عهد على قلبي ولو باح سده(بالصوت)

[الطائر المهاجر]

عهدٍ على قلبي ولو باح سدّه = يخفيك في نبضه بعيـدٍ عن الناس
حتى ولو جازيت حبّي بضدّه = أرجي من الله رجعتك عذب الانفاس
في منهج الاسلام ما فيه ردّه = وحبي على الإسلام منهج ومقياس
درب الردى ماجيت في يوم حدّه = وضح النقا دربي ولادست الادناس
والحب للانسان ما هـو بيـدّه = يا ما يذل رجال مرفوعي الراس
ومن لا عرف طعمه ولا حس فقده= لو كان جسمه حي معدوم الاحساس
واللي يحب اثنين خاين لعهده = يخدع لنفسه للكذب دوم لبّاس
ومن لا تنقّى مهرته ضاع جهده = ما ينفعه يا ليت فالعرق دسّاس
وأنا بكل العمر حبيت وحده = ظبيٍّ اصيلٍ من عروقٍ لها ساس
لا بان نور الشمس يعكس بخدّه = بدرٍ تجلّى واشرق الكون بالماس
عمّ الخليج وما توقف بجدّه = غطّى على بيروت وانحى على فاس
توّه صغير السن ياغضّ نهده = تفّاح لبناني على غصن ميّاس
سحر العيون الناعسه من يصدّه = صوّب فؤادي واشعل الفكر هوجاس
القلب له وحده الى يوم لحده = ويمكن بعد بعثه مع الحور يحتاس
ولو ما لقاه وجنة الخلد قصده= يرجي من الله ما يعود بالافلاس
ما يحتمل هجره ويتركه وحده = يقضي بقايا العمر بالحزن والياس
قلبٍ شرى قربك علامك تردّه = يكفيك بعدك ما اهتنى الليل بنعاس
لاصار حبك كالعسل لاتضدّه = خذ ما تيسر كل شئ له قياس
وان كان باقي له بقلبك مودّه = ارجع لقلبي بالمعزه على الراس

[الأموره]

الله الله ،،

صح لسانك ملايين يالمهاجر ،،

سلمت و سلم بوحك ،،

الف شكر لك ،،

دمت برعاية الخالق ،،

[الطائر المهاجر]

هذا نظم وليس بوح
فالبوج ان تكون القصيدة خارجة من قلب نتيجة موقف معين
فتفرض نفسها على الشاعر ، اما النظم فهو ان يكيل الشاعر
للقارئ ما يعرف ان القارئ يرغبه
شكرا لك
تحياتي

[مبروك بن ماضي]

الطائر المهاجر :
استاذي النبيل ابا عبدالله
لا املك امام هذا النظم الملي بالأحاسيس
غير الوقوف والتامل والاستفادة من حضوري
دمت رمزاً من رموز الإبداااااااع
ودام مدادك العذب
تفضل سيدي بقبول تحياتي
واسمى اعتباري
أخوكم / بن ماضي

[حمد الدليهي]

خذ ما تيسر كل شـئ لـه قيـاس

ابوعبدالله

صح لسانك,,
دائماً متألق ..

ودي

[عبدالرحمن الصباح]

ومن لاتنقهى مهرته ضاع جهده====== ماينفعه ياليت فالعرق دساس
صح السانك ملاين ولاتكفي رائعه من الروائع اسجل اعجابي وتقديري استاذي الغالي

[ابومياس]

لا بان نور الشمس يعكـس بخـدّه
00000000000بدرٍ تجلّى واشرق الكون بالمـاس

ابو عبدالله

مروري استمتاع

والشهادة مجروحة

صح لسانك ودام راسك يالذيب

دمت بخير

[سعود المحجان]

الله علييييييييييييييييييك وش تبيني اقول يا دكتور


صوووووووت وادااااااااااااااااااااااااااء وجزاله وابدااااااااااااع فالله درك

صـــــــــــــــــــح السانك


تقبل ارق التحايا

[الطامي]

الطائر
الدكتور
ذبحتنا بابياتك العذبه
<<<<<<<<<<<<<<<<<
عهدٍ على قلبي ولـو بـاح سـدّه
يخفيك في نبضه بعيدٍ عن النـاس
<<<<<<<<<<<<<<<<<<<
والحب للانسـان مـا هـو بيـدّه
يا ما يذل رجال مرفوعـي الـراس
>>>>>>>>>>>>>>>>>>>
وان كان باقي لـه بقلبـك مـودّه
ارجع لقلبي بالمعزه علـى الـراس
++++++++++++++++++++++++
صح السانك
وسلم بنانك
انا اخذت مقتطفات منها ،، وفي نظري انها كاملة بمعانيها فكيف بالقصيد كلها .
الله عليك يادكتور

[شوقي العامري]

الطائر المهاجر

تسلم على هذه القصيده الجميله

ولك اعذب تحية