الهوى ماله غريم .!

[محمد بن عمار]

السلام عليكم /
معايدة ومعاتب قبل الزحمة
عشان تصفا القلوب للعيد

الهوى ماله غريم

ليه ! ياكل الغـلا ،، ويش السبب = كيف تجرحني على الجرح القديم
يارفيع الذوق ، بأخلاق ، وأدب = مع جمال ٍ ، في محّياك الوسيم
إسمك ورسمك ، بجوفي إنكتب = في خفا الخفـّاق ، ماغيرك مقيم
من عنادك ! ماجنيت ، إلاّ التعب = شوف همّي من فراقـك مستديم
عقب ماطبعـك ، تغيّر ، وإنقلب = وصار أغلب هرجنا سين ٍ وجيم
شبّ جوفي نار و ضلوعي حطب = من عذاب ٍ داخل فوادي ، أليم
مااهتني بالنوم من صالي اللهب = تشتعل في ضامري نار الجحيم
أحسبك تفهم ؟ لأغـضّاي ، الهدب = مادريت ! إنك لمعـناها ،غـشيم
نظرتي لك ..! لا تفكّرها،عتب = لغز؟ وتفسيره يبي شخص ٍ فهيم
يوم لدت عينك بنظرة غضب = سهم رمشك صاب قلبي في الصميم
الهوى راعيه خاسر .! لوغلب = ظالم أو مظلوم ! ماعنده خصيم
إنشد اللي شاف في الدنيا عجب != ضاع عمره والهوى ماله غريم

مودتي وتقديري
محمد بن عما ر

[منيع]

ياسلام
ابداع وجمال
تسلم ياابن عمار
ودي وتقديري

[روح الشعر]

يسلم قافك

ولا هان فكرك صح لسانك

تقبل هدوء مروري

[عبدالعزيز العمار]

ياهلا بالشعر واهله وكل عام وانت بخير

صح لسانك وقلبك وكلك

نص فاخر وجزل كالعاده يابن العم

تحياتي وتقديري

[حنان الكون]

نص رائع وجميل
من شاعر رائع صح لسانك ملايين ملايين
ولك فائق تحياتي وتقديري

[نجم الإبداع]

الهوى ماله غريم

ايو الله

صح لسانك يابن عمار

وكل عام وانت بخير

لاهنت

تقبل مروري

وودي

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[الخنساء]

صح لسانك مليوووووووون

فصيدة جزلة من شاعر متمكن

سلمت ودام حرفك

[عمر ال شيبي]

الله عليك ما اجمل روحك

نعم راعي الهوى ما له غريم
وصح لسانك لا هنت ابد

[عبدالله الشويمان]

صح السانك يا اخ محمد

قصيده جزله كعادتك ما ترضى الا بالجزل

دمت بخير ولا هنت