يالله يامحـيي هـمـيـت الجرومي -جديدنا

[الطامي]

يالله يامحـيي هـمـيـت الجرومي = ويامشافيٍ ايوب من بعد بلواه
ويـارازق النعـاب دود معلـومي = لين استعد وعادت امه مع اباه
ويامنجي ذا النون من بعد عومي = في بطن حوتٍ وطبقات وظلماه
ياخالق ادم وهو كان معدومي = ومنه خلق حواء سكينه وتدراه
ويامن له تصلي العباد وتصومي = وتحج وتطوف الحرم تبغي ارضاه
انت الكريم اللي غفور ورحومي = وانت العزيز اللي المخاليق تنصاه
تقبل دعاَ اللي ساهر ماينومي = يدعوك يرجو رحمتك لنك مولاه
أتعـينه بالدنيا بقــو العـزومي = وتهديه درب الرشد والخير ينصاه
وتنجيه من نارٍ ولفحة سمومي = ودرب كما الشعره نجح من تعداه
عينه على الجنه برحمتك دومي = وعزي لمن نوقش حسابه ياعزاه

[الطائر المهاجر]

امتعتنا بهذه الرائعه
صح لسانك
ولاهنت
تحياتي وتقديري

[الطامي]

الطائر
صح بدنك
وشكرا لمرورك
لاهنت

[هترل]

صح لسانك يابو محمد مليارات
نص راقي وابدعت لله درك
ودي

[الطامي]

هتررل
صح بدنك
وشكرا لمرورك
لاهنت

[منيع]

جزل ومبدع
شكرا لك
نسئل من الله لنا ولكم حسن الخاتمة
شكرا لك
تحياتي

[داعي الشوق]

صح لسانك مليوون يا بو محمد
والله يرزقنا وياك الجنه و المسلمين

ابيات جزله و شاعر جزل

صح لسانك ولاهنت

[حرف وشعر]

أمين يالطامى آمين ،،

[الطامي]

بو حمد
صح بدنك
والله يرزقنا واياك حسن الخاتمه
شكرا لمرورك
ولاهنت

[الطامي]

بو سعد
صح بدنك
والله يرزقنا واياك حسن الخاتمه
شكرا لمرورك
ولاهنت