اقبل الشهر يالله في صيامه تعين(بالصوت)

[الطائر المهاجر]

اقبل الشهر يالله في صيامه تعين = وتغفر ذنوب منهو طامعٍ في رضاك
ادري اني مثل من غاطسٍ وسط طين= في ذنوب كثيره امرها ماخفاك
وتدري اني ضميرٍ حي عيّا يلين = رغم كثر التحدي ما ترجى سواك
ما اتاجر ولا ني من تستر بدين= كود يكسب وجاه وجاه لوهو عصاك
اعبدك عن قناعه واثقٍ عن يقين= إنك الله وحدك عاليٍ في سماك
واعرف اني محاسب عن فعال اليدين= وعن فعال اللسان وكل عضوٍ نساك
اجتهد قد مااقدر ما اطيع القرين = غير ماني بمعصومٍ ولاني ملاك
واعرف اني مفارق لو تطول السنين= مثلما جيت وحدي مابها من فكاك
مثل من راح قبلي بعد عزٍ مكين= ومثل من يوم يتبع نافذٍ به قضاك
كل ما ارجوه حسن الخاتمه يامعين= وتلطف بعبدك اللي لا توهق نصاك

[داعي الشوق]

صح لسانك يالطائر

قصيدة طيبة و جميلة

لله درررك

وصح لسانك مع التحية لك

[يوسف بن سليم المشرافي]

كل ما ارجوه حسن الخاتمه يامعيـن
وتلطف بعبدك اللي لا توهق نصـاك

اللهم امين والله يكتب لك اللي فيه الخير

والله يوفقك على مايحبه الله ويرضاه


صح الساااااااااااانك يالغالي


قصيده جزله ولاهي غريبه على شاعر مثلك

تقبل تحياتي واعجابي

اخوك يوسف

[عيدالماجد]

صح لسانك ابو عبدالله الله يعيننا على صيامه وقيامه اللهم تقبل منا ومنكم صالح الاعمال

[نفحات حساسة]

اللهم امين..
صح السانك يالطير
والله يتقبل منا ومنكم جميع
ويعطيك العافيه..
تحياتى..

[سناعيس]

صح لسانك يابو عبدالله
قصيدة طيبه وجزله
وكل عام وانت والجميع بخير وصحه وسلامه
وأرجو من الله الرحمن الرحيم ان يتقبل منا ومنك الصالح من الاعمال

تحياتي

[ناصر عبيد الهواوي]

اللهم آمين يارب الجميع وعمنا بعفوك وجودك ياكريم
اجمل وابلغ واروع ما كتبت يابو عبد الله من غير مجاملة
احسنت وبارك الله فيك
تحياتي والسلام

[الطامي]

الطائر
اللهم امين يتقبل منا ومنك صالح الاعمال في هذا الشهر الفضيل
صح السانك ملايين
لاهنت

[صعبة المنال]

قصيدة جزلة
صح لسانك


ومبارك عليك الشهر


صعوووب

[عبدالله راشد الثويني]

استاذي الغالي / ابو عبدالله صح لسانك وعلا شانك
والله يعيده علينا وعليكم بالعفو والعافيه ويتقبل منا صيامنا وقيامنا
تقبـّل وُدي