بشر السارق بسرقه بعد حين

[الطائر المهاجر]

بشر السارق بسرقه بعد حين = وبشر النصاب تكشفه السنين
الحرامي لا سرق من بعد مده=جا له اقوى منه في سرقه فطين
ياخذ اللي معه لايمكن يجادل=كاشف اوراقه وسره والدفين
وكل نصاب بنصبه في تمادي= مايوفر باعدٍ او اقربين
وقتنا وقت به اصناف اللصوص = من فقير ومتخم ولا سمين
من سرق بيضه يسد الجوع مره=العقوبه يقطعوا يده اليمين
ومن سرق مليار مع مليار مثله=محد يقرب له ولا له من مدين
والطفل لا من بلع قرش صغير= الاشعه تكشفه من بعد حين
ومن بلع وزنه ذهب ماتكشفه= فالأشعه تفهم الوضع المهين
عالم غابه بها انواع الوحوش=القوي يفرس ضعيف ابلا معين
لاضمير او مبادي تحكمه= ولا يخاف الله رب العالمين
كل همه كيف يكسب لو حرام= لو يبيع الدين والخلق اجمعين
لين شفنا الناس عشر صار تاجر= والبقية بين اقساط ودين
كلهم مابين منبوذ وخادم = وبين متسلق معه "واو" متين
كل ما يحتاج عند السيد حاضر=لابسٍ للذل مرخي للجبين
لين ياصل مايبي يصبح مدير=يبتدي يسرق بلا بصمه تبين
بيز في يده وبيز تحت رجله= ولا احترق واحد يضحي به يقين
فرصته في السرق دامه بالاداره= عارف انه ينتهي من بعد حين
ودي القى من به خوف من الله= بالإداره من نزيهٍ او امين
ولو لقيته مرةٍ لو مستحيل= مهمشٍ تلقاه يشكي في انين

[منيع]

جزل ومبدع
شكرا لك
تحياتي

[عبدالله الشويمان]

الله الله صح لسانك يابو عبدالله

نص رائع معنى ومبنى

لا هنت لا هنت

[داعي الشوق]

صح لسانك وصح فكرك بوعبدالله

قصيدة جزله ومعبره عن واقع بعض الامور

الله يصلح الحال ان شالله

وصح لسانك يامبدع

[الطامي]

صح السانك
ولاهنت

[بنت النور]

صح لسانك يامبدع

[نجم الإبداع]

صح لسانك وجاد بيانك

والله يكفينا شر الحراميه

لاهنت

[روح الشعر]

صح لسانك

ليست غريبه الجزاله منك