مصافحه اولى الى قلوبكم(ودي اعاتب غيبتك)

[محمد مطلق الجربا]

بدايةً احب ان اتقدم بالشكر الجزيل الى الاخ الكريم والشاعر الرائع عبد العزيز البليهد

الذي دعاني الى هذا الصرح الجميل الراقي بما فيه وبمن فيه

اتمنى ان اكون بمستوا ذائقتكم الراقيه اخوكم محمد مطلق الجربا

تعبت اطالع في تجاعيد الابواب=الين افتح للعنا كل بابي
بعثرت ايامي على ابواب غياب=حتى ذرا ريح الزمن من شبابي
وانا عزاي من الاسا عضة الناب=ماغير كفي يصبر لهم نابي
كل ثانيه ترمي على الروح مخلاب=الين كل جسمي وهن ياعذابي
فصلت من صبري على قدي ثياب=شف كيف سملت بنتضارك ثيابي
اموت واحيا واحترق دون شباب=ولا يخفف غير دمعي مصابي
ما شفت شمع(ن) يحترق دون ما ذاب=هذا الذي والله دونك جرابي
قلبت ديوان الرفاقه والاحباب=دونك ولا غير المواجع صحابي
الموت فصل لي من الضيق جلباب=والضيق حطم بالالم كل مابي
والياس يمطر داخلي وانبت اعشاب=متشابك(ن) شوكه شقا ياغيابي
عامين قلبي ينفض الدم مرتاب=مليار ليه ولا حضت في جوابي
عامين دمعي كل ما اجففه راب=حتى غدى شوفي يشابه سرابي
عامين ما والله ضحك حبر بكتاب=غير يتغزل في مراري شرابي
عامين ودموع الرجا تنثر اهداب=الين جفني في خريفه سرابي
ودي اعاتب غيبتك اكبر عتاب=بس التعب ما عاد يمهل عتابي
تعال شفني للوهن قاعة احزاب=كل داء بالدنيا حبيبي دوابي
اخذ عليك من السهر كل مشعاب=الين كل ضاري بليلي ضرابي
وافز مع فجري على كل مرقاب=ارقب وضيق من المراقب رقابي
دونت ديوانك على صفحة تراب=ما عاد غير وجوه قاعي كتابي
الين صار محمد كتاب الاغراب=كل من فقد مثلي حبيب(ن) قرا بي
وش جاب قلي منك الحض وش جاب=شتان ما بين الجفا والوفا بي
رح لا تجي ما عاد في عمري حساب=كنت انطرك لين انتضاري غدا بي

[الطائر المهاجر]

هلا ومرحبا بك اخي الفاضل / محمد
في محلك وبين اخوانك وربعك
شكرا لتلبية دعوة اخي عبدالعزيز
وشكرا له على توجيهها فهو في محل النفس
سعدنا بتواجدك بيننا
ارحب يالغالي
مع اطيب تحياتي
ولي عودة

[جلال ابراهيم الصبيح]

صح لسانك واعتلى شانك جميلة جدا...لاهنت...دمت بخير.


بائع الورد

[البحار]

صح الله لسانك وقلبك يالقرم
قصيدة جزلة من راس جزل
لاهان راسك
تحياتي وتقديري

[الـزلـزال]

محمد الجربا

مصافحه مميزه ورائعه

من شاعر متميز ورائع فيما قدمه لنا

أبدعت غالينا في مصافحتك الراقيه

صح لسانك ملايين ملايين

ومرحبآ بك في بيتك الثاني

منتديات الفطاحلة

تشرفنا بتواجدك بيننا رعاك الله

تقبل فائق تحياتي وتقديري

[اسير البدر]

لجرباااااا اررحب الله يحييك ولاهي غريبه عليك الابداااع والجزااااله يااامحمد قصيده جميله ومميزه وافكارهااا راقيه صح لسااانك الف مررره والله يحيك نور الفطاحله بك وبحروفك الذهبيه

اخوك مجحود بن عسكر

[زهرة اللوتس]

صح لسانك وفكرك
ولاهنت
وهلا فيك
سعدنا لانضمامك لمنتدانا
وشكرا للاخ والشاعر عبد العزيز البليهد
تحية طيبه

زهرة

[علي سعود العازمي]

صح السانك صح السانك

وياهلا ومرحبا أخو عزيز وغالي

والله يبارك بالاخ عبدالعزيز اللي دعاك

[محمد مطلق الجربا]

الطائر المهاجر

الله يحييك ويبقيك يالطيب

لاهنت ولا هان مرورك العذب الراقي

كل الاحترام لسموك

[همس الورد]

صح لسااااااااااااانك اخي الفاضل

و صح بدنك

و يا مليوووووون هلا فيك اخي الفاضل