قصر الفطاحل بوسطه هاضت افراحي

[عبدالله الدخيل]

بسم الله الرحمن الرحيم

السلام عليكم ورحمة الله وبركاته

طبيت انا في بحور النت سبّاحي=وشفت العجايب بقاع البحر والساحه
شفت البشر يفرقون سلوم ومراحي=في كل هوج ٍ تفرعن قوة سلاحه
بعض العرب يحسب انّه ناضج وصاحي=واصل الحقيقه طفى بالعقل مصباحه
وبعض العرب يستهيش بوضع منزاحي=باسفل طوايف خمال العار مطراحه
وبعض العرب صندقه وبدون مفتاحي=تهوى الشلل في جحود الطيب صرّاحه
وبعض العرب مثله مثل خوط تفّاحي=إمسالم وشارد ٍ من حوض ذبّاحه
وبعض العرب فيه قلّ وزود مشحاحي=يبلش عقيده في كثر لفّ مذراحه
وبعض العرب من وقاره دوم نصّاحي=في مجلسه روضةٍ بالطيب فوّاحه
وبعض العرب ملتهين بزرع وافلاحي=منهم بضيقه ومنهم ناس مرتاحه
وانا خذاني بجال البحر مطراحي=يزهابه اللول والياقوت بوشاحه
قصر الفطاحل بوسطه هاضت افراحي=وافتر دالوب فكري فوق مقراحه
دار ٍ بها المسك ممسيّ ٍ وصبّاحي=عذب ٍ بمسراحه وْعذب ٍ بمرواحه
بأيدي عقول ٍ نهرها خالي املاحي=صفو ٍ زلاله ورهجه هدو ٍ مياحه
يالله دعيتك وانا ما خاب مشناحي=إعفاك من كل منقود ٍ ومشواحه
تمت وصلو على نبي الاصلاحي=تعداد ما سالت مْن المزن مطواحه

وسلامــتكم

أخوكم إبن دخيل

[الحربي عبدالله]

صح لسانك ويسلم راسك اخوي / عبدالله الدخيل
جزاله وابداع وتمكن
تحياتي لك ..

[الطائر المهاجر]

لاهنت
وفي ياالدخيل وهذا من طيب معدنك
وصح لسانك وقلبك
جزلة وقويه من شاعر مبدع
تحياتي

[الخنساء]

صح لسانك مليوووووون

قصيدة جزلة من شاعر متمكن

سلمت ودام حرفك

[عبدالله الدخيل]

المشاركة الأصلية كتبت بواسطة الحربي عبدالله

صح لسانك ويسلم راسك اخوي / عبدالله الدخيل
جزاله وابداع وتمكن
تحياتي لك ..

صح بدنك جعلك دوم سالم وغانم لاهنت

شهاده اعتز بها

واسلم

[عبدالله الدخيل]

المشاركة الأصلية كتبت بواسطة الطائر المهاجر

لاهنت
وفي ياالدخيل وهذا من طيب معدنك
وصح لسانك وقلبك
جزلة وقويه من شاعر مبدع
تحياتي

ولا انت يالامير

هذا طبعكم وحنا من ربعكم

صح بدنك وبيض الله وجهك

علها ان ترتقي لسمو ذائقتكم

[عبدالله الدخيل]

المشاركة الأصلية كتبت بواسطة الخنساء

صح لسانك مليوووووون

قصيدة جزلة من شاعر متمكن

سلمت ودام حرفك

صح بدنك يالخنساء لا هنتِ

جعلك دوم سالمه وغانمه

واسلمِ

[عبدالعزيز العمار]

عبدالله الدخيل

صح لسانك وجاد بيانك

وافي ياعبدالله وماعليك زود يابعدي

ويشرفنا وجود شاعر مثلك في قصر الفطاحله

تحياتي وتقديري

[عبير الورد]

صح لسااااااانك ملايين
سلمت وسلم منطوقك الجزل
ربي يعطيك العافية

[داعي الشوق]

صح لسااااااانك مليووووووون يا بن دخيل

شاعرنا المبدع و الرائع دائما

لله درررررررك على القصيدة الطيبة

و لاهنت يالشاعر

ما يمدح الطيبين الا الطيبين

و هذي بادره تسجل في لوحة الشرف الخاصة بالفطاحله

و تشكر عليها شاعرنا المميز

و صح لساانك مع تقديري لك و احترامي

**********