البدو ما يقارن زينهم بالحضر

[احمد الجريفاني]

اغلي البيض وابحر في غرام السمر=عندي الملح والقبله هن الميزتين
بس يامن بغيت الحق ( غير) الشقر=كل مااوفيت دين ينشبنك بدين
مشبعات العشيق ومطربات العمر=ما لهن عند مجنون العواطف وزين
حسنهن ما يبي له وصف ياسر اسر=لو مدحت العيون تلومك الحاجبين
شعر خمري ليا ناداك طعت الامر=لجتمع مع شروق الشمس عيا يبين
لاشلعه الهبوب لفوق عود حدر=وكل مال شالته نسمات يرجع يزين
لارتكز عودها ياصل لوسط الخصر=بينه وبين روس اردافها بوصتين
ظلل خدود لاهن بيض لاهن حمر= خوخ شامي يموع ليا لمسته يدين
بينها مبسمن لونه بلون الجمر=يقلب ارقام من صور لنفسه رزين
وجيد ريحه طبيعي عاف ريح العطر=كيف يحتاج طيب وريحته ياسمين
يوم حاولت اقيسه ما لقينا متر=النهد من كرم طبعه طلب خصلتين
والصدر (اه) عزالي وصلت الصدر=طا لبك عطني اخباره على دفعتين
لاتوصف اذا تخشى عذاب الحشر=شرع ربي يحرم ذبحة المسلمين
لاوصفته اخاف يضيع منك الاجر=طالبك خل عشاق النهد غافلين
واهمل ردوفها به ناس كله نظر=العباة تركت كل المحاسن تبين
تزعل ان قلت وجهك يا الحبيبه قمر=وتقبل ان قلت يا شمس الضحى تامرين
لا تسبه بطول ولا يعيبه قصر=كامله والله الكامل على العالمين
من كسبها دعوا له ناس ليلة قدر=ساعة الفجر يوم ان البشر غافلين
بنت تفرح ليا منك نويت السهر=نومها بس عقب الظهر لو ساعتين
قلتها يا السنافي وانت كلك نظر=كنهم هجنوها يا الحبيب تهجين
البدو ما يقارن زينهم با الحضر=الجمال الحقيقي يبهر الناظرين
ما لقيته ببدو الشام والا مصر=مسكنه منطقة حايل واهلها قطين

[مبروك بن ماضي]

جميلة أيها الشاعر و جزله
الحقيقة أنني أسعد بالقراءة لك ..
ارتويت هنا من إبداعك ووصفك الرائع
شاعرنا المبدع / احمد الجريفاني
سجل اعجابي القديم بشعرك وشخصك الكريم
أدام الله عليك هذا الألق والجزاله والروعه
أجمل التحايا واطيب الامنيات
أخوك / بن ماضي

[الطائر المهاجر]

سلمت وصح لسانك وفكرك
نص رائع من شاعر رائع
لاهنت
دمت بخبر

[جلال ابراهيم الصبيح]

صح لسانك مليون ولا يكفون

قصيدة جدا رائعة وغاية في الإبداع

جزلة من شاعر أكيد جزل....لاهنت....دمت بخير.


عاشق دمشق

[سعود المحجان]

صح الله السانك

نص رااااااااقي وعذب

جزل بكل حالاتك

تحيياتي لك

[منيع]

ياسلام عليك
ابداع وتميز
تسلم
بارك الله فيكم
تحياتي

[الطامي]

الجريفاني
وصف رائع اخي
صح السانك ملايين
شكرا لك

[داعي الشوق]

يالشاعر الجميل

احمد الجريفاني

و صح لساآآنك مدد بلا عدد

رائعة من شاعر رائع

[حي الضمير]

ابدعت حيل يالجريفاني
وعوااايدك بارك الله فيك
ومدد صح لسااااانك

[عدنان كريزم]

صح لسانك

ولا هنت