لو تطلب القيفان دون نقاطي

[فواز الغسلان]

لاهـاض جاشي ماتـعـوق حروفه=لـو تـطـلـب الـقــيــفــان دون نـقـاطي
لافـاض نـبــعــه مـايـريـــد بـروفــه=مـثـــل الــورود بـريـشـة الـخــطـاطي
لا شفت من يـنـفش علينا صوفه=وامسى يـحـوس هـروجـنـا ويطـاطي
الـصـدر يـبـرم بـالـقـصـيـد بـلوفه=وتـاتــيــه كاش ولا تـجـــيـــه اقـسـاطي
ونـرسـل نـوادر قـافــنــا بـزروفــه=كـنــه كــلاش وفـيـه خـمس امشاطي
واليا سمـع بالـنـاس صـفـق كفوفه=واهـتــاش يـنـــثــرها ثـمـــان انـمـــاطي
عـنـد الفـهـيـم حروفـها مكـشوفه=وتـلـقـى لـهـا عـنـد الـهـبـيـل غـلاطي
هو راس مالي لاقـضـى مـصروفه=يـطـفـي لهيب الخـافـق الـمـشـتـاطي
ميراث شيخ(ن)ساق لي معروفه=لـه فـي ديـاويـن الـجـبـل مـقـلاطي
قـافــه وهـجـران الـغــلا وظـروفه=مع لاهب(ن)وسـط الضماير ساطي
تودع حروفـي طلـقة(ن)مقـذوفه=جـمـره يـشادي لـسـعـة الـمخـبـاطي
ثارت من اللي ماحصل لي شوفه=وعذره عن صدوف الزمن يحـتـاطي
ياويل حـالـي من صـغـير خشوفه=اللي رمـوشه تـقـل ضـرب اسواطي
من شـفـتـهـا تشـكـي كـبير ردوفه=والـعــقـل طــار وطـــاح بـالـخــلاطي
واصـبــح يـعــانــي باللـيـالي خوفه=من جور جرح(ن)صار ماينـخـاطي
باللـيـل تـسـري للخـفـوق طيوفه=وتـصـبـح سبـايـب عـلـتي واحـبـاطي
عين اشقر(ن)محدن يجيد وصوفه=كـفـــه لـمــعـلـوق الـحـشـى مــعـاطي
لا هــد يـمـزر للـحـبـــاري جــوفه=لـو كـان خـرب الـصـيـد مايـنـهـاطي
او عين ريم(ن)داعج(ن)غـطـروفه=تـرعـى الرفـاع وتـكــره الـمـهـبـاطي
في روضة(ن)مـع طـيـبها مصيوفه=جـتـها الـسحـايب قبل بـرد شباطي
مـنـقـع غديرن فـيـضـتـه مـذروفه=مـاحـركـه طـفــل(ن)جدع مــزقــاطي
تـخـاف صـيـاد الـمـهــا وحـتــوفه=من فـوق جـيـب(ن)ماعلـيـه قشاطي
جيب(ن)جديد ولا يهاب جروفه=واللي يـسـوقـه فـوق بـنـصــه واطي
له بـنـدق(ن)فـي زيـتــهـا ملـفـوفه=جـمـره لـمـعـلـوق الـحـشـى لـعــاطي
روحـي لشوف عـيـونـهـا ملـهـوفه=والشوق يقدح بالـحـشـى شـخـاطـي
دايـم تـسـوق اعـذارهـا مكسوفه=وبالـبـيـت نـاس(ن)تشبه الـضـباطي
وانـا كـسـيـر(ن)ركـبـتـه مشنـوفه=ودون العرب حـروة ثـمـان اشواطي
ذكـراه تـرجــف بالـخـفـوق رفوفه=وتـشـفــط وريــد الـجوف بالشفاطي
والـدرب والـلـه ماعـليه حسـوفه=لــو تـنـتــحــي جـازان والا الـغـاطـي
كـان العشير اعطى العهد وحلوفه=عـن سـاعـة(ن)يـقـطــاه عـنـا قاطـي
والا حـيـاتـي زهـرة(ن)مـقـطوفه=من عـقـب مـاهـي يـانـع(ن)بـالـشاطي

[عدنان كريزم]

الصدر يبرم بالقصيد بلوفه
وتاتيه كاش ولا تجيه اقساطي


الله الله يا فواز


صح لسانك يالذيب


ولا هنت على الجزله

[ماجد الزيد]

صح الله لسانك يالغسلان ابدعت كعادتك

[عبدالله راشد الثويني]

صح لسانك شاعر مُبدع لطالما أتحفنا بروائعه
كل الشكر أستاذي فواز على هذه الأبيات الجزله
طامعين با الجديد ، تقبل وُدي

[عذب القوافي]

فواز الغسلان

صح لسانك

نص وافي لله درك

تقديري,,,,,,

[حوريه]

شاعرنا القدير .. فزواااااز

نص رائع وحظور عذب

استمتعت بوجودي هنا

صح لسانك ودام حرفك الجميل

دمت بخير وعافية

[الخنساء]

صح لسانك اخى الشاعر فواز

لاهان راسك قصيدة رائعة

سلمت وسلم شعرك

دمت بخير

[الـزلـزال]

فواز الغسلان


أبداع يتلوه أبداع

عاداتك غالينا

مدرسه شعريه متجدده دائمآ

صح لسانك ملايين ملايين

تقبل فائق تحياتي وتقديري

[مبروك بن ماضي]

الاخ الفاضل الشاعر والراوي / بن غسلان
لازال اعجابي بشعرك وإبداعك
يزداد يوما بعد يوم
حضرت لأنال شرف التوقيع تحت هذه الباسقه
صح لسانك وسلمت يمينك
تقبل تحياتي واحترامي ،

[مروان الشيخ]

بصراحة

عندما اجد اسم فواز ادخل وبسرعة ودون تردد

وأقرأ القصيدة كاملة لمرة واحدة واشعر بعدها بأني متخم بالشعر الحقيقي


لله درك