مصافحة أولى غزلية عن(( السبحـــــــــة))

[خالد بدر]

السلام عليكم ورحمة الله وبركاته


أيها الأخوة ..


أبعث إليكم نبض إحساسي وبعض مشاعري ..

عندما فقدت مسبحة ( سبحة ) غالية الثمن بالإضافة أنها احتلت مكانا في خافقي

وباعتبارها قديمة نادرة الوجود00


وقد عانيت أثناء فقدها من الهم والحزن ما يقارب أسبوعين،،

فقدتها وبكل آسى سطرت مشاعري بهذه القصيدة00




وهي السبحة نوع من الكهرمان الذي يلذع بالنار

وتكٌون النار اثرا احمرا على الخرزة،،

واللي فاهم بالسباح يعرف الأمر هذا

انضّمت اهمومي ثلاث وثلاثين=عد خرزة ضاعت من اغلى سباحي
يالعين ابكي كل كويه بدمعين=واشفي غليل ما لقى الانشراحي
باسباب فرقاها وياحظي الشين=مقدر ما جاك ما خطى مناحي
لحظه خطفها ساحر القلب والعين=كني بعلم فقت منه وراحي
ضاقت بي الدنيا وتطعن بسكين=مره تجي وتروح تدمي جراحي
اصبحت كني شايب بالثمانين=لا جا يوقف هز ايده وطاحي
والا كما مسكين تعبن من الدين= لا دق به هاجوس دلى يحاحي
من القهر قمت اصفق يسار بيمين=واردد الونه مساء وصباحي
تتل قلبي تلت الطير شاهين= حول على الصيده ورف الجناحي
يكفي حزن يا بنت قمتي تجرين= من الاسى والضيم والقدر فاحي
مملوحة وامرقطه كلها زين=والشعر تلعبه هبوب الرياحي
اخيوطها عرقين من هالشرايين= إن فارقني ذقت سم ذحاحي
اصفق بها في كل صفقه ببيتين=وارد بها لو وردت جم قراحي
يسوى لها بقلبي ثلاثة ملايين=مع صفة قصورن بحي الفلاحي
هذي وصوفه باقين فوق ستين=الزين كاسيها جداد الوشاحي
إن ردها جعله بدرب التقيين= وإن صد جعله ماهتنى بالمراحي
تتلي عليه اهموم واتصف صفين=كل تسابق له وماهن شحاحي
تعطي عطايا ما تبرك بعارين=واليأس يغلق عنْه باب النجاحي
ويصير في دنياه ما بين نارين=تلفيه بقعا من جميع النواحي
صلو على محمد ختام النبيين= اعداد برق فالسموات لاحي

أتمنى أن ترتقي لذائقتكم الفريدة00

ونبشركم أنه ردها بعد ما علم بهذه القصيدة///

ودمتم سالمين ,,

[عيد بن سعدون]

صح لسانك ولا هنت

قصيده نابعه من القلب

ابدعت يالقرم


اخوك

عيد بن سعدون

[الطائر المهاجر]

صح لسانك وقلبك
جزلة وفيها من الإبداع الشئ الكثير
ولكن يبدو ان بعض الأخطاء المطبعية
تحتاج للتصحيح
وشفي غليل مالاقى ، وأعتقد الصحه مالقى
باسباب فرقاها وياحظ الشين ، اعتقد انك تقصد وياحظي
وياليتك نشرتها بدون هالديكور كان تتضح اكثر
عموما جمل الله حالك
وما قصرت
تحياتي الطيبة

[ماجد الزيد]

صح لسانك يابو وليد قصيده طيبه وجزله وليتك نشرتها بتنسيق كتابي افضل عموما صح لسانك وجمل الله حالك

[إستبرق]

ضــآقــت بي الدنيــآ وتطـعن بسكـين .... مـره تجـي وتروح تدمي جـرآحـي

آلشــآعــر :

خــآلــد بـــدر ..

بكــل صــرآحــه آبـدعــت إحسـآس مختـلـف .. وللـه الحمـد عـآدت لـكـ السبـحه ..

صــح لســآنــكـ وسلمـ إحســآســكـ ..و تصمـيـمـ جميـل لآبيـآت آجمـل ..

دمــت بآطـيب آحـوآلـكـ آخــي .. وحسبـكـ آن تضيـع سبحتـكـ مجـددآ ..

آرق آلتحــآيـآ

إستبرق

[خالد بدر]

عيــــــــــــــد سعـــــــــــدون،،

كم أتشرف في مشاركاتك وتعليقاتك

الرائعــــــــــــــــــــــــ ة00

صصح بدنك،،

لك مني خالص التحية والتقدير،،

[خالد بدر]

الطائر المهاجر،،

نعم فيه بعض الأخطاء00

اولا:انظمت الصحيح:انضمت من الضم

وليست من النظم00

لاقى خطأ الصحيح:ما لقى

مشكور على مرورك////


واتحفنا ببعض التنبيهات00

وللعموم التصميم لست انا من

صممه**

هذا واحد جزاه الله خيرا

صممه لكي تتضح السبحة

ويضفي لها شيئا جميلا

والقصيدة مسندها على رجل في موقع آخر

تحياتي

صح ألسانك
ولا هنت قصيده
رائعه وكلمات جميله




تحياااااااااتي

[الطائر المهاجر]

قصيدك ما يحتاج من يدوكره
انت شاعر ومتمكن ، وطريقة الزبرقة
يمكن يلجأ لها البعض لتغطية ضعف في قصايدهم
فعطناها من دون زبرقة

[ابوعبدالرحمن القريشي]

قصيدة رائعة

يبدو ان السبحة غاليك على قلبك جدا
والحمد لله رجعت بالسلامة

ننتظر ابداعك الجديد اخوي خالد

دمت بود