تبّت ايدينك وتبّت يديها

[ماجد الزيد]

المره تهوى بلا عقل وتعشق في جنون =وقلبها لاحبّ مرّه فذا هو , حبّها
ماهو بلازم جسدها معا غيرك يخون=الخيانة لو يمرّ الوهم في قلبها !
لا تحبّ وتتعبّ افكارك بسود الظّنون=ون نويت فحبّ طفله بيدينك ربّها
والرّجل يعشق ثلاثين ويمكن يكثرون=والوفى للي وفت / كلّها / أو كبّها
الحبايب عام الفين وعشرة .يكذبون=ياسرع ما حبّها , يا سرع ما سبّها
حبّ ابو زيد ٍوعليا مثل ريح الدّخون=كنّها عينه عن الرّيح رمشه ضبّها
يا محبّة طاهرة صادقة صدق العيون=او فخل الحبّ دمعة بقفر ٍ صبّها
أنت ياللي تشتكي لي من الحبّ ما تهون=أنت وش حبّيت إلا جحيم ٍ شبّها
قال حلوة مووت قلت البني من كلِّ لون=قال غنجا قلت عنّها بتلقى طبّها
قال آموت وقلت علّك تموت بلا سنون =تبّت ايدينك وتبّت يديها وتبّها
ما هقيت الحبّ سهم ٍ من ايدين المنون=لين قال انّ الهوى لاعب ٍ في عبّها
قلت هيه اسمع ترى جنّي شويّ ويجون=ماني بْربّاب حتّى القلوب اربّها
إن عشقت بصدق في ذا الزّمن . ماهو مجون=حـبّ قلبـك لا سلـم والدّمـوع وخبّـهـا
او فعش يومك هواوي وفالقبر بتهون =لا ضرب راسك بمرزبة ٍ يا هبّها
يا تحبّ حبّ آبو زيد ٍ لعلياء المصون=في شرف / وإلا شف ايّات بنت ٍ حبّها

[منيع]

ياسلام عليك
فلسفة محب في زمن لاحب
شكرا لك و لقافيتك المميزة د ائما
تحياتي

[حي الضمير]

صح لسانك يابوحمد شاعر متمكن والابهار والابداع اجدها دائمآ بقصائدك
وابدعت وعوايدك يامسخر القيفان
و بارك الله فيك وادام نبضك
مع أجزل التحايا والاحترام

[سالم محمد اليامي]

ماقصرت يالشاعر
صح لسانك
ولاهنت
حظر هنا
سالم اليامي

[الـزلـزال]

لا تحبّ وتتعـبّ افكـارك بسـود الظّنـون=ون نويـت فحـبّ طفلـه بيدينـك ربّـهـا
والرّجل يعشـق ثلاثيـن ويمكـن يكثـرون=والوفـى للـي وفـت / كلّهـا / أو كبّـهـا
الحبايـب عـام الفيـن وعشـرة .يكذبـون=ياسرع ما حبّهـا , يـا سـرع مـا سبّهـا

ماجد الزيد
دره من الدرر
شاهدنا في هذا المتصفح الراقي
حكت لنا واقع الحب عند الرجل والمرأه
كما شاهدنا فروقات الحب
وشاهدنا مساجله بين عقل ماجد وأحد مدعين الحب
وختمها شاعرنا بحب
لانعلم هل هو حب من الطراز القديم أم حب 2010
تطرز كل ذلك بالجزاله والأتقان والتميز
ليس بغريب على ماجد الزيد هذا الطرح وهذا الرقي في الحرف والمعنى
صح لسانك ملايين ملايين
ولك فائق تحياتي وتقديري

[عبير الورد]

صح لساااااانك
سلمت ولاهنت

[عمر ال شيبي]

الله عليك يا لماجد

لا هنت

قويه في الصميم
صح لسانك لا هنت

[سناعيس]

صح لسانك ياماجد
وبيض الله وجهك
ولاهنت


تحياتي

[وليدالبسطي]

ياسلام عليك

ياماجد

مبدع ومتمكن


وجزل


لاهنت

اخوك

وليدالبسطي

[عبدالله راشد الثويني]

صح لسانك شاعرنا الغالي / ماجد الزيد
أبدعت وامتعت ولا هي غريبه عليك يابعدي حضورك دائماً لا يــُمل
تسلم يمناك على ماخطت ولا عدمنا هالطلـّـه
تقبـّـل تحيتي