الشِّيْـحَـــــه : جديدي

[علي القرني]

اللهم صل على محمد وعلى آله وصحبه أجمعين

اهلا بكم جميعا اليكم هذا النص مع عاطر محبتي





الشّيْـحَـــــه

عانقت صوتك .. وجرحك ربـِّي يبيحَه
ويـْبيح جوْر الظما .. يالمنهل الصافـي

صحّيت جرح الشجون .. وزدَّ تجريحـه
وتشجَّرَت سُوسَنَه . في خاصرة قافـي

دمّ الشّفق . والخضاب . وكفّ تلـويحه
صوره . لها في مدى العينين . مشرافي

في حسن شمس الأصيل أخفى ملاميحه
لوحة جمال الجروح .. ونزْفها الخافــي

ياحر دمع القلوب . . ويا غلا سيـْحَه
الِّي ورا العوج . لجَـْل الشَّمْت نـزَّافي

ادرأ مطيحه .عن الِّي يحـْتري الطّيحـه
وارسم على وجه حزنـي . بهجة اريافـي

مثـْل ابتسامة طفل .. بعيونه الصـّيحَه
لو تعـْترف دمْعـته ... لوْجودَها نافــي !

العذر : لو ضمّني . واهدى مصابيحه
مسْراه .. ما طابلي . والبـرد بعـْطافي

ما ادْفـى خفوقي . ولا سكَّن تباريحـه
ما.لـم ّ. رعشة شتات الريح . بلحافـي

والليل . لو هدْهَدَت سُهدي مراجيحه
يجْفى الكرى .. من جفاه الموطن الدافي

الهجر : وجه الهجير. ولفحه . وفيحه
والبرد : لا صرْت . ميلافي . وميهافـي

يا روح قطر السحابُ . ويا مراويحه
ما زلت غالي .. ولكن تعْـبت اكتـافـي

ملِّ العتب . من كثر شطبه وتصحيحه
والـدَّاج . شوَّه نقايّ . وطاهر اهدافي

الحي : قدره يموت. ان ماتت الشيْحَه
ويعيش قدر النخل .لوْ ضآمه السَّـافي

افقر من الفقر.مال ونفسٍ (ا) شحيحه
واغنى البشر.من يموت ذنوبه (ا)خفافي

والعـز يا هامتي : سجــده . وتسبيحـه
والْعزْوه (ابـْ) حسبي الله .. والله الكافي

منْ / اصبْح افلح . وللعتمات تصبيحه
لو طاح ضيّ النهار .. من التعب غافي

زبْـد الحكي .. والذَّكي تكفيه تلميــحـه
نقطه . نهاية سطر . قلي : من الوافي ؟






علي القرني

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[منيع]

ابداع وجمال
شكرا لك
تحياتي

[داعي الشوق]

صح لساانك و صح فكرك و طاب حالك

قصيده جزله بكل معانيها

ولاهنت

[بنت النور]

كتبت فأبدعت
جزلة من راس جزل وشاعر مبدع
صح لسانك ولا هنت
تحياتي الطيبة

[الطامي]

صح السانك يالقرني
رائعة جدا
لاهنت

[محمد العيسى]

صح لسانك ابدعت في
هذه القصيدة الفاخرة
تقبل تحياتي واحترامي .

[روح الشعر]

صح لسانك

لاهنت يالشيخ