لا نهــــــجّت

[عبدالعزيز البليهد]

ياسحاب القلب غيثه يـوم جيـت=من زعلت الناس عندي ما اقّعدت
انوجد للحب معنـى مـن لفيـت=وبان طعم الدمع بالعين وصفـت
مايلوم اللـي مجـرب لاحكيـت=ولايلام اللـي سواتـي لوسكـت
مثل غيري مهو انا اللي به شقيت=الله ابخص فـي قلـوبٍ ماشكـت
لو كتبت من القصايد الـف بيـت=بكل بحـر وكـل قـافٍ ماكفـت
ياغلاك الله يبيحـك حـي ميـت=لو قتلـت ابخافقـي دنيـا حيـت
ياذهاب الحال عادت يـوم جيـت=ولا نهجت الروح ياتقـل انهجـت
لو سليت الهـم لحظـه مانسيـت=ولو غصبت النفس تنسى الهم ابت
انت لحظه بالعمـر فيهـا وفيـت=والمشاعر يوم تخلق بـي وفـت
ياهواء الانفاس ياحبـرٍ جريـت=في عروقي والعيون ليـا حكـت
قـل معـي يالله ألا يـارب ليـت=ما نتفارق لـو حناجرنـا نتقـت

[داعي الشوق]

صح لسانك يالشاعر عبدالعزيز

ابداع يتجدد معك دائما

صح لسانك مدد

قاف رائع بالحيل

تقديري لك و احترامي

********

[حوريه]

قصيدة رائعة بأبياتها 000 متميزة بمعانيها

صح قلبك يا عبدالعزيز وداام احساااس
.......

[نافع بن محمد البويت]

متميز بوحك دائما ياعبدالعزيز
لاهنت ولاهان راسك وفكرك
لك مني التجية

[عبدالرحمن بن زهير]

صح لسانك ياعبدالعزيز نزف واحساس وجزاله ابداع يالغالي وعساك على القوه

[منيع]

اكثر من رائعه
بارك الله فيكم
تحياتي وتقديري

[حي الضمير]

صح لسانك ياعبدالعزيز
واعتلا شانك
قصيده جميله بجمال حضورك البهي
لا خلا ولا عدم

[بنت العز]

صح لسانك وعلا شانك
يعطيك العافيه
لاهنت

[أم ريما]

صـــــــــــــح لسانك


قصيده اكثر من رائعه


يعطيك الف عافيه ولاهنت

[نفحات حساسة]

صح السانك ونبض قلبك

قصيده رائعه

يعطيك الف عافيه..وسلمت

تحيتي لك..