ياكود ودي

[ابو أنس]

هذا النص يشابه في مطلعه نص جميل جدا للأخ الشاعر ناصر القزلان يقول في مطلعه(ودي ولكن كيف تحقيق ودي)الا ان مطلع هذا النص ومقدمته سابق لسماعي لقصيدة الأخ ناصر أو قراءتها.
وقد ترددت كثيرا في استكماله ومن ثم إنزاله هنا
الا أن ثقتي في جميل ذائقتكم وحرصي على سماع آرائكم أغرياني بطرحه هنا
فلكم مني الود ولي منكم الإشادة أوالنقد

ودي اوودي بس ياكود ودي=حيث ان ودي فوق ظني والاحلام
وانا اعرف اني قد تجاوزت حدي=بس الأماني ما لها قيد وخطام
أمشي وتمشي كل الاحداث ضدي=والى فرحت بشي جا له تِهدّام
مما بقلبي خفت ابيِّح بسدي=واخاف لامني تهرّجت لوام
ليت المشاعر تركد وتجرهدي=والا لنا فيها تصاريف واحكام
حتى نقديها طريق متقدي=مانطرد المقفي ولا نتبع اوهام
قلب العنا ظني به اليوم ردي=وانا احسب انه تاب من حبه العام
امسي وكفي ساند(ن)سطح خدي=والناس نامو بس انا ازريت لاانام
وجدي عليها مثل من قال وجدي=على صناه اللي رحل وابعد ودام
أو وجد من يرعى حلاله يردي=والناس حوله بين بايع وسوّام
ساكت وديّانه جهز مستعدي=ياخذ شقا عمره وهو فيه خدام
يانفس مما بي ترا قلت ودي=وانا اعرف ان الود محكوم باعدام
وياقلب ليتك عن طموحك تصدّي=اترك حلوم(ن)ماغزت روس نيّام

أبوأنس

[حوريه]

قصيدة تفيض بالشفافيه 00

وتتبخر عـذوبـه00


وترتقي بأحساس جميل

ابو أنس00 أنت شاعر من شعور

مختلف هو الوقوف على مشارف ما تشيده حروفك


صح قلبك وداااام حرفك

0

0

[عبدالعزيز البليهد]

ماعلى الله كايد ربي يحقق مرادك ويسعدك

صح لسانك واعتلا شانك

ابيات جميله معنى وقافيه

[عذب القوافي]

أبو انس

صح لسانك وجاد بيانك

نص وافي من وافي لله درك على هذه الوافيه

وقصيدة الشاعر ناصر القزلان قصيده شهيره

تقديري ,,,,,,,

[زهرة اللوتس]

صح لسانك واعتلى شأنك
نص رائع من شاعر رائع
لاهنت
تقديري
واحترامي

[نجم الإبداع]

ارحب يابو انس

وصح لسانك على المصافحه الجزله

لاهنت شاعرنا

لاهنت

تقبل مروري

وتقديري

[الطائر المهاجر]

قليبك لايزال اخضر
ما ينشره عليك توك شباب
صح لسانك ولاهان راسك
تحياتي

[عبدالرحمن بن زهير]

ابو انس ما شاء الله عليك صح الله لسانك على هذه الجزال والتمكن الشعري الكبير يالقرم...تحياتي

[الطامي]

ابو انس
مجاراة طيبة جدا
صح السانك ملايين
الله يجيب ماودك وأحلامك
رعة لافض فوك اخي
شكرا لك

[منيع]

مبدع ورائع ياابوانس
بارك الله فيكم
تحياتي لكم