شفت هالدنيا يتيم

[ماجد المهدي]

كل عام وانتم بخير يا الفطاحلة
!
!
بلا تعليق يسبق القصيدة سوا ان القهر يسكنها

الغرابه كل مـا احلـم حلـم القـاه كابـوس=يبتدي فرحـة يتيـم وينتهـي حـزن ومذلـه
لعنبو دنيا اليتامه ولو غـدى التاريـخ منحـوس=ويا ثقـل دم الليالـي اليـا غـدر خـلٍ بخلـه
شفت هالدنيا يتيم وكف دهري كـان بعبـوس=ينتفض جسمي عليل ومـا احـد يـدري بعلـه
دنيتي كهفٍ تسـده صخـرةٍ والحـظ متعـوس=امنياتـي مثـل حبـل العنكبوتـه لـو تفـلـه
وساد ليلي بظلمته واصبح نهاري ضوء فانـوس=وصرت اصبر خافقي ( يمكن - وياليت - ولعله )
بلتجـي لله ربـي مرسـلٍ جبريـل نـامـوس=لنبي موسـى واحمـد بالشريعـه وويـش تحلـه
لجل يرفع كربتي ويجعـل ليـا ديـارٍ بفـردوس=واتقى من حط جوره في دروبـي وهـم اشلـه
الغرابه كل مـا احلـم حلـم القـاه كابـوس=يبتدي فرحـة يتيـم وينتهـي حـزن ومذلـه

وسلامتكم

ماجد المهدي

[مبروك بن ماضي]

اخوي المبدع :
الشاعر / ماجد المهدي
الف صح لسانك على هذه الرااائعه ..
قصيدة جزله من راس جزل
سعدت بقراءتها وتشرفت بحضوري الباكر هنا
كل عام وانت بخير
سجل اعجابي وتقبل تحياتي وتقديري
أخوك / بن ماضي

[ابومياس]

اهلا وسهلا بالاخ العزيز

ماجد المهدي

من طول الغيبات جاب الغنائم

وش هالزين

صح لسانك وعاش راسك

جزلة من جزل

ومن العايدين

دمت بخير

الله يزيل همك ،، صح لسانك

بوح من القلب برقي المعاني والتشبيهات

بلاغة في بلاغة

دمت بود

[منيع]

جعل ايامك واحلامك كلها سعيده
تحياتي

[عيد بن سعدون]

ماجد المهدي

عانق الابداع حروفك وصفق عجبا

صح لسانك ولا هنت

مفرده راقيه وشاعر كبير

تقبل اعجابي بنزفك

اخوك
عيد بن سعدون

[عبدالرحمن الصباح]

اخوي ماجد صح السانك وعلا شانك رائعه من شاعر مبدع اسجل اعجابي وتقديري

دمتِِ في سعادة وهناء

لكِ من عبير كلماتي المتوشحه

بالجوري والزيزفون

أرق تحية يخط بقلم مطرز بعطر الورد

أخى الغالي

كلماتك جدا جميله

كن بخير

منتهى الروعة والابداع

تسلم لنا اناملك الذهبية يالغالى

ودمت ولا هان رأسك