الخيالة مهيب سهلة يالربع

[فارس القوافي]

تشرفت في الشات الكتابي بمحاورة فريدة من نوعها مع شاعرتنا المبدعة والمتألقة خيالة الشعر
ونقلتها لكم كما هي

وكانت البداية لها

سلام لك ياشاعر ن يتقن القاف = ياللي قصيده مثل وبل الغمامي
يافارس القيفان يانسل الاشراف = لك التحيه وإلك منا سلامي

يامرحبا مليون من كل الاطراف = كلّي يرحبّ بك بكلّ احترامي
حيّاك ياللي شعرها مابه اجحاف = نفطر بطرقك بعد كنّا صيامي

جيتك بوصّل علم يحتاج ميقاف = وابي ترد العلم وسط الزحامي
انته تقول البنت في عقلها اخفاف = وابيك تثبت عندنا ذالكلامي

أي والله اني قلت ماني بخواف = قد قالها سيّد جميع الأانامي
ماقلت شي ّ ٍ مثل كاهن وعرّاف = قلت الحقيقه ما علينا ملامي

صحيح قول الحق والقول ماطاف = سمعت به مير ان قولك سهامي
تلوي ذراع البنت وتعوق الاوصاف = والشرح ناقص فوق شرحك لثامي

القول واضح كل شي ّ ٍ بينشاف = والشرح وافي ما عليّه كلامي
وان كان جمّعتي علي قوم واحلاف = ماني براضخ لو يزيد الخصامي

الله خلقني واعرف الصاد والقاف = عقلي رزين وبنت ناس ن كرامي
مادور الفزعه وابادلك الاقصاف = يلين تبصم لي قبيل الختامي

ابصم لك انك شاعره حدّ الاسراف = ماشفت مثلك لا جنوب ٍ وشامي
واظن عقلك راجح ٍ مابه خلاف = واظن وجهك مثل بدر التمامي

اشكرك لكن لا تراوغ وتنعاف = وابعد عن التلميح لي لا توامي
لا تعكس القبله على ديرة الطاف = والزم طريقك لا تجي كالحرامي

الدرب سالك مالنا عنه محراف = دق الحديد اليوم مادام حامي
بجيك من بابك وبآسجّل اهداف = لا بد من فايز عليكم لزامي

[عمر ال شيبي]

ورب الكون معركه حامية الوطيس

فعلا ما هيب هينه شاعرتنا

صحت الالسن
فارس = خياله

وننتظر مناظره اخرى

[عبير الورد]

لبى قلبك يالخياله

وعيني عليك باردة اخوي خالد

صحت السنتكم ولاهنتو يامبدعين

[سناعيس]

ماهو كثير على شاعره بحجم خيالة الشعر ولاهو كثير عليك الابداع ايضا ياخالد
الكل منكم صح لسانه مبدعين وجزلين
استمتعنا بهذه المحاوره الرائعه
تحياتي

[نفحات حساسة]

صح السانكم ولاهنتووو

رائعه ،، من شاعرين كبار

يعطيكم العافيه

[داعي الشوق]

الصراحه انها أقدت فيك و ما قصرت و تستاهل ما جاك ،،

و صح لسانك و لسانها

كلكم ما فيكم حيلة

******************

[الطامي]

صح السنتكم جميع
محاورة رائعة جدا
فتل ونقض عجيبين
شكرا للجميع
لاهنتو

[نجم الإبداع]

فارس ووووووووو الخياله

صحت السنتكم

مودتي

[منيع]

محاورة اكثر من رائعة
شكرا لكما
تحياتي

[خيالة الشعر]

صحت ابدانكم جميعا
كما تشرفت بمحاورتك اخي فارس واشكرك على القبول

لاعدمتكم