شهر الصيام أقبل ولازلت صايم(بالصوت)

[الطائر المهاجر]

شهر الصيام اقبل ولا زلت صايم = عن حب غيرك من سنينٍ طويله
مدري متى الافطار فالجو غايم = سحابته سوداء علينا ظليله
لا ريح فرقها ولابه نسايم = ولا برق يوحي باقتراب المخيله
والارض عطشى والشجر مات قايم = وحتى عروق القلب يبسن محيله
ونا انتظر في بردها والسمايم = مثل الذي ضيّع بصحرا خليله
ضاعت سنين العمر حزن وغمايم = وانتي مع الايام شمسك بخيله
يا صايمه عني ترى الصوم دايم = ماهوب جايز في الشرع بالدليله
ان كان مخطي فاكشفي للتهايم = وان كان لك حقٍ عليّه اشيله
وان كان حكي واصلك من صتايم = هرج القفى خليّه لا تسمعي له
ماهوب حق اظلم بفعل النمايم = ولا هوب حق الحب يحرق فتيله
متى يجي عيدي ترى القلب هايم= وافرح بشوفك لو لمده قليله

ابو عبدالله

صح لسانك ملياااااااااااااااااااااار

قصيده رائعه جزله من راس جزل

ابداع وامتاع

تقبل اعجابي وتقبل خالص التقدير

[سناعيس]

ضاعت سنين العمر حزن وغمايم 0 0 0 وانتي مع الايام شمسـك بخيلـه

الطائر المهاجر

صح لسانك على هذه الرائعه
وكل بيت منها معبر الا أن
هذا البيت درامي بحت
لابد أنك عشت جو غير طبيعي عند كتابتها
لاهان راسك يابعدي

تحياتي
تحياتي

[منيع]

على طاري الصوم للامير الشاعر/ محمد الاحمد السديري
بيت يقول فيه

اصوم وودع خيالك وذكراك=وافطر وكنك ياحبيبي قبالي

-------------
الاخ المشرف العام

شهر الصيام اقبل ولا زلت صايـم=عن حب غيرك من سنينٍ طويلـه

لولم تقل الا هذا البيت فهوى قصيدة كاملة بكل معاني البلاغة
به ايجاز وسمونفس في غاية الابداع
تحياتي وتقديري

[ضاامية الود]

ابو عبدالله

يا سلام عليك ياشاعرنا

صح الله لسانك وفكرك على

القصيده رائعه جزله من راس جزل

تحياتي لك

[الآكيد]

يا صايمه عني ترى الصوم دايـم
ماهوب جايز في الشرع بالدليلـه


شاعرنا القدير عثمان العبدالله


توضيف الابيات بالصوره الصحيحه حقيقه لايجوز الصوم دهر كامل

هنا اقر لشاعرنا على ذالك اذاً هو لايقبل الجفاء من خليله بكل تاكيد ووضع البيت

دلاله على ذالك الشي يعني هذا الشي لايجووووووووز

[عبدالله الشويمان]

شهر الصيام اقبل ولا زلت صايـم=عن حب غيرك من سنينٍ طويلـه
مدري متى الافطار فالجـو غايـم=سحابته سـوداء علينـا ظليلـه

الله الله يا ابو عبدالله على هذا المطلع

صح السانك..صح السانك ملايين

الطائر المهاجر..

قصيدة توحي بالعيد لقارئها

جعل الله أيامك عيداً

ممطرة كلماتك بالجمال

دمت طيباَ

تحياتي

[blink]
شهر الصيام اقبل ولا زلت صايـم

،،،،،،،،،،،،عن حب غيرك من سنينٍ طويلـه [/blink]

لله عليك يالمشرف

هنا بلاغه في الوصف

عندما نستوحي من شاعرنا إستغلال الواقع ليشقر منه الخيال

صحيح نحن مقبلون على شهر فضيل ولكن الخيال البليغ ،،

عند المخاطبه

حيث رمضان شهر بالسنه وشاعرنا عده سنين متواصله صائم عن أي

حب غير حبه لحبيبته

ــــــــــــــــــــــ

صح كلكككككككككككككككك


أختك

المشاركة الأصلية كتبت بواسطة المشرف العام

شهر الصيام اقبل ولا زلت صايم = عن حب غيرك من سنينٍ طويله
مدري متى الافطار فالجو غايم = سحابته سوداء علينا ظليله
لا ريح فرقها ولابه نسايم = ولا برق يوحي باقتراب المخيله
والارض عطشى والشجر مات قايم = وحتى عروق القلب يبسن محيله
ونا انتظر في بردها والسمايم = مثل الذي ضيّع بصحرا خليله
ضاعت سنين العمر حزن وغمايم = وانتي مع الايام شمسك بخيله
يا صايمه عني ترى الصوم دايم = ماهوب جايز في الشرع بالدليله
ان كان مخطي فاكشفي للتهايم = وان كان لك حقٍ عليّه اشيله
وان كان حكي واصلك من صتايم = هرج القفى خليّه لا تسمعي له
ماهوب حق اظلم بفعل النمايم = ولا هوب حق الحب يحرق فتيله
متى يجي عيدي ترى القلب هايم= وافرح بشوفك لو لمده قليله

صح لسانك

يالمشرف


جزله

تقديري