سلام يا العزوه

[عبدالله الشويمان]

السلام عليكم ورحمة الله وبركاته..

احبتي هذه القصيده القيتها في اللقاء السنوي للعائله..

اتمنى ان تلاقي الاستحسان..

سلام يا العزوه سلام الله على طول الزمان=شيبان مع شبان والصبيه وما دون الصبا
يا زين والله جمعكم بالعيد من عقب رمضان=في كل عامٍ طيبين ويا عسى ابليس يهبا
والتهنئه بالعيد مني وقتها ذاليوم حان=للأسره رجال ونساء متزوجين وعزَّبا
والوصل واجب يا الربع راعيه ما سمي جبان=ترى الجبان اللي قطع حبل الوصال وخيبا
والوصل ما بين الاهل مكسب يشِّرف بالرهان=ولا يفترق غير النفوس اللي ملازمها شبا
وانتم بحول الله على نهج المحبه والحنان=وانتم من اللي للوصل قالوا هلا ويا مرحبا
الله يجمع شملكم يا عزوتي آل شويمان=والخير يملا قلوبكم ماهوب عنكم مجنبا
والله يقبل صومكم ويثيبكم دار الجنان=اللي وعد فيها عباده وافي بصدق النبا
والله يجعل جنة الفردوس للميت مكان=اللي توفى وطاعة الله في حياته له رُبا
ابيات عشره قلتهن والقلب معكم بطمنان=وما قل دل ويا هلا فيكم بجمعٍ يعجبا

عبدالله الشويمان-الرعد1432 هـ

[الطائر المهاجر]

وافيه من وافي لمن يستحق الوفاء
صح لسانك وفكرك
تحياتي

[بنت النور]

صح لسانك

يعطيك العافيه


تسلم لاهنت

[الـزلـزال]

عبدالله الشويمان

نص مميز ومتقن وجزل
من شاعر عودنا على أتقان حروف شعره وتميزها
أبدعت وأمتعت أبو بدر كالعادة وغير مستغرب ماقدمت
دمت بخير وداموا آل شويمان في تواصل وسعادة
صح لسانك ملايين ملايين
ولك فائق تحياتي وتقديري

[عبدالعزيز العمار]

وافيه من شاعر وافي لمن هم يستحقون الوفاء

صح لسانك يابوبدر ولاهنت

كل عام وانت بخير

[داعي الشوق]

صح لسانك يا بو بدر

قصيدة وافيه من شاعر وافي و في ربع وافين ،

و النعم بك و بالعزوة الطيبة

و عيدك مبارك

و لاهنت

[منيع]

ابيات اكثر من رائعة
تسلم اخي الكريم
وكل عام وانتم بخير
تحياتي لكم

[بنت النور]

صح لسانك واعتلى شأنك
رائعة من شاعر رائع
ومتجدد الإبداع
ودام ابداعك

[حوريه]

نص رائع وممميز
صح قلبك يا ابو بدر
ودام نبضك
ودمت بكل خير
0
0

[عمر ال شيبي]

ياسلام عليك
ابداع وتميز
وكل عام وانت طيب
تحياتي لكم