نار الهجر والخطايا

[محمد بن عمار]

السلام عليكم ...
الخطايا والصبايا
وجهين لعملة واحدة .!
من وجهة نظر واحدة .!
معكم جديدنا مع الهجر له ألف
حكاية و حكاية ،، تفضلوا . ممكن

نار الهجر والخطايا

حالي اللي إنكوى بنار الهجر والخطايا = كن قلبي يقلبّ فوق حامي الصفيح
أشكي لواحد ٍ ،، معبود ، جزل العطايا = و أسهر الليل و المجمول نومه مريح
راعي الطرف الأكحل فيه سهم المنايا = مكرمه ،، يوم قلبه ، بالعطايا شحيح
دار فكري ،، ونوّخ ، هاجسي للمطايا = وعشت ذكراه ممشوق القوم المليح
صاحبي مالك ٍالحسن ، بأعلى المزايا = كامل ٍ في وصوفه ،، مايبي له مديح
صبّت الشمس نور ٍفي الثغر والثنايا = والشعاع إنصهر من فوق خده يسيح
حمرة الورد في الوجنة بلون الشفايا = والشعرمن على الامتان يسبح سبيح
كلما اشرّ ، بعينه مرخي ٍ ، الغطايا = جض قلبي ، ولولا العيب والله لااصيح
صارحبّه ،، بدمي ، مختلط بالخلايا = حرّم الدم ،، ربي كيف هو ، مستبيح
لويطاوعني المملوح ،، زين الحلايا = يحفظ السرّ ،، وقلبه ،، بالغلا مايبيح
لا يقلبّ مواجع ،، طعنته في حشايا = راعي الغيّ ..! يقنع بالذي له ، يتيح
كان أنا اكتب تنازل له عليّ بوصايا = في حياتي وإلا منّي ، دخلت الضريح

مودتي لشموخكم الراقي
15 / 1 / 1432 هـ
محمد بن عمار

[العصفور]

شكرا لإمتاعنا بإبداعك
لاهنت
تحياتي

[حوريه]

محمد بن عمااار
قصيدة رائعة المعاني
نثر حروفها لنا قلمك الراقي
صح لسانك ..
ودام احساسك ..

[داعي الشوق]

كلمـا اشـرّ ، بعينـه مرخـي ٍ ، الغطـايـا
،،،،،،،،،،،،،، جض قلبي ، ولولا العيب والله لااصيح

**************

صح لسااااااانك مليار يا بن عمار

و الله يعينك يالشاعر الجريح

و لاهنت يا مبدع

**************

[بحر الجنوب]

صح لسانك ولا هنت قصيده رائعــه

[بيدي رسنها]

صح لسانك مليون ومايسدون .. وسلم عمرك وحرفك .. ولا هنت شاعرنا .. تحياتي .

[منيع]

كل الروعة والابداع
تسلم ياابن عمار
تحياتي

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[عبدالإله]

جزالة مع هذا المد الفائق الوصف

ولاعدمناك

@@@@@@@@@

[عطر الياسمين]

جزلة من راس جزل

صح لسانك ولا هنت