يا محلا بيت الشعر بالفقارة؟؟

[ضاامية الود]

اخواني واخواتي

السلام عليكم ورحمة الله وبركاته

هذان البيتان جني من الاخ الشاعر محمد العمري

بسبب اني كنت مسافره

وهو يفكر انها سفرة تجاره

وقال ؟؟؟

وين أنت ياللي مشغلتك التجارة=حنا حروف القافية مشغلتنا
والا أنت طايح في بحور الحضارة=والبادية يا صاحبي عذبتنا

وقلت

يامرحبه بالحرف جاني ادرارة=حرف جزيل(ن)والمعاني اطربتنا
ترى البداوه هي الحلا ونضارة=ولا الحضاره ابحورها خسرتنا
ياماحلا بيت الشعر بالفقارة=ومشرعن لضيوفنا يوم جتنا
وتلفي علي فنجال زايد ابهارة=ونجرن توالي اليل صوته نعتنا
وقدامه الريضان تلعج ازهارة=ريح الخزاما والنفل عطرتنا
متخالطن ديدحانها وشقارة=وسحبن تراكم بالفلا صردتنا
ونياق وضحن مابهن من غتارة=يالجلجت حيرانهن وانستنا
لاقال ولايقيل ولاقال غارة=جتنا من الي بالحضن ورهبتنا
ولاّ زمان اليوم شفنا دمارة=كل ما سمعنا اخبارها روعتنا
يامحمدالعمري عس موخسارة=بحروف شعرا من صميمك لفتنا
احروفنا هي يا زميلي تجارة=وتبقالنا بدنيا الزمن وان فنتنا

[عدنان كريزم]

صح لسانك ولسان الشاعر



لا هنتي

[زهرة اللوتس]

الشاعرة ضامية الود
صح لسانك
ولسان الشاعرالعمري
لاهنتي
تحية طيبة

[الطائر المهاجر]

سلمتي
وصح لسانك وفكرك
ولاهان راسك
تحياتي

[داعي الشوق]

صح لسانك يالشاعرة ضامية الود

شاعرة قادمه و بقوة

و صح لسانك الشاعر العمري

معاني جميلة

تقديري لك

،،،،،،،،،،،،

[مشعل السلمان]

الله الله

صح لسانك ولسان شاعرنا
وفعلاً ليس هناك اجمل من
هذه المناظر الرائعه
فائق الود والتقدير

[عمر ال شيبي]

رد وافي وكافي

صح لسان محمد العمري

وصح لسانك يا زينة التجاره

رد جميل من شاعره جميله

[صعبة المنال]

جمال الحرف يلجم الكلمات

صح لسااانك

صعوووووووب

[حي الضمير]

صح لسانك ياضاميه
قصيده جزلة ورد طيب بارك الله فيك
أجزل التحايا والاحترام

[سعود العضياني]

بيض الله وجهك ووجه الشاعر محمد

وصح الله السنتكم ولاهنتم

دمتم بود