رد على قصيدة فلاح بن منشارالعصفور متواري

[عبدالله الشويمان]

السلام عليكم..

لقد كتب فلاح بالامس القصيدة التاليه..وبها يتألم من غيبة والده وكونه على فراش المرض..الله يشفيه ويقومه بالسلامهويرجع لبيته سالم غانم..
وهذا نصه..

كسى وجه الوجود الحزن واظلم بالنهار النـور=وغنى لي غراب البيـن والعصفـور متـواري
سكبت الدمع جمر وفي خفوقي يصطلـي تنـور=ومن بين الحنايا صاح جرحي واسـر ياسـاري
تذكرت السنين الي مضت قرب العيـون الحـور=ومن جور المصائب بين حزني تاهـت افكـاري
وجودي ياوجودي جد بجودك وانجـد المقهـور=وصور حرقتي بين الحروف وسلسـل اخبـاري
على شيخ المكارم راعي الصـولات والمخبـور=ليا من غاب زوله صار في دار العـرب طـاري
تردى من مرض مافـاد بـه طـبٍ ولا دكتـور=ولافـاد المعـادي بالعـلاج وشلـة انصـاري
على منشار جودي ياقوافي واكثـري بالضـور=وسوقي لوعتك بين الحروف ودمعـك الجـاري
نعم زيزوم له موقف وهو بين العـرب مشهـور=على طيب السجايا عاش يوم الغيـر محتـاري
ركب بحر المصاعب في حروب القدس مابه خور=عقيد القـوم لامـن طـاح مافـادن الاشـواري
لفقده بيننا غصه على الكرسـي ثـلاث شهـور=شريف القول والمذهـب مطيـع لربـه البـاري
طلبتك ياجليل الملك تجبـر خاطـري المكسـور=وتشفي شيخنـا مـن علتـه يـارب الاقـداري

-----------------
وعندما قرأت قصيدته لحت علي القريحه ان اكتب الابيات التاليه في حينه..اتمنى ان تصل الى مستوى الاعجاب.

سلام الله عليكم يا فلاح وجاركم من جور=وغنت لك بإيامك بلابلها وشعاري
انا خبري هجوسك وافي ومنه الدرر بوفور=إلى منك نخيته ما خذلك ابكل الاطواري
عسى الله يجمعك باحباب قلبك شيب ولا بزور=وتِسمعهُم لحونك والفرح بانفوسكم جاري
يابن منشار ما صابك من الله لك عليه إإجور=وحق الوالدين البر والخيِّر هو الشاري
وشيخك يا عسى ربي إله الحي والمقبور=يشافيه الله الشافي وهو مجيب الدعاء الباري
مع الاسباب كان الله نوى له خير شاف سرور=على يد من عطاه الوهبه إن دكتور او قاري
ويرجع سالمٍ غانم ويكمل ما بقى من دور=على عز ومعزه طاعته (لـ)الله بها ضاري
ومن يعمر حياته طيب ذكره دائما معمور=ولو تحت الثرى يدفن مع الاخيار له طاري
حفظك الله يابن منشار وشيخك والاهل والدور=وصدرك ما تجيه الضيقه ولا تشوف الامراري

عبدالله الشويمان-الرعد 14-2-1430

[فهد حنس العتيبي]

صحت السنتكم
ومشاعركم جميع
هذه من اروع نتاج الانترنت

الاخاء والتآلف
والمساجلات الحبيه وليست الهجائيه

[محمد عبدالله البدراني]

وافي يابو بدر دوما



وفلاح خوينا ويستاهل

الله يقوم والده بالسلامه


صح السانك وعلا شانك يالشويمان



تحيتي وتقديري

[سناعيس]

صوت وصدى لشاعرين نفتحر بهما كثيرا
وصح لسانك يابو بدر كفيت ووفيت يالغالي
والله يقوم والد الأخ الشاعر فلاح بن منشار بالسلامه

تحياتي

[داعي الشوق]

سلمت سلمت يالرعد

وصح لسانك مدد بلا عدد

و صح لسانك الشاعر فلاح

وافي يا بن شويمان وافي

و دعواتنا لوالد فلاح بالصحة والعافية

،،،،،،،،،،،،

[عالي مستواها]

صح لسا1111111111111111111نكم جميع



إبدعت وماقصر أبو بدر بهالرد الوافي


يعطيك الف عافيه


والله يشفيه ويتمم عليه الصحه والعافيه يارب


تسلمووووووون

[نجم الإبداع]

الله الله

الله


صح لسانك وقلبك الطاهر

وبيض الله وجهك يابو بدر

فقد اثلجت صدري بردك وباحساسك وبشعورك النبيل

فلك مني كل الحب والتقدير

اسال الله انلا يريك ومن تحب مكروه


لاهنت




تحياتي العطره

لسموك


لاعدمتك

[الـزلـزال]

وشيخك يا عسى ربي إله الحـي والمقبـور=يشافيه الله الشافي وهو مجيب الدعاء الباري
مع الاسباب كان الله نوى له خير شاف سرور=على يد من عطاه الوهبه إن دكتور او قـاري

عبدالله الشويمان


شاعرنا الرائع والراقي

أبدعت في ردك رعاك الله

وهذا دليل على قوة التكاتف والأخوه

بين نجوم الفطاحله



صح لسانك ملايين ملايين


ولك فائق تحياتي

[عبدالله راشد الثويني]

اساتذه نقف إحتراماً لنصوصكم الشامخه
صوت وصدى رائعين
تسلم اناملكم والله يعطيكم العافيه
دمتم كما أنتم

[سلطان العطاوي]

صح ألسنتكم
وبارك الله فيكم
واشفى المريض
وامد المتعافي بالصحه
تحيتي