعراف لايمكن نخليها
ومن سيس الدين لاجل اشيا ماديه= ولخدمة الخارجي لوعود يبغيها
مثله مثل من يخابر خابث النيه = يبغى التدخل بداره من اعاديها
فهذا الخيانه بدمه لعنبو حيه = يقبره حي ولا يخشى تواليها
شغله بصمت فلا إعلام مرئيه = ولا جيب له طاري بحضر وبواديها
داره بعلم وصناعه دوم مبنيه = ويعد جيشٍ قوي دوم يحميها
ورجال احرار من قوات امنيه = تنشر امان وهدوءٍ في نواحيها
واية فسادٍ يحارب بالنداويه = من كل شهم يكلف في تحريها
تتقدم الدار ماتخشى المعاديه = والشعب ينعم برفاهٍ في اراضيها

[خالد محمود الفردي]

صح لسانك أبو عبد الله
والله إنك شاعر جزل ومابعدك زود

حقيقة روعة فقد أمتزجت أشعارك كلها بالإتقان والواقعية

لله هذا الدر ..

[منيع]

ياسلام عليك والله انك صادق
شكرا لك ولحرفك المميز
تحياتي

[بنت النور]

يحتـاج حاكـم قـوي القلـب شخصـيـه
يحكـمـه بالـعـدل عـيـن الله يراعيـهـا
ومن خالف الدرب فالأحكـام شرعيـه
ولا اهتم في شرق او غرب بتداعيها
حكـم المسـاواة مـاهـو حـكـم واويــه
يستثـنـي الـلـي يـبـي يــومٍ يجازيـهـا


صح لسانك يا شاعرالفطاحله

اجزلت و ابدعت

و صح كلك لاهنت
تحياتي لـ سموك

[الراقي]

أرويت القلب والفكر بهذه المصأأأأأفحة
صح بوحك حتى ترضي يا جزل الحضور

[حرف وشعر]

نص وكالمعتاد عانق السماء بجزالة ،،

يسلم رأسك يالذيب

[داعي الشوق]

صح لساانك و طاب حالك و فالك

شاعر و سياسي و دكتور

دمت بخير ولاهنت

[احمد الكثيري]

سلمت وصح لسانك مليون في مليون شاعرنا الرائع
لك تقديري

[الطائر المهاجر]

شكرا خالد
على كريم المتابعه
لاهنت
تحياتي

[حي الضمير]

صح لسانك وفكرك ياعلم
نص رائع وجزل لا عدمناك
يابوعبدالله