كن ماغيرك مره

[يوسف بن صالح]

السلام عليكم

اعذروا غيابي لظروف الحياة

ما احب المستحيل وما طلبتك مستحيل=وما ابي شيءٍ يغثك كان مثقال اشعره
ما طلبتك غير قلبك ما يحيد وما يميل= اتجاهاته لصوبي رسم خط المسطره
والله اني من فراقك كن روحي في مسيل=كن موتي قد سرابي لين حد المقبره
اذكرك يومك تقولي ياعسى عمرك طويل=وما دريتي كيف عمري في غيابك مقصره
يوم حسيتك بلحظه اقرب لنجمة سهيل=اشكي ذراعي قصيره بس عيني مبصره
يابعد روحي وربي انك الحلم الجميل=وانك بعتمة حياتي مثل ليلة مقمره
ايه ابيك وايه ابيك وما ابي غيرك بديل=باختصار الوضع يعني كن ماغيرك مره
قبل لا انسى ودي اسأل تعرفين المستحيل؟=اني ارضى شي يغثك كان مثقال اشعره

وسلامتكم

[ابو أنس]

الفاضل يوسف بن صالح
نص جميل واسلوب يحاكي اسلوب الشاعر حامد زيد
فيه ل>ة وجمال وتفوق
تحيتي وودي

[عبدالله الدخيل]

يوسف بن صالح
(راعيها) شاعر

صح لسانك وبيض الله وجهك قصيده جزله من جزل
واقبل
ودي واحترامي

[صعبة المنال]

ايه ابيك وايه ابيك وما ابي غيرك بديـلباختصار الوضع يعني كن ماغيرك مـره
قبل لا انسى ودي اسأل تعرفين المستحيل؟اني ارضى شي يغثك كان مثقال اشعـره


الله الله الله
صح فكرك ونبضك

رووعة

[داعي الشوق]

صح لساااااااانكـ مليووووووووووون

ولاهنت يالشاعر

والحمدلله على السلامه

********

[الطامي]

راعيها
صح السانك ملايين
رائعة جدا
لاهنت اخي

[كظيم]

يوسف صالح
الله عليك
سلمت وصح لسانك وقلبك
نص ابداعي ورائــع
تقبل اعجابي ومروري المتواضع لاهنت
ودي وتقديري

[المحيط الهادي]

سلمت وسلم منطوقك الجزل

لاهنت على هالروعه اخوي

[حي الضمير]

صح لساااااااااااانك
قصيده رائعه وابدعت
سلمت يمناك

[منيع]

مااروع ماسطرت
شكرا لك ولحرفك المميز
تحياتي